YOHAAN 12:2 - Uduk New Teatament and OT Portions

² Dhali uni miiki a’di tonṯe/ mo. Marṯẖa a’di miiki’da ṯu’c mo, hila Li/aasar a’di ta jan ṯal ’de/ e bwam uni gwansan kun ’kokina tharabeesa nyaḵki a’di mo be.

YOHAAN 12:2 Iomraidhean Croise

MAṮṮA 26:6

Dhali ka Yesus di’d e Pam Beeṯaniya e gu’b ma Simaan jin ta gi monthus mo tani

MARKUS 14:3

Dhali ki a’di diki’d e Pam Beeṯaniya e gu’b ma Simaan jin ’kosha monthus mo tani ki a’di c̱a’bki’da tharabeesa mo tani a’boma kamu/ p̱u’dki’d mo jin taki’d gi turaŋ gasaas jin ta gi kush mo jin din ma yina p̱i’dnaŋ gana/ nycine/ mo, jin ’bitha yol she/ ki ’bi’th mo. Dhala yim ki ’ce’d tura mo dhali wol a’di e ’kup̱ ma Yesus mo be.

LUUKA 12:37

Mom’bor mii gom c̱iŋkina/ gwansan uni kun gama tap̱a ki e mo ki a’di p̱u’dki’d ka nyaŋ’ko’d mo. Ka jiŋ gana/ aha/ ona um gwo mo ki a’di midi ’kam empa’d piti ki to mo dhali yuḵ uni mo mmo’kowa tharabeesa mo dhali a’di midi yaku/ mo dhali mii uni to mo be.

LUUKA 14:12

Dhali a’di si’da/ o gwo mo e wathi/ jin yuḵki a’di mo ki: Ki /e ki c̱iya yuḵ jin yuḵu mo gom tonṯe/ mo walla dhan tonṯe/ jin shwanu mo tani dhalku/ ki yuḵ imugum pini mo walla ikam pini mo walla ibas pini mo walla imannyaḵ ’kom pini kun ta pa ki pa mo hili isi ciki/ uni si’da/ mini yuḵ /e mo mmodoḵ mii mo dhali /e minu raḵ mii yani bway mo be.

LUUKA 22:27

Haali/ a’di jin ca’d mo tani ta a’din ’de/ jin di’da tharabeesa mo ’taa? walla a’di jin ta’da manmii to mo? A’di diki ta a’di jin di’da tharabeesa mo ’taa? Hili aha/ dina mbwam um mo mmota wathin ’de/ jin mii to mo be.

LUUKA 5:29

Dhali Lawi ki miiya dhana yuḵ caaca gom a’di e gu’b piti mo be. Dhali a’di nyaḵki c̱a’b ki imantera thulp̱a/ ka ris mo dhali kun tiya si’da/ kun nyaḵki ’kowa tharabeesa nyaḵki uni mo be.

GWO JIN ’CEENU MO 3:20

Hili mo mo ma, aha/ doshkina ishan’tamo/ mo dhali nagkana campura p̱o/ ki me’d mo. Waḵki/ jan ṯal ’deŋ kamu/ midi ciḵ ’twam pem mo dhali ḵa’dki aha/ acampur mo tani aha/ mina seku/ ibwamani a’di mo dhali nyaḵ to shwa ki a’di mo dhali a’di nyaḵki aha/ mo be.