YOHAAN 11:27 - Uduk New Teatament and OT Portions

²⁷ Ayim ki thoḵ a’di gwo mo ki: Nye, Tap̱a. Aha/ gama gwo is ki /e tana Ḵrisṯẖos mo jin ta Ya/ ma Arumgimis mo, a’di jin midi yayu/ e mony’cesh yansan mo be.

YOHAAN 11:27 Iomraidhean Croise

MAṮṮA 11:3

dhali o a’di gwo mo ki: A/e ta a’di jin midi pu’du/ mo ’taa? walla aman mina hil jaŋ kamu/ mo?

MAṮṮA 16:16

Simaan Buṯerus thoḵ a’di gwo mo ki: /E tana Ḵrisṯẖos mo, Ya/ ma Arumgimis jin di’d ki e mo be.

MAṮṮA 16:20

Yan’ko’d a’di ki ḵan imanciḵ a’di gwo gwo mo ki ’bi’th mo, mmodiki ṯor wathin ṯal ’deŋ kamu/ gwo mo ki a’di ta’da Ḵrisṯẖos mo be.

LUUKA 2:11

Haali/ ka tee yansan mo tani Amanwoṯẖ jin ta Tap̱a Ḵrisṯẖos a’di dho’thkunu mo gom um e Pan Dawuu’d mo be.

YOHAAN 1:49

Dhala Naṯẖana/iil ki thoḵ a’di gwo mo ki: Rabbi, /e ta Ya/ ma Arumgimis mo. /E tana Maliḵ gi ’Kwani ma Israyiil mo be.

YOHAAN 4:42

Dhali uni ki owa ’bom gwo mo ki: A’di yisa di’d mmota gwom pini jin gama aman gwo is mo yisa haali/ aman ciḵkina gwo ki is bam mo, dhali aman misha a’di yansan ka jiŋ gana/ a’di ita’da Manwoṯẖ gi ’kwaniny’cesh mo be.

YOHAAN 6:14

Dhali ki ’kwani p̱arki miimer e mo jin miikina a’di mo tani uni o gwo mo ki: Wathi/ yansan ka jiŋ gana/ ta’da manc̱i gwo mo a’di jin midi yayu/ i mony’cesh mo be.

YOHAAN 6:69

Dhali aman gamkina gwo is mo dhali shorkina is mo dhali mish mo mo ki /e ta jan ṯal ’de/ jin ḵogu mo ’peni Arumgimis mo be.

MII GUN MIINU MO 8:36

Dhali mmo/iina uni ibway mo tani uni p̱u’dkin mo e yi’deŋ kamu/ mo dhali a’di jin ta mantil ki o gwo mo ki: Hili yi’de/ a’dan mo. Ata a’di jin midi non aha/ mmomii ki yi’de/ mo?

MII GUN MIINU MO 8:37

Dhala P̱ilibbus ki o a’di gwo mo ki: Waḵki/ /e gam gwo is ka dum pini ’baar mo tani /e minu mish mii mo be. Dhali a’di ki thoḵ gwo mo dhali o gwo mo ki: Aha/ gama gwo is ka Yesus Ḵrisṯẖos ta Ya/ ma Arumgimis mo be.

YOHAAN ’DE/ 5:1

Aris ’kwani ’baar ka ’deṯe/ ’deṯe/ kun gamki gwo is mo ka Yesus ta’da Ḵrisṯẖos mo tani uni ita uc̱i ma Arumgimis mo dhali aris ’kwani ’baar ka ’deṯe/ ’deṯe/ kun enki a’di jin dho’thki’d mo tani enki a’di jin dho’thkunu si’da/ mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.