YOHAAN 13:11 - Uduk New Teatament and OT Portions

¹¹ Haali/ a’di mishki a’di jin midi ’ciṯẖ a’di is ki gwo mo. A’di i/ona a’di gwo gi wakan mo ki: Umi ’baar mo yisa idheleladhelel mo.

YOHAAN 13:11 Iomraidhean Croise

YOHAAN 13:18

Aha/ dinaki ṯor gwo gom umi ’baar mo. Aha/ misha uni gun kwanyka/ mo, a’di jin mina Gwo ma Arumgimis jin ’kwarkunu mo ki a’di minu thim moyi ki: A’di jin shwaki maam pem a’di ’de’kki ’penaṯiŋkilan sho’k piti ap̱o/ aha/ mo.

YOHAAN 13:2

Dhali ki tonṯe/ muru shwa mo tani ki tap̱a ma ruma ’cesh ’baarki gwo kar mo eya du ma Yahuusa Isḵariyuuṯi mo, a’di jin ta ya/ ma Simaan mo mmo’ciṯẖ a’di is ki gwo mo tani,

YOHAAN 13:21

AYesus oki gwo wakansan mo tani a’di murkin ma du mo e shi/in mo dhali ṯe gwo shoka ’cesh mo ki: Ka jiŋ gana/, ka jiŋ gana/ aha/ ona um gwo mo ki: Jan ṯal ’deŋ kamu/ ’peni um midi ’ciṯẖ aha/ is ki gwo mo be.

YOHAAN 13:26

Yesus ki thoḵ gwo mo ki: A’di ta a’di jin miga/ c̱ika gabul maaŋḵuthu’d yan mo ki aha/ mina ’thup̱ki a’di mo be. Wakan ki a’di ’thup̱ki a’di agabul maaŋḵuthu’d mo tani a’di ki c̱iki a’di ka Yahuusa jin ta ya/ ma Simaan Isḵariyuuṯi mo be.

YOHAAN 17:12

Ki aha/ dikina uni naskina/ mo tani aha/ dhukina uni ki gway pini mo, uni kun c̱ikina /e aha/ mo. Aha/ jikina uni mo dhali jan ṯal ’deŋ kamu/ ’peni uni yisa thisu e mowa, hili jasi ya/ gi a’di jin daḵu gwo me’d mo, ki Gwo ma Arumgimis jin ’kwarkunu minu thim moyi.

YOHAAN 18:4

Dhali yan’ko’d Yesus mishki’da ris to gwansan kun mini p̱u’du/ i a’di mo tani dhali a’di yaki’d ka ḵarambuye/ mo dhali o uni gwo mo ki: Kaja ŋap̱a um mo?

YOHAAN 2:25

haali/ a’di mishki’da ris ’kwani ’baar mo dhali midi mii diki ta gi jan ṯal ’deŋ kamu/ mmoṯor a’di gwo ap̱o/ ’kwani mo haali/ a’di ki is piti mishki to kun ’kon e bwaŋ ’kwani mo be.