YOHAAN 11:51 - Uduk New Teatament and OT Portions

⁵¹ A’di diki o gwo yansan ’peni bwam piti ’te/ mo, hili mmotakina a’diya gasiis jin ca’d gi yil c̱aan mo tani a’di oki gwo is mo ka Yesus midi ’taki wu mo gom kal yan mo be.

YOHAAN 11:51 Iomraidhean Croise

MAṮṮA 20:28

Wakansan me’d Ya/ gi ’Kwani p̱u’dki’d mo ki a’di minu ’koki mii to mo tani hili ki a’di midi mii to gom ’kwani mo dhali mmoc̱i mondiki/em piti mo mmota amangwam gom ’kwani ka ris mo be.

YOHAAN 10:15

Me’d jin mishkin ma Baba aha/ mo tani dhali aha/ misha Ababa mo. Dhali aha/ karkina mondiki/em pema ’cesh gom ḵa’bal mo be.

YOHAAN 11:49

Hili jan ṯal ’deŋ kamu/ ’peni uni mo tani a’di ta’da Kayaap̱a, a’di jin ta’da gasiis jin ca’d gi yil c̱aan mo, jin oki uni gwo mo ki: Um moli to ’baar mo.

YOHAAN 18:13

Nṯwa/a/ uni ki sus a’di eya Hannaan mo haali/ a’di ta’da mar ma Kayaap̱a mo, a’di jin ta’da gasiis jin ca’d gi yil c̱aan mo be.

KURINṮH̱UUS ’DE/ 13:2

Waḵki/ aha/ tana gi mom’bi’th mo mmo/o gwo is mo dhali mmomisha ris gwo ’baar mo kun ta gwo kun baku ’ban mo dhali aris yuḵ mo si’da/, dhali waḵki/ aha/ tana gi moŋgam gwo isi ’baar mo, wakan mmomish joc̱ wosh kun turatur mo tani ihili aha/ dara gi mo/en mo tani aha/ tana toŋ kamuwa?

KURINṮH̱UUS SU/ 5:21

Gom gway bana mo tani a’di ki kar a’di mo mmota ji gi miinthus mo, a’di jin molki miinthus mo. Wakan e a’di mo tani ana minu dhuku/ mo ki ku ma ḵar/e mo goma Arumgimis mo be.

GALATHIYYA 3:13

AḴrisṯẖos a’di wanki ana ’ba/ mo ’peni monyjee gi gwoŋḵan jin c̱inu mo mmowarkina a’di ki monyjee gom ana mo – haali/ a’di ’kwarkunu mo ki: Monyjee midi di goma ris ’kwani ’baar ka ’deṯe/ ’deṯe/ mo, uni kun shirki is buni ap̱o/ cwa mo –

BUṮERUS ’DE/ 2:24

A’di a’di ki is piti ḵalki miinthus bana e is piti mo ap̱o/ cwa mo, ki ana mina ’taki wu miinthus mo dhali ’ko ki e mo e mo ma ḵar/e mo. Ki jamam piti jin dorkunu a’di mo tani um wac̱kunu mo be.

BUṮERUS ’DE/ 3:18

Haala Ḵrisṯẖos a’di wuki’d mo si’da/ gom miinthus mo me’d ’de/ mo gom ’kwani ’baar mo, a’di jin ta’da ḵar/e mo wuki’d mo gom uni kun ’koki ta ḵar/e mo, ki a’di midi ’taki sus ana eya Arumgimis mo. A’di karkunu mo mmowu mo ki buŋgwar is gi shuman is mo, hili a’di karkunu ki e mo e shi/in mo.

YOHAAN ’DE/ 2:2

dhali a’di ita moŋgwam gom miinthus bana mo, dhali yisa jasi gom kum bana yisa, hili si’da/ gom miinthus gi ’kwaniny’ceshi ’baar mo be.