YOHAAN 10:14 - Uduk New Teatament and OT Portions

¹⁴ Aha/ tana manhil ḵa’bal jin ’boro’d mo. Aha/ misha kum pem mo dhali kum pem mishi aha/ mo be.

YOHAAN 10:14 Iomraidhean Croise

GWAY GI IDAWUU’D 1:6

haali/ Tap̱a Arumgimis mishki bway gi a’diŋ ḵar/e mo, hili bway gi uni gun mii tonthus mo tani ta mony’ce’d sho’k mo be.

YOHAAN 10:11

Aha/ tana manhil ḵa’bal jin ’boro’d mo. Amanhil ḵa’bal jin ’boro’d ki kar mondiki/em piti a’cesh gom ḵa’bal mo be.

YOHAAN 10:13

A’di guski’d mo haali/ a’di ta’da manmii to ka guurush mo be dhali bwaŋ kamu/ yisa ta a’di pa gom ḵa’bala.

YOHAAN 10:27

Ḵa’bal pem ciḵki ’twam pem mo dhali aha/ misha uni mo dhali uni baṯẖki aha/ nsho’k mo be.

YOHAAN 17:3

Dhali moŋ’koki/e ki sule/ sule/ ya ye ’ba/ mo a’dan be, ki uni mini mish /e mo, ki /e tana Arumgimis gana/ /e ’de/ ki lish mo, dhala Yesus Ḵrisṯẖos, a’di jin hashkina /e mo be.

YOHAAN 17:8

Haali/ aha/ c̱ikina uni gwo kun c̱ikina /e aha/ mo dhali uni bu’thki uni mo dhali mish ka jiŋ gana/ ki aha/ pikina ’peni /e mo, dhali uni gamki gwo is ki /e a’di ihashki aha/ mo be.

KURINṮH̱UUS SU/ 4:6

Haali/ a’di ta’da Arumgimis jin o gwo mo ki: Dhalki moŋkush a’di ’twaḵki mondhurumi’d bwa mo, a’di jin kushki mo mo eya dum bana mo mmoc̱i moŋkush gi moyuḵ gi monyca ma Arumgimis e jis/e ma Ḵrisṯẖos mo be.

EP̱ASUS 1:17

ka Arumgimis jin ta a’di gom Tap̱a Yesus Ḵrisṯẖos bana mo dhali Ababa gi Monyca mo midi c̱i um shi/in gi moyuḵ mo dhali gwo jin ’ceenu e monyiṯẖ jin nyiṯẖa um a’di mo,

EP̱ASUS 3:19

dhali mmomish mo/en ma Ḵrisṯẖos mo, a’di jin bolki mo jin nyiṯẖuwa nyiṯẖ e mo ki um minu ’taki ’tu’d mo ka ris mo ma Arumgimis jin ’tu’da a’di a’tu’d mo be.

P̱ILIBBI 3:8

Ka jiŋ gana/ aha/ dhuna ris to me’d to kun thisu e mo gom to jin bolo’da ris to ’baar mo e ki ’bor mo jin ta mmomisha Ḵrisṯẖos jin ta’da Yesus Tap̱am pem mo be. Dhali gom gway piti mo tani aha/ wana gwo kan e bwa mo mmodhala ris to ’peni ’baar mo dhali aha/ dhuna uni me’d to gun pishu mo ki mii gi wakan ki aha/ mina gama Ḵrisṯẖosa du is mo be.

ṮIMUṮH̱AWUUS SU/ 1:12

Dhali wakan aha/ ’koshkina is ka nyor mo me’d jin ’kosha is aha/ ka nyor mo. Hili aha/ dina is ki ’the mo haali/ aha/ misha a’di jin gamka/ gwo is mo dhali aha/ misha ki isa duŋ gana/ ki a’di mishi ji ki ’bore/ ntaga Tee c̱aan mo a’di jin c̱ikika/ a’di mmodhu mo be.

ṮIMUṮH̱AWUUS SU/ 2:19

Hili moŋḵa’b ma Arumgimis ṯelkunu sho’k mo mmodosh mo, mmoḵal mo jin dina gwo yan ka ’dan’dap̱ mo ki: Tap̱a mishi uni gwansan kun ta kum piti mo, dhali, Dhalka ris ’kwani ’baar ka ’deṯe/ ’deṯe/ mo uni kun yeri gway gi Tap̱a mo, ḵwa/ is buni bwa mo ’peni miinthus kun shi/ashi/ mo.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

GWO JIN ’CEENU MO 2:13

Aha/ misha mom pini jin c̱a’ba /e mo, e mo jin c̱a’b ma ḵursi ma Seṯaan mo. /E ṯelki sho’k mo e gway pem mo dhali /e diki waṯ gwom pem jin gamu is mo isi kani ka tee ma Antibas mo, a’di jin ta’da man/o gwom pem mo, a’dim pem jin di’d ’de/ mo jin ta isiŋ gana/ mo, a’di jin ’koshkunu mo mbwam um mo, e mo jin c̱a’bkin ma Seṯaan mo be.

GWO JIN ’CEENU MO 2:19

Aha/ misha miim pini mo dhali mo/en pini mo dhali moŋgam gwo is pini mo dhali miin tom pini kun miina /e mo dhali bwam pini jin ’kuc̱a /e ki ’kari’th mo mmo’dim ’kup̱ mo dhali miin tom pini kun ta kuŋ ’ko’d mo mmobol kun ṯwa/a/ e mo.

GWO JIN ’CEENU MO 2:2

Aha/ misha miim pini mo, dhali aṯu’c pini jin miina /e ki mii jin ’batha’ba’th mo dhali mo jin ’kuc̱a /e bwa ki ’kari’th mo mmo’dim ’kup̱ mo dhali mo jin mola /e bu’th ’kwani kun mii ton thus mo hili /e nyo/ki uni gwansan kun yuḵki is buni ki uni kun dhunu ki she/ mo tani hili uni yisa ta uniya, dhali gam uni ki uni ta thus ki thus mo.

GWO JIN ’CEENU MO 2:9

Aha/ misha monṯo’c bwam pini mo dhali aha’th’ko’d pini mo tani (hili /e ta pa ki pa mo) dhali uni gwansan kun thu’thkina thu’th ’pen mo kun oki uni ta ’Kwani Yahuuda/ mo tani dhali uni yisa ta uniya, hili uni tan gi gu’b gi montul is ma Seṯaan mo be.

GWO JIN ’CEENU MO 3:1

Dhali eya man’doyu gwo ma ḵaniisa gi Pan Sardis mo tani ’kwari gwo mo ki: Gwo gi a’di jin ta’d gi shi/in ma Arumgimis kun ’koni pesu/ mo dhali acul kun ’koni pesu/ mo be, mmo/o gwo mo ki: Aha/ misha miin tom pini mo. /E takin gi gway gi a’di jin di ki e mo dhali /e ki is pini a’di iwuni.

GWO JIN ’CEENU MO 3:15

Aha/ misha miin tom pini mo. /E ŋala/ wani ’thup̱a walla moŋkamu/ ŋala/ ’batha /eya. Ki /e ḵara ba/ imini ’taki ’thup̱a’thup̱ mo walla ’batha’ba’th moyi.

GWO JIN ’CEENU MO 3:8

Aha/ misha miin tom pini mo. Hili mo mo ma, aha/ karkina acampur ki ḵany ibwambori /e mo, a’di jin mola jan ṯal ’deŋ kamu/ mu’th mo. Aha/ misha ki /e tan gi jasi ari mom’bi’th jin gwa’dagwa’d mo dhali /e dini mmodhu gwom pem naskina/ mo dhali /e diki waṯ gway pem mo be.