YOHAAN 13:18 - Uduk New Teatament and OT Portions

¹⁸ Aha/ dinaki ṯor gwo gom umi ’baar mo. Aha/ misha uni gun kwanyka/ mo, a’di jin mina Gwo ma Arumgimis jin ’kwarkunu mo ki a’di minu thim moyi ki: A’di jin shwaki maam pem a’di ’de’kki ’penaṯiŋkilan sho’k piti ap̱o/ aha/ mo.

YOHAAN 13:18 Iomraidhean Croise

GWAY GI IDAWUU’D 41:9

Isi kani amugum pem gana/ jin di’da bori aha/ jin gamka/ gwo is mo tani a’di jin shwaki tonṯem pem mo tani a’di ’de’kki ’penaṯiŋkilam piti ap̱o/ aha/ mo.

MAṮṮA 10:36

Dhali ’kwani kun ta ’kup̱ gom wathiŋ kamu/ mo tani mini ta uni gwansan gi gu’b pitiŋ gana/ mo be.

MAṮṮA 26:21

Dhali ki uni ’kokin mo mmoshwa to mo tani a’di ki o uni gwo mo ki: Ka jiŋ gana/ aha/ ṯora um gwo mo ki jan ’de/ ’peni um midi ’ciṯẖ aha/ is ki gwo mo be.

MAṮṮA 26:23

Dhali a’di ki thoḵ gwo mo ki: A’di jin ’thup̱ki me’d piti eya sahan nyaḵki aha/ mo tani a’di midi ’ciṯẖ aha/ is ki gwo mo be.

MARKUS 14:17

Dhali ki mo ta mom’pimpili/ mo tani a’di p̱u’dki’d nyaḵki kum piti kun ’koni ’kume’d i’ce’dka su/ mo.

MARKUS 14:18

Dhali ki uni ’kokina tharabeesa mo mmoshwa to mo tani Yesus ki o gwo mo ki: Ka jiŋ gana/ aha/ ṯora um gwo mo ki: Jan ṯal ’de/ ’peni um midi ’ciṯẖ aha/ is ki gwo mo, a’din ’de/ jin nyaḵki to shwa ki aha/ mo be.

MARKUS 14:20

A’di ki o uni gwo mo ki: A’di ta jin ṯal ’de/ ’peni um kun ’koni ’kume’d i’ce’dka su/ mo, a’di jin ’thup̱ki maaŋḵuthu’d nyaḵki aha/ eya sahana ’de/ mo be.

LUUKA 22:21

Hili, hili mo mo ma, me’d gi a’di jin ’ciṯẖi/ aha/ is ki gwo mo a’di nyaḵki di ki aha/ eya tharabeesa mo be.

YOHAAN 13:21

AYesus oki gwo wakansan mo tani a’di murkin ma du mo e shi/in mo dhali ṯe gwo shoka ’cesh mo ki: Ka jiŋ gana/, ka jiŋ gana/ aha/ ona um gwo mo ki: Jan ṯal ’deŋ kamu/ ’peni um midi ’ciṯẖ aha/ is ki gwo mo be.

YOHAAN 13:22

Dhali imanciḵ gwo uni sugkin ki e ka rem ’kup̱ mo mmomolkina uni wathi/ jin okina a’di mo be.

YOHAAN 13:26

Yesus ki thoḵ gwo mo ki: A’di ta a’di jin miga/ c̱ika gabul maaŋḵuthu’d yan mo ki aha/ mina ’thup̱ki a’di mo be. Wakan ki a’di ’thup̱ki a’di agabul maaŋḵuthu’d mo tani a’di ki c̱iki a’di ka Yahuusa jin ta ya/ ma Simaan Isḵariyuuṯi mo be.

YOHAAN 15:16

Um ’koki kwany aha/ mo tani hili aha/ ikwanykina um mo dhali dhu um mo ki um mini ’taki ’ko mo dhali dho’th maman mo dhali ki maman bum mini ’taki ’ko mo. Wakan ki ma to yin jin mina um doṯa Baba ki gway pem mo tani a’di midi c̱iki um uni mo be.

YOHAAN 15:19

Waḵki/ um mini ’taki ta ku gi ’kwaniny’cesh mo tani ’kwaniny’cesh mini ’taki ena en gom kum buni mo, hili haali/ um ’koki ta ku gi ’kwaniny’cesh mo haali/ aha/ kwanykina um mo ’peni ’kwaniny’cesh mo tani a’di ishi/kina ’kwaniny’cesh umi e kan mo be.

YOHAAN 15:25

A’di ta gwo jin minu thim moyi jin ’kwarkunu mo e gwoŋḵan buni jin c̱ikunu mo ki: Uni shi/ki aha/ i e ka ḵar ’kup̱ mo be.

YOHAAN 17:12

Ki aha/ dikina uni naskina/ mo tani aha/ dhukina uni ki gway pini mo, uni kun c̱ikina /e aha/ mo. Aha/ jikina uni mo dhali jan ṯal ’deŋ kamu/ ’peni uni yisa thisu e mowa, hili jasi ya/ gi a’di jin daḵu gwo me’d mo, ki Gwo ma Arumgimis jin ’kwarkunu minu thim moyi.

YOHAAN 18:32

A’di yansan miikunu mo mmothim gwo moyi jin okin ma Yesus mmoṯor gwo mo gom wu jin mina a’di wu mo be.

YOHAAN 19:24

Wakan uni oki gwo ka rem ’kup̱ mo ki: Dhalkina ki dher a’di bwa mo, hili ana ki biṯ to mo gom a’di mo ki ana mina p̱ar e mo ki a’di midi ta jim maja mo. A’di ta gwo jin thimkunu moyi me’d gwo jin ’kwarkunu mo e Gwo ma Arumgimis mo ki: Uni ḵwa/ki burrinyem pem bwa mo e bwam uni mo, dhali gom burrinyem pem mo tani to ṯagkina uni mo be.

YOHAAN 19:36

Haali/ to gwansan uni bu’thki mo mo mmothim Gwo ma Arumgimis jin ’kwarkunu moyi ki: Asiman ṯal ’deŋ kamum piti minu ’koki ’ce’d mo be.

YOHAAN 21:17

A’di ki o a’di gwo mo me’di kwara ki: Simaan, ya/ ma Yohaan, a/e eni aha/ mo? ABuṯerus suguwa du tash mo haali/ a’di ki o a’di gwo me’di kwara mo ki: A/e eni aha/ mowa? Dhali a’di ki o a’di gwo mo ki: Tap̱a, /e mishkina ris to ’baar mo dhali /e mishkin ki aha/ enkina /e mo. Dhala Yesus ki o a’di gwo mo ki: C̱iyi ḵa’bal pem to mmoshwa mo.

YOHAAN 6:70

Dhala Yesus ki thoḵ uni gwo mo ki: Dika/ ki kwany umi ’kume’d i’ce’dka su/ mo dhali jan ṯal ’deŋ kamu/ ’peni bwam um mo tani ta tap̱a ma ruma ’cesh mowa?

MII GUN MIINU MO 1:16

Awaḵ pema, a’di minu mii mii mo ki Gwo ma Arumgimis midi pu’du/ mo jin okina Shi/in Dheleladhelel nṯwa/a/ ki ’twa/ ma Dawuu’d goma Yahuusa jin ta’da manshu uni bway kun bu’thkina Yesus mo.

MII GUN MIINU MO 1:2

gama cim jin gunu a’di momis mo ’ko’di gwoŋḵan jin c̱ina a’di ki Shi/in Dheleladhelel ki imandhuna a’di ki she/ mo kun kwanykina a’di mo.

KURINṮH̱UUS SU/ 4:5

Haali/ gwo yan jin c̱ina aman mo tani ta gwom bam ki is bam mo yisa, hili aYesus Ḵrisṯẖos jin ta Tap̱a mo, dhali gom miiny c̱iŋkina/ jin tana aman ki is bam mo gom um mo tani a’di gom gway ma Yesus mo be.

IBRANIYIIN 4:13

Dhali ibwambori a’di mo tani to jin uḵuŋ kamu/ yisa di’da jin bagkunu ’peni a’di mo, hili aris uni ’baar mo dhunu eya tente/ mo dhali ’kon ki laŋ laŋ mo e bwambori em piti mo, a’di jin mina ana mii us is mo mmomii to mo.

GWO JIN ’CEENU MO 2:23

Dhali aha/ mina ’kosh uc̱i ma yim jwa mo. Dhali arisa ḵaniisa gwansan mini mish mo mo ki aha/ tana a’di jin ŋap̱ki bwaŋ ’kwani ki bur bur mo dhali aduŋ ’kwani mo, dhali aha/ mina c̱i aris umi ’baar mo to ka ’deṯe/ ’deṯe/ mo, to kun wana e ki miin to kun miina um mo.