YOHAAN 10:5 - Uduk New Teatament and OT Portions

⁵ Jaŋ kamu/ jin di ki she/ mo tani mina uni ’koki baṯẖi sho’k mo be, hili uni mini so mo ’peni a’di mo haali/ uni ’koki mish ’twa/ gi ’kwanin tiya mo be.

YOHAAN 10:5 Iomraidhean Croise

MARKUS 4:24

Dhali a’di ki o uni gwo mo ki: Hili ki ’bore/ a’di jin ciḵa um mo. A’di jin barkina um mo tani a’di minu barki um mo dhali to ki nyanye/ mo tani a’di minu c̱i ki um mo be.

LUUKA 8:18

Hil ki ’bore/ mo ma, gwo jin ciḵa um mo. Haali/ a’di jin ta’d gi to mo tani a’di minu c̱i ki nyanye/ mo dhali ’peni a’di jin dara’d mo tani to jin ṯosha a’di jin tana a’di mo tani minu bu’th ’peni a’di mo be.

YOHAAN 10:16

Dhali aha/ tana gi ḵa’bala tiya kun ’koki ’ko eya goŋ yansan mo. Aha/ mina mii susi uni si’da/ mo, dhali uni mini c̱i bwa gom ’twam pem mo be. Wakan uni mini ta ama’dinya ṯal ’de/ mo be dhali amanhil ḵa’bal midi di ’de/ mo be.

YOHAAN 10:4

Ki a’di suski kum pitiŋ gana/ ’baar mo ka pije/ mo tani a’di ki ya nṯwa/a/ ki uni mo dhali ḵa’bal baṯẖki a’di nsho’k mo haali/ uni mishki ’twam piti mo be.

ṮIMUṮH̱AWUUS SU/ 4:3

Haali/ mo midi p̱u’du/ mo ki ’kwani mini ’koki ’dim ’kup̱ mo e gwom ’borga/ jin ṯoru mo, hili mmotana uni gi bwany’ce kun ḵasaḵas mo tani uni mini tul imanṯor gwo ’kup̱ mo gom is buni mo mmogam bwam buni kun ona uni ’kup̱ mo,

YOHAAN ’DE/ 2:19

Uni iikin ka pije/ ’peni ana mo hili uni ’koki ’ko ’peni ana mo haali/ waḵki/ uni mini ’taki ta kum bana mo tani uni mini ’taki rash ’ko e ana mo. Hili uni iikin ka pije/ mo ki a’di minu ṯor eya tente/ mo ki uni ’baar mo ’koki ’ko ’peni ana mo be.

YOHAAN ’DE/ 2:21

Aha/ ’kwarkina um gwo yan mo, yisa haali/ um ’koki mish gwoŋ gana/ mo yisa, hili haali/ um mishi a’di mo dhali mish yan mo ka ṯora kamu/ yisa di’d e gwoŋ gana/ yan mo be.

GWO JIN ’CEENU MO 2:2

Aha/ misha miim pini mo, dhali aṯu’c pini jin miina /e ki mii jin ’batha’ba’th mo dhali mo jin ’kuc̱a /e bwa ki ’kari’th mo mmo’dim ’kup̱ mo dhali mo jin mola /e bu’th ’kwani kun mii ton thus mo hili /e nyo/ki uni gwansan kun yuḵki is buni ki uni kun dhunu ki she/ mo tani hili uni yisa ta uniya, dhali gam uni ki uni ta thus ki thus mo.