YOHAAN 10:16 - Uduk New Teatament and OT Portions

¹⁶ Dhali aha/ tana gi ḵa’bala tiya kun ’koki ’ko eya goŋ yansan mo. Aha/ mina mii susi uni si’da/ mo, dhali uni mini c̱i bwa gom ’twam pem mo be. Wakan uni mini ta ama’dinya ṯal ’de/ mo be dhali amanhil ḵa’bal midi di ’de/ mo be.

YOHAAN 10:16 Iomraidhean Croise

ṮAKWIIN 49:10

Cwa ma maliḵ midi diki p̱i mo ’peni Yahuuda ki sule/ mo walla cwa gi amanjinuwa ji ’peni bwaman sho’k piti mo ntagi a’di midi p̱u’dku/ e a’dim piti jin cila a’di mo, dhali e a’di mo mo jin hanu gwo e ki ’kwani midi mii di mo.

GWAY GI IDAWUU’D 86:9

Aris kal ma ris ’kwaniny’ceshi ’baar mo kun uḵa /e mo tani mini p̱u’du/ mo dhali luŋ ki jiŋ ’kup̱a’dup̱uni bwambori /e mo, ayy Tap̱a, dhali kar gway pini ki ca mo.

MAṮṮA 17:5

Ki a’di di’d mmo/o gwo mo tani hili araḵ jin kushu mo mo ’kamki uni is mo dhali ’twa/ ’pena raḵ yan mo tani o gwo mo ki: Yansan ta Ya/m pem jin enka/ mo, a’di jin ’borka/ bwa i is mo. Ciḵi a’di gwo mo ma.

LUUKA 15:8

Walla a’bom jana ta gi emena guurush ’dolkon kushi kume’d mo, waḵka yim this jan ’deŋ kamu/ e mo tani mina a’di diki ḵanya lamba/ mo dhali dhi’th gu’b mo dhali ŋap̱ a’di ki burbur mo ntaga yim ki gam a’di mo ’taa?

YOHAAN 10:11

Aha/ tana manhil ḵa’bal jin ’boro’d mo. Amanhil ḵa’bal jin ’boro’d ki kar mondiki/em piti a’cesh gom ḵa’bal mo be.

YOHAAN 10:2

Hili a’diyin jin cic̱ki’d ki ’twaŋkal mo tani a’di ta’da manhil ḵa’bal jin hili ḵa’bal mo be.

YOHAAN 10:27

Ḵa’bal pem ciḵki ’twam pem mo dhali aha/ misha uni mo dhali uni baṯẖki aha/ nsho’k mo be.

YOHAAN 10:3

Dhali amanc̱or ’twaŋkal mo tani ḵa’dki a’di ’twaŋkal mo, dhali ḵa’bal ciḵki ’twam piti mo, dhali a’di ki yuḵ ḵa’bal pitiŋ gana/ ki gway buni mo dhali shu uni bway ka pije/ mo be.

YOHAAN 10:4

Ki a’di suski kum pitiŋ gana/ ’baar mo ka pije/ mo tani a’di ki ya nṯwa/a/ ki uni mo dhali ḵa’bal baṯẖki a’di nsho’k mo haali/ uni mishki ’twam piti mo be.

YOHAAN 10:5

Jaŋ kamu/ jin di ki she/ mo tani mina uni ’koki baṯẖi sho’k mo be, hili uni mini so mo ’peni a’di mo haali/ uni ’koki mish ’twa/ gi ’kwanin tiya mo be.

YOHAAN 11:52

Dhali yisa jasi gom kal yan a’di ’cena hili mmotul uc̱i ma Arumgimis isi monṯal ’de/ mo uni gun c̱ekerkunu bwa mo is’ko’d mo be.

YOHAAN 17:20

Aha/ dinaki ’tho gom uni gwansan uni ’cena mo, hili si’da/ gom uni gwansan kun mini gam aha/ gwo is i’ko’d mo e gwom buni mo be,

YOHAAN 6:37

Aris uni ’baar mo kun c̱ikin ma Baba aha/ mo tani uni mini iiyu/ i aha/ mo, dhali a’di jin midi yayu/ i aha/ mo tani aha/ mina diki ur a’di ka pije/ mo be.

MII GUN MIINU MO 15:14

Simaan lolop̱ki gwo gom monthip̱ jin thip̱kin ma Arumgimis ’kwani kun ’koki ta ’Kwani Yahuuda/ mo mmobuḵ ’kwani ka pije/ ’peni bwam uni gom gway piti mo.

MII GUN MIINU MO 18:10

haali/ aha/ dina e /e mo dhali wathiŋ kamu/ midi mol /e seya p̱o/ mo mmomii /e ki shi/ mo, haali/ aha/ tana gi ’kwani ka ris e bampa/ yansan mo be.

MII GUN MIINU MO 22:14

Dhali a’di o’d ka Arumgimis gi ibabam bana iski /e mo mmomish bwam piti mo dhali mmop̱ar mo ma ḵar/e gi jan ’de/ e mo dhali mmociḵ cuuwa/ ’peni ’twam piti mo be.

RUUMIYA 11:25

Ki um mini ’koki ’ko ki ji mol mo mo e mohe’k em bum mo tani aha/ ŋap̱a um mmomish gwo ’ban mo, a’di jin ta gwo jin bagu mo, iwaḵa. A/usiny’ce p̱u’dki’d e ’ban gi ’Kwani ma Israyiila tiya mo ntaga waambuhany ’kwani kun ’koki ta ’Kwani Yahuuda/ ’tu’dkunu mo mmopu’d mo be.

TASALUNIIKI SU/ 2:13

Hili am ḵara ba/ imina c̱i mo jin ’boruwa Arumgimis bwa i is mo isa yempa/ mo gom um mo iwaḵ mo, um gun enu ki Tap̱a mo, haali/ Arumgimis kwanyki um ’peni ka muŋ’kup̱ mo mmota ku gi minu woṯẖ mo e mii kun dhagamkunuwa dhagam ki Shi/in mo dhali mo jin gamkunu gwo is e gwoŋ gana/ mo.

IBRANIYIIN 13:20

Shwane/ dhalka Arumgimis gi moŋḵu’th is, a’di jin guyi Tap̱a Yesus bana ’peni mowu mo doḵ/e, a’di jin ta’da Amanhil ḵa’bal, ka bas gi gwo jin gamu me’d jin midi di ki sule/ sule/ ya ye ’ba/ mo

BUṮERUS ’DE/ 2:10

Nṯwa/a/ mo tani um ’koki ta ’kwani mo, hili shwane/ um ta ’kwani ma Arumgimis mo. Nṯwa/a/ mo tani um ’koki bu’th mo jin miinu mii mo, hili shwane/ um bu’thki momiimii mo be.

BUṮERUS ’DE/ 2:25

Haali/ um iikini per mo me’d ḵa’bal mo, hili shwane/ um doḵkin ka nyaŋ’ko’d mo eya Manhil Ḵa’bal mo dhali Amanjiya ḵashiram bum mo be.

BUṮERUS ’DE/ 5:4

Dhali ki a’di jin ta’da Manhil Ḵa’bal jin ta’da ’kaŋ’kup̱ minu ṯor eya tente/ mo tani um mini bu’th toŋ’kup̱ jin moli us ki jog mo jin ta monyca mo be.

GWO JIN ’CEENU MO 3:20

Hili mo mo ma, aha/ doshkina ishan’tamo/ mo dhali nagkana campura p̱o/ ki me’d mo. Waḵki/ jan ṯal ’deŋ kamu/ midi ciḵ ’twam pem mo dhali ḵa’dki aha/ acampur mo tani aha/ mina seku/ ibwamani a’di mo dhali nyaḵ to shwa ki a’di mo dhali a’di nyaḵki aha/ mo be.