YOHAAN 10:21 - Uduk New Teatament and OT Portions

²¹ Kun tiya o gwo mo ki: Gwo gwansan ’koki ta gwo gi wathi/ jin taki’d ga ruma ’cesh mo. A/min ma ruma ’cesh mish ḵa’d wathiny ja’da/ e mowa?

YOHAAN 10:21 Iomraidhean Croise

GWAY GI IDAWUU’D 146:8

Tap̱a ḵa’dki e gi ’kwani kun tana ja’da/ mo. Tap̱a ’de’kki uni gwansan kun ’kokin ki goŋgo/ mo. Tap̱a enki ’kwani kun miin ka ḵar/e mo.

GWAY GI IDAWUU’D 94:9

A’di jin uḵki gu’ban’ce mo tani mina a’di diki ciḵ gwo mowa? A’di jin uḵki e mo tani mina a’di diki p̱ar mo e mowa?

Mmo/ii ka Pije/ mo 4:11

Dhali yan’ko’d TAP̱A ki o a’di gwo mo ki: Kaja a’di i uḵki ’twa/ gi wathi/ mo? Dhali kaja a’di i karki a’di mo mmota amanmol ’twa/ wal mo walla mmota ’diye/ mo walla mmomish to p̱ar e mo walla mmota aja’da/ mo? A’di diki ta aha/ mo ’taa jin tana TAP̱A mo?

Mmo/ii ka Pije/ mo 8:19

Dhali ŋari ṯorkina P̱irawn gwo mo ki: Yansan ta me’d ma Arumgimis mo. Hila P̱irawn i ’bi’thkin ma du mo dhali a’di si’da/ ush gwom buni ciḵ mo me’d gwo jin okina TAP̱A mo be.

MAṮṮA 11:5

ki uni gun tana ja’da/ mo tani bu’thki momish mo mo dhali uni gun ta ŋwol mo tani iin ki sho’k mo, dhali uni gun ’kosha monthus mo tani dhelelkunu is mo dhali uni gun tana ’diye/ mo tani ciḵki gwo mo dhali uni gun wukin mo tani cukunu mis mo dhali uni gun hatha’ko’d mo tani uni c̱ikunu gwom ’boro’d mo be.

MAṮṮA 4:24

Wakan gwo gom a’di yaki’d ki lala’th ki tur mo e Pan Suriyya mo dhali uni suskina ris ’kwani e a’di kun ’bathan mo, uni gwansan kun doru ki isa nyor mo dhali ki isa nyor kun woci is she/ mo dhali kun bu’th ma rum thus mo dhali aris uni kun wu gamp̱aŋ mo dhali aris uni kun muṯṯa/ is mo dhali a’di ki wac̱ uni mo be.

YOHAAN 10:22

A’di ta’da ayuḵ jin yuḵu ka tul ’kup̱ mo mmokar gu’b gi mondheleladhelel ki she/ mo (mmokar a’di ki she/ ’ko’di a’di nyoŋkunu doḵ/e mo be) e Pa Urushaliim mo be.

YOHAAN 9:6

Me’d jin okina a’di gwo wakansan mo tani a’di ki ’taḵ manya/ a’cesh mo dhali ’thoḵa je ki manya/ mo dhali gwa’c wathi/ e ka je mo be,