YOHAAN 13:13 - Uduk New Teatament and OT Portions

¹³ Um yuḵki aha/ ka Manṯor Gwo dhali ki Tap̱a mo. Dhali miim bum ’boro’d be haali/ aha/ wana kan mo be.

YOHAAN 13:13 Iomraidhean Croise

MAṮṮA 20:28

Wakansan me’d Ya/ gi ’Kwani p̱u’dki’d mo ki a’di minu ’koki mii to mo tani hili ki a’di midi mii to gom ’kwani mo dhali mmoc̱i mondiki/em piti mo mmota amangwam gom ’kwani ka ris mo be.

LUUKA 10:28

Dhali a’di ki thoḵ a’di gwo mo ki: /e thoḵki gwo ki ’bore/ mo be. Rashi yansan mii mo ma, dhali /e mini di ki e mo be.

LUUKA 6:46

Atinta yuḵa um aha/ ki Tap̱a, Tap̱a mo? dhali ’koki mii to gun ṯorka/ um mo?

LUUKA 7:43

Simaan thoḵ a’di gwo mo ki: Jan ’de/ jin ṯoshka/ mo ki a’di jin dhalkunu amure/ ’pen mo ki nyanye/ mo. Dhali a’di ki o a’di gwo mo ki: /e o gwo ki ’bore/ mo be.

YOHAAN 11:2

A’di ta’da Mariyam jin ’koshki Tap̱a is ka yina p̱i’dnaŋ gana/ mo dhali shumuṯ a’di sho’k ka mur’kup̱ ma yim mo, a’di jin ’ba’thkin ma kam piti ka Li/aasar mo.

YOHAAN 11:28

Ka yim oki gwo yansan mo tani ayim yaki’d mo dhali yuḵ ’bwaham piti ka Mariyam mo mmo/o a’di gwo ka ḵwal is mo ki: Amanṯor Gwo di’di mahan mo dhali a’di yuḵki /e mo be.

YOHAAN 11:3

Wakan i’bwaham hashki a’di gwo mo mmo/o gwo mo ki: Tap̱a, a’di jin ena /e mo tani ’ba’thki’d mo be.

KURINṮH̱UUS ’DE/ 12:3

Wakan aha/ ŋap̱a um mo mmomish gwo ’ban mo ki wathin ṯal ’deŋ kamu/ yisa di’da jin oki gwo ki Shi/in Dheleladhelel ma Arumgimis mo ki sule/ mo mmo/o gwo mo ki: Dhalka Ḵrisṯẖos a’di jeenu mo. Dhali jan ṯal ’deŋ kamu/ yisa midi mish gwo o mo mmo/o ka: Yesus ta Tap̱a mo isi ciki/ ki Shi/in Dheleladhelel mo be.

KURINṮH̱UUS ’DE/ 8:6

hili gom ana mo tani Arumgimis ṯal ’de/ mo a’di jin ta’da Baba mo dhali ’peni a’di mo tani aris to ’baar mo ’kokin mo dhali gom a’di mo tani ana ’kokina mo, dhali Tap̱an ’de/ mo jin ta’da Yesus Ḵrisṯẖos mo dhali e a’di mo tani aris to ’baar mo ’kokin mo dhali e a’di mo tani ana ’kokina mo be.

EP̱ASUS 6:9

Itap̱a, miiyi to kun nyaḵan gom uni mo ma, dhali ’doyi bwa ka ’kany’cesh mo ’peni mo jin shwanuwa ’cesh ki sho’k mo, mmomisha um ki a’di jin ta Tap̱am buni dhali Tap̱am bum mo tani a’di di’d e momis mo, dhali mo jin miinuwa mii ka gwar ’de/ yisa di’da e a’di mo be.

P̱ILIBBI 2:11

dhala risa le’di ’baar mo mini pi gwo mo ka Yesus Ḵrisṯẖos ta Tap̱a mo gom monyca ma Arumgimis jin ta Com mo be.

P̱ILIBBI 3:8

Ka jiŋ gana/ aha/ dhuna ris to me’d to kun thisu e mo gom to jin bolo’da ris to ’baar mo e ki ’bor mo jin ta mmomisha Ḵrisṯẖos jin ta’da Yesus Tap̱am pem mo be. Dhali gom gway piti mo tani aha/ wana gwo kan e bwa mo mmodhala ris to ’peni ’baar mo dhali aha/ dhuna uni me’d to gun pishu mo ki mii gi wakan ki aha/ mina gama Ḵrisṯẖosa du is mo be.

YAKUUB 2:19

/E gami gwo is ka Arumgimis ṯal ’de/ mo. /E miin ki ’bore/ mo be. Me’da rum thus kun nyo/on si’da/ gam gwo is mo dhali cuna is ki thunthur mo.