YOHAAN 10:4 - Uduk New Teatament and OT Portions

⁴ Ki a’di suski kum pitiŋ gana/ ’baar mo ka pije/ mo tani a’di ki ya nṯwa/a/ ki uni mo dhali ḵa’bal baṯẖki a’di nsho’k mo haali/ uni mishki ’twam piti mo be.

YOHAAN 10:4 Iomraidhean Croise

MAṮṮA 16:24

Yan’ko’d Yesus ki ṯor imanciḵ a’di gwo gwo mo ki: Waḵki/ wathiŋ kamu/ midi yayu/ ibaṯẖ aha/ nsho’k mo tani dhalki a’di non is piti mo ma dhali ’de’k cwany’ciṯẖan dhul piti mo dhali baṯẖ aha/ nsho’k mo.

YOHAAN 10:16

Dhali aha/ tana gi ḵa’bala tiya kun ’koki ’ko eya goŋ yansan mo. Aha/ mina mii susi uni si’da/ mo, dhali uni mini c̱i bwa gom ’twam pem mo be. Wakan uni mini ta ama’dinya ṯal ’de/ mo be dhali amanhil ḵa’bal midi di ’de/ mo be.

YOHAAN 10:27

Ḵa’bal pem ciḵki ’twam pem mo dhali aha/ misha uni mo dhali uni baṯẖki aha/ nsho’k mo be.

YOHAAN 10:3

Dhali amanc̱or ’twaŋkal mo tani ḵa’dki a’di ’twaŋkal mo, dhali ḵa’bal ciḵki ’twam piti mo, dhali a’di ki yuḵ ḵa’bal pitiŋ gana/ ki gway buni mo dhali shu uni bway ka pije/ mo be.

YOHAAN 10:5

Jaŋ kamu/ jin di ki she/ mo tani mina uni ’koki baṯẖi sho’k mo be, hili uni mini so mo ’peni a’di mo haali/ uni ’koki mish ’twa/ gi ’kwanin tiya mo be.

YOHAAN 10:8

Aris uni ’baar mo kun iiyini ṯwa/a/ ki aha/ mo tani uni ta ’kwanin ’di/ mo dhali kun ta imandil to mo. Hili ḵa’bal ’koki c̱i bwa ’kup̱ ki uni mo be.

YOHAAN 12:26

Waḵki/ wathin ṯal ’deŋ kamu/ midi mii aha/ to mo tani a’di midi mii baṯẖ aha/ nsho’k mo be. Dhali mo yin jin miga/ di mo tani a’di imina c̱iŋkinam pemi di si’da/ mo be. Waḵki/ wathin ṯal ’deŋ kamu/ midi mii aha/ to mo tani Ababa midi taḵ a’di mo be.

YOHAAN 13:15

Haali/ aha/ c̱ikina um she/um mii mo ki um si’da/ mini ’taki mii mii me’d aha/ mo me’d jin miika/ gom um mo be.

YOHAAN 18:37

Bilaaṯus ki thoḵ a’di gwo mo ki: Ba /e be itana maliḵ mo ’te/ ise be. Yesus ki thoḵ gwo mo ki: /E be i/on ki aha/ tana amaliḵ mo be. Haali/ gom ’kup̱ mii yan mo tani aha/ dho’thkunu mo dhali gom ’kup̱ mii yan mo tani aha/ p̱u’dkina e ’kwaniny’cesh mo mmoṯor gwo ki gwoŋ gana/ mo. Aris ’kwani ’baar mo ka ’deṯe/ ’deṯe/ uni gun ta ’kwani gi gwoŋ gana/ mo tani uni ciḵki ’twam pem mo be.

YOHAAN 3:29

A’diyin jin ta gi nyaranyaŋa’b mo tani a’di ta wathinyaŋa’b mo, dhali amugu gi wathinyaŋa’b jin doshki’d mo dhali ciḵ a’di ’twa/ mo tani a’di ’kunya bwa ki ’kuny kagahara mo mmociḵ ’twa/ gi wathinyaŋa’b mo. Dhali wakan si’dayi a’di ’kunyka/ bwa ki ’kuny mo shwane/ jin ta bwaŋ ’kunyu’d pem mo.

KURINṮH̱UUS ’DE/ 11:1

Tayi imanthoḵ aha/ mii mo ma, me’d jin taka/ amanthoḵa Ḵrisṯẖos mii mo be.

EP̱ASUS 5:1

Wakan tayi imanthoḵa Arumgimis mii mo me’d uc̱i gun enu mo be.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 6:20

mo c̱aan jin yakin ma Yesus nṯwa/a/ mo gom gway bana mo mmotakina a’di agasiis jin ca’d mo ki sule/ sule/ mo mmothuḵ mii ma Malkisaadag mo be.

BUṮERUS ’DE/ 2:21

Haali/ gom a’di yan mo tani um yuḵkunu mo, haala Ḵrisṯẖos si’da/ ’koshu is ka nyor mo gom um mo, mmodhalkina a’di um she/mm piti mo ki um mini ’taki baṯẖa cuḵ piti mo be.

BUṮERUS ’DE/ 4:1

Haali/ me’d mii gi wakan mo tani aḴrisṯẖos ’koshkina is ka nyor e shuman is mo tani thosoni is bum mo ki gwon ’de/ mo mmokulumi bwa mo, haali/ a’diyin jin ’kosha is ka nyor mo e shuman is mo tani a’di daḵki miinthus mii mo,

BUṮERUS ’DE/ 5:3

yisa ki mii jin mina umi ’cwara ’cwar ap̱o/ uni gwansan kun ḵanu um gwo mo mmomii to mo, hili tayi she/mm goma ma’diny ma Arumgimis mo.