YOHAAN 10:25 - Uduk New Teatament and OT Portions

²⁵ Yesus ki thoḵ uni gwo mo ki: Aha/ ṯorkina um gwo mo tani dhali um ’koki gam gwo is mo. Gom mii kun miikika/ ki gway ma Babam pem mo tani uni ṯorki gwo gom aha/ mo be.

YOHAAN 10:25 Iomraidhean Croise

YOHAAN 10:32

Yesus thoḵ uni gwo mo ki: Aha/ ṯorkina um miim ’borga/ i e ka ris ’pena Babam pem mo. Dhali gom mii kuna imina umi ’kosh aha/ ki wosh mo?

YOHAAN 10:37

Waḵki/ aha/ dinaki mii mii ma Babam pem mo tani dhalki gwom pem ki gam is mo ma.

YOHAAN 10:38

Hili waḵki/ aha/ ki mii uni mo tani ba waḵki/ isi um ’koki gam aha/ gwo is mo tani gami aha/ gwo is gom mii mo ma, ki um mini mish mo mo dhali mish gwo ’ban mo ka Baba a’di diki’d e aha/ mo dhali aha/ eya Baba mo be.

YOHAAN 11:47

Wakan igasiis kun can mo dhali ’Kwani P̱arisiyiin uni tulki ’kwani gi montul is buni is mo dhali o gwo mo ki: Atinta i/a’di imina ana imii mo? Haali/ wathi/ yansan miiki’da ris miimer ka ris mo.

YOHAAN 12:37

Ba a’di miiki miimer ka ris ibwambori uni mo tani hili uni ’koki gam a’di gwo is mo be.

YOHAAN 14:11

Gami aha/ gwo is mo ki aha/ dina eya Baba mo dhala Ababa di’d e aha/ mo, walla gami aha/ gwo is gom gway gi mii mo ’te/.

YOHAAN 20:30

Dhala Yesus mii’da ris miimera tiya ka ris mo ibuŋ’kusi imanciḵ a’di gwo mo, uni kun ’konuki ’kwar eya warka/ yansan mo be.

YOHAAN 3:2

Wathi/ yansan p̱u’dki’da Yesus mon’thiny mo dhali o a’di gwo mo ki: Rabbi, aman misha ki /e tana Manṯor Gwo jin p̱u’dki’d ’peni Arumgimis mo. Haali/ jan ṯal ’deŋ kamu/ yisa di’da jin midi mish jamas mii gwansan mii mo kun miina /e mo, hili isi ciki/ Arumgimis midi nyaḵ di i a’di mo be.

YOHAAN 7:31

Dhali hili ’kwani ka ris gamki a’di gwo is mo dhali uni o gwo mo ki: A/ki me’d jin minu piya Ḵrisṯẖos ’kwani i is mo tani a/mina a’di mii miimer ki nyanye/ mmobol ku gi miina wathi/ yansan e mowa?

YOHAAN 8:12

Doḵ/e Yesus ki ṯor uni gwo mo mmo/o ki: Aha/ tana moŋkush gi ’kwaniny’cesh mo be. A’di jin midi baṯẖ aha/ nsho’k mo tani midi diki ya e mondhurumi’d mo. Hili a’di midi ta gi moŋkush gi mondiki/e mo be.

YOHAAN 8:24

Aha/ ṯora um gwo mo ki um mini wu mo e miinthus bum mo, haali/ um mini wu mo e miinthus bum mo isi ciki/ um mini ’taki gam aha/ gwo is mo ki aha/ tana a’di mo be.

YOHAAN 8:56

Ababam bum ka Ibrahiim a’di ’kunykina bwa mo mmop̱ina a’di acim pem e mo. A’di mishki a’di mo dhali ’borkina bwa mo be.

YOHAAN 8:58

Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Nṯwa/a/ ka Ibrahiim diki di mo tani aha/ dikina mo be.

MII GUN MIINU MO 10:38

Yesus gi Pa Naasira mmo’kosh ma Arumgimis a’di ki Shi/in Dheleladhelel mo dhali mom’bi’th si’da/ i’kup̱i a’di mo, tani, a’di jin maŋaski’d ki mis mo mmomii mii kun ’boron mo dhali mmowoṯẖa ris ’kwani kun ’kosh ma ruma ’cesh mo be, haali/ Arumgimis di’d e a’di mo.

MII GUN MIINU MO 2:22

Um ’Kwani ma Israyiil, ciḵi gwo gwansan mo ma. Yesus gi Pa Naasira jin maŋ ma Arumgimis ibwam um ki mii kun ’bitha’bi’th dhali ka dhan mii gun caaca mo dhali momer kun miikin ma Arumgimis e a’di e bwam um me’d jin mishkina um mo.

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,