YOHAAN 10:7 - Uduk New Teatament and OT Portions

⁷ Wakan Yesus ki o uni gwo doḵ/e mo ki: Aha/ ṯora um gwo mo ki: Aha/ tana ’twaŋkal gom ḵa’bal mo be.

YOHAAN 10:7 Iomraidhean Croise

GWAY GI IDAWUU’D 100:3

Mishi mo mo ki a’di ta Tap̱a jin ta’da Arumgimis mo. A’di ta a’di jin uḵki ana mo dhali ana tana kum piti mo be. Ana tana ’kwanim piti mo dhali ana tana ḵa’bal ma shon dhii/i’d piti mo.

GWAY GI IDAWUU’D 79:13

Dhali yan’ko’d aman kun tana ’kwanim pini mo, uni gun tana ma’diny ḵa’bal pini goma shon dhii/i’d pini mo aman mina c̱i /e mo jin ’boruwa ’bor bwa i is ki sule/ sule/ mo, ’pena nyaḵum yil jin tanu mo ntaga nyaḵum yil jiŋ ’ko’d mo, aman mina p̱e’d momaŋ pini mo be.

GWAY GI IDAWUU’D 95:7

Haali/ a’di ta’da Arumgimis bana mo, dhali ana tana ’kwani ma shon dhii/i’d piti mo, dhali ḵa’bal gi me’d piti mo. Ayy ka tee yan shwane/ mo ki um mini ’taki ciḵ ’twam piti moyi.

YOHAAN 10:1

Ka jiŋ gana/, ka jiŋ gana/ aha/ ona um ki a’diyin jin diki se ki ’twaŋkala goŋ ḵa’bal mo, hili ise ki bwaya kamu/ mo tani a’di ta wathin ’di/ mo dhali jin ta’da mandil to mo be.

YOHAAN 10:9

Aha/ tana ’twaŋkal mo. Waḵki/ jan ṯal ’deŋ kamu/ midi seyu/ i aha/ mo tani a’di minu woṯẖ mo dhali midi seyu/ bwaman mo dhali ya ka pije/ mo dhali gama shon dhii/i’d mo be.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

EP̱ASUS 2:18

Haali/ e a’di mo tani aman dhali um takina gi bway mo e Shi/ina ’de/ mo eya Baba mo be.