YOHAAN 11:11 - Uduk New Teatament and OT Portions

¹¹ Wakansan a’di oki gwo mo dhali yan’ko’d ṯor uni gwo mo ki: Akam bana ka Li/aasar a’di ishki e mo, hili aha/ mina ya mo mmomer a’di e mo ’peni mo/ish e mo be.

YOHAAN 11:11 Iomraidhean Croise

MAṮṮA 27:52

Dhali moŋ’kup̱aje si’da/ uni ḵa’dkunu ’twa/ mo, dhali aris buŋgwar is gi uni kun dhunu ki she/ ki dhelel dhelel mo uni gun ishki e mo e mowu mo tani uni cukunu mis mo be.

MAṮṮA 9:24

dhali a’di ki o gwo mo ki: Iiku/ mo ma haali/ ari nyara/ diki wu mo, hili a’di ishi e mo be. Dhali uni p̱e’th a’di mo be.

MARKUS 5:39

Dhali ki a’di cic̱ki gu’b mo tani a’di ki o uni gwo mo ki: Atinta miikina uma dulaṯṯ mo dhali ko mo kan? A’ci a’di yisa wu’d mowa, hili a’di ishki e mo be.

YOHAAN 11:10

Hili waḵki/ wathin ’de/ ki ya ki sho’k mon’thiny mo tani a’di kolki’d mo haali/ moŋkush diki di e a’di mo be.

YOHAAN 11:12

Dhali imanciḵ a’di gwo ki o a’di gwo mo ki: Tap̱a, waḵki/ a’di ishki e mo tani a’di mina isi ’bor mo be.

YOHAAN 11:13

Dhala Yesus a’di oki gwo gom jwam piti mo, hili uni kulumki gwo ibwa mo ki a’di midi si a’di is ’peni mo/ish e mo be.

YOHAAN 11:3

Wakan i’bwaham hashki a’di gwo mo mmo/o gwo mo ki: Tap̱a, a’di jin ena /e mo tani ’ba’thki’d mo be.

YOHAAN 3:29

A’diyin jin ta gi nyaranyaŋa’b mo tani a’di ta wathinyaŋa’b mo, dhali amugu gi wathinyaŋa’b jin doshki’d mo dhali ciḵ a’di ’twa/ mo tani a’di ’kunya bwa ki ’kuny kagahara mo mmociḵ ’twa/ gi wathinyaŋa’b mo. Dhali wakan si’dayi a’di ’kunyka/ bwa ki ’kuny mo shwane/ jin ta bwaŋ ’kunyu’d pem mo.

MII GUN MIINU MO 7:60

Dhali a’di c̱a’bki’d ki jiŋ ’kup̱a’dup̱un mo dhali cuu gwo ki dhan ’twa/ mo ki: Tap̱a, dhalku/ ki kar miinthus yan i’bam buni mo. Dhali ki a’di o gwo kan mo tani a’di ki ish e mo be.

KURINṮH̱UUS ’DE/ 15:18

Dhali uni gwansan si’da/ gun ishki e mo eya Ḵrisṯẖos mo tani minu ’ce’d sho’k mo be.

KURINṮH̱UUS ’DE/ 15:34

Kulumi gwo ibwa mo ki kulum gana/ mo ma. Dhali dhalku/ miinthus ki mii mo doḵ/e haali/ kun tiya ’koki misha Arumgimis mo. Aha/ ona gwo yansan mmo’the um is mo be.

KURINṮH̱UUS ’DE/ 15:51

Hili, aha/ ṯora um gwo jin ta jim bag mo. Ki ana ’baar mo mina ’koki ish e mo be, hili aris ana ’baar mo minu aḵ e mo be,

EP̱ASUS 5:14

Wakan a’di okunu gwo mo ki: Meri is mo, ayy /e jin ishki e mo, dhali cuyi mis mo ’peni mowu mo dhala Ḵrisṯẖos midi c̱i /e moŋkush mo be.

TASALUNIIKI ’DE 5:10

a’di jin wuki’d mo gom ana mo, wakan waḵki/ ana ’kona ki e mo walla isha e mo tani ana mina ’taki ’ko nyaḵki a’di mo be.

YAKUUB 2:23

Dhali Gwo ma Arumgimis jin ’kwarkunu mo thimki gwo jin onu mo ka: Ibrahiim gamki’da Arumgimis gwo is mo dhali a’di karu a’di ki mo ma ḵar/e mo, dhali a’di yuḵu ka mugu ma Arumgimis mo be.