YOHAAN 12:16 - Uduk New Teatament and OT Portions

¹⁶ Imanciḵ gwo ’koki mish gwo yansan ’bani ṯwa/a/ mo be. Hili ka Yesus karkunu cam piti eya tente/ mo tani dhali yan’ko’d uni kakina gwo yansan e mo jin ’kwarkunu mo gom a’di mo dhali jin miikunu mo gom a’di mo be.

YOHAAN 12:16 Iomraidhean Croise

MARKUS 16:19

Dhali yan’ko’d wakan Tap̱a Yesus ’ko’di a’di ṯorki gwo e uni mo tani a’di bu’thkunu mo bway momis mo dhali di’d mo mmoc̱a’b ka bim poros ma Arumgimis mo.

MARKUS 9:32

Hili uni ’koki mish gwo ’ban jin ona a’di mo dhali uni ḵo/ki is mo mmodoṯ a’di mo be.

LUUKA 18:34

Hili uni ’koki mish gwo ’ban gom gwo gwansan mo. Haali/ gwo yansan bagkunu mo ’peni uni mo dhali uni ’koki nyiṯẖ gwo jin okina a’di mo be.

LUUKA 24:25

Dhali a’di ki o uni gwo mo ki: Ayy um ’kwani kun ta p̱us mo dhali kun gwa’d ma du ki gwa’d mo mmo’koki gam aris gwo ’baar is mo kun okina imanc̱i gwo ma Arumgimis kadhamo/ mo.

LUUKA 24:45

Yan’ko’d a’di ki ḵa’d uni adum buni e mo mmomish gwo ’ban mo gom Gwo kun ’kwarkunu mo be.

LUUKA 9:45

Hili uni ’koki mish gwo yansan ’ban mo jin okina a’di mo dhali gwo yan a’di bagkunu mo ’peni uni mo ki uni mini ’koki nyiṯẖ a’di mo dhali uni ḵo/ a’di mo mmodoṯ a’di gwo mo gom gwo yansan mo be.

YOHAAN 12:23

Dhala Yesus ki thoḵ uni gwo mo ki: Mo p̱u’dki’d mo gom Ya/ gi ’Kwani ki a’di minu kar ca eya tente/ mo be.

YOHAAN 14:26

Hili ka Manmalas jin ta Shi/in Dheleladhelel mo, a’di jin min ma Babam pem hashu/ ki gway pem mo tani a’di midi ṯor um gwo ’baar mo dhali midi ka um gwo e ’baar mo kun ṯorkika/ um mo be.

YOHAAN 16:4

Hili aha/ okina to gwansan e um mo, ki mom buni mini p̱u’du/ mo tani um ki ka gwo e ki aha/ ṯorkina um uni mo be. Aha/ dinaki o gwo gwansan ’peni ka muŋ’kup̱ mo haali/ aha/ dikina nyaḵki um mo be.

YOHAAN 17:5

Dhali shwane/ Ababa, kari /e aha/ ki ca e buŋ’kus pini mo ma, a’di jin ta monyca jin nyaḵka/ ki /e nṯwa/a/ ki mony’cesh yansan dinuki uḵ mo be.

YOHAAN 2:22

Dhali wakan ki a’di cuyunu mis mo ’peni mowu mo tani imanciḵ a’di gwo kana gwo e mo jin okina a’di wakansan mo dhali uni gamki Gwo jin ’kwarkunu is mo dhali gwo jin okin ma Yesus mo be.

YOHAAN 7:39

Dhali gwo yansan jin okina a’di mo tani okina a’di gom Shi/in mo, jin mina a’di c̱i gom uni gwansan kun gamki a’di gwo is mo kun muruni bu’th a’di mo be. Haali/ Shi/in a’di dinuki c̱iyu/ naskina/ mo haala Yesus naskina/ dinuki kar cam piti eya tente/ mo be.

MII GUN MIINU MO 2:33

A’di mmokaru a’di ki ca e me’da bim poros ma Arumgimis mo tani dhali mmobutha a’di gwo ’peni Com jin onu is gom Shi/in Dheleladhelel mo tani a’di gac̱ki’da pije/ mo a’di yan jin misha um mo dhali jin ciḵa um si’da/ mo.

MII GUN MIINU MO 2:36

Dhalka waḵ ’Kwani ma Israyiil ’baar mo mish mo mo ka jiŋ gana/ ka Arumgimis kar a’di ki Tap̱a mo dhali ka Ḵrisṯẖos si’da/ mo, a’di jin ta’da Yesus yan jin ’koshkina um ki cwany’ciṯẖan dhul mo.

MII GUN MIINU MO 3:13

Arumgimis ma Ibrahiim dhala Is/hak dhala Yakuub, Arumgimis gi ibabam bana, karki ca gi c̱iŋkinam piti ka Yesus eya tente/ jin c̱ikina um mmowu mo dhali jin waṯkina um gway mo ibwambor ma Bilaaṯus mo ki a’di dina gwo ibwa mo mmo’cuḵ a’di mo be.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 8:1

Dhali shushan gwo yan jin ’kona ana mmo/o mo tani ta gwo jin wa cikise/ mo be. Ana tana ka gasiis jin ca’d gi wakan mo, a’di jin ta jan ṯal ’de/ jin c̱a’bki’d ki me’da bim poros ma ḵursi ma maliḵ mo jin ta ji gi a’di jin Eḵa/ Eḵ e momis mo,