YOHAAN 11:44 - Uduk New Teatament and OT Portions

⁴⁴ Wathi/ jin wuki’d mo piki’d ka pije/ mo, me’d piti dhali sho’k piti ’tamkunu is ki burrinyen dhiny e jin kanuwa kan mo dhali bwam/em piti a’di ’tamkunu mo ki burrinye/ si’da/ mo. Yesus ki o uni gwo mo ki: ’Cuḵi a’di mo ma dhali dhalki a’di ya’d mo.

YOHAAN 11:44 Iomraidhean Croise

ṮAKWIIN 1:3

Dhali Arumgimis ki o gwo mo ki: Dhalki moŋkush piyi’d mo. Dhali moŋkush diki’d mo.

GWAY GI IDAWUU’D 33:9

Haali/ a’di ṯorki gwo mo tani dhali a’di p̱u’dki’d kan mo. Dhali a’di ḵanki gwo mo tani dhali gwo doshki’d mo.

MARKUS 5:43

Dhali a’di ki ḵan uni gwo ki ’bi’th mo ki wathiŋ kamu/ midi ’taki diki mish mii yan mo. Dhali a’di ki ṯor uni gwo mo mmoc̱i ka yim tonṯe/ mmoshwa mo be.

LUUKA 19:20

Dhali yan’ko’d jaŋ kamu/ p̱u’dki’d mo mmo/o gwo mo ki: Tap̱a, kuluny ’dolkon pini a’dan be, a’di jin karkika/ mo eya mantiil mo.

LUUKA 7:15

Dhali wathi/ jin wuki’d mo tani c̱a’bki’d ki mis mo be dhali a’di ṯelki gwo ’pen mo mmowal ’twa/ mo. Dhali a’di ki c̱i a’di ki kum mo be.

YOHAAN 10:30

Aha/ dhala Baba, aman ṯala ’de/ mo be.

YOHAAN 11:39

Yesus ki o gwo mo ki: Ḵaci wosh mo ma. Dhala Marṯẖa jin ta ’bwaham gi wathi/ jin wu’d mo tani o a’di gwo mo ki: Tap̱a, ki mo yan shwanetan mo tani a’di min ma shimi bulabul mo haali/ a’di ’kokin ma cimi doŋon mo mmowu mo be.

YOHAAN 11:43

Ki a’di oki gwo wakansan mo tani a’di cuuki’d ki dhan ’twa/ jin caaca mo ki: Li/aasar, piyu/ ka pije/ mo.

YOHAAN 19:40

Uni ki ḵal buŋgwar is ma Yesus mo dhali ’tam a’di is ki burrinyen dhiny e mo dhali to kun ḵuyi mo ki ḵuy mo me’d mii jin miina ’Kwani Yahuuda/ mo mmokana kan mo be.

YOHAAN 20:5

Dhali a’di tuki mo mo mmohil bwaman mo dhali a’di p̱arki jasi burrinyen dhiny e e mo mmo/ishi mom buni mo, hili a’di diki ya bwaman mo be.

YOHAAN 20:7

dhali burrinye/ jin deḵkunu a’di i’kup̱ piti mo tani yisa nyaḵki ish ki burrinyen dhiny e mo, hili a’di ’kuc̱ki is mo e mom piti mo be.

YOHAAN 5:21

Haali/ me’d jin ’de’kkin ma Baba uni kun wukin mo dhali c̱i uni moŋ’koki/e mo tani wakan si’da/ Ya/ c̱iki uni moŋ’koki/e mo uni gun ona bwa a’di mo be.

YOHAAN 5:25

Ka jiŋ gana/, ka jiŋ gana/ aha/ ṯora um gwo mo ki: Mo midi p̱u’du/ mo dhali a’di diki’d shwane/ mo, ki uni kun wukin mo mini ciḵ ’twa/ gi Ya/ ma Arumgimis mo, dhali uni gwansan kun ciḵkin mo tani mini ’ko ki e mo be.

P̱ILIBBI 3:21

a’di jin midi aḵ buŋgwara ha’th’ko’d bana yan e mo mmowa e ki buŋgwar is piti mo e monyca mo ki mom’bi’th jin ’bitha a’di e mo mmomisha ris to dhu ’baar mo mmobaṯẖ a’di i’ko’d me’d is pitiŋ gana/ mo be.

GWO JIN ’CEENU MO 1:18

dhali aha/ tana jan ṯal ’de/ jin di’d ki e mo. Aha/ wukina mo dhali hili mo mo ma, aha/ dikina ki e mo gom ki sule/ sule/ ya ye ’ba/ mo dhali aha/ takina ga mup̱tha/ gi Mowu mo dhali Mo ma Haawiya mo be.