YOHAAN 10:12 - Uduk New Teatament and OT Portions

¹² Hili a’di jin mii to ka guurush mo dhali diki ta manhil ḵa’bal mo tani dhali ḵa’bal ’koki ta kum piti mo tani ki a’di p̱arki’da wu e mo mmoyayu/ mo tani a’di ki dhal ḵa’bal ’pen mo dhali gus mo be dhala wu ki bu’th uni mo dhali c̱eker uni bwa mo be.

YOHAAN 10:12 Iomraidhean Croise

MAṮṮA 10:16

Hili mo mo ma, aha/ hashkina um mo ka pije/ mo me’d ḵa’bal mo e bwaman ma wu mo, wakan yuḵi ki yuḵ mo me’d tasha/ mo, dhali dari ga maḵ mo me’d gurko/ mo.

MAṮṮA 7:15

Jiyi imanc̱i gwonthus ki e ki ’bore/ mo ma uni gun p̱u’dkin mo e um mo mmohitha mur ḵa’bali is mo, hili e bwaman ma du mo tani uni tana wu gun pitili to ki she/ mo be.

YOHAAN 10:13

A’di guski’d mo haali/ a’di ta’da manmii to ka guurush mo be dhali bwaŋ kamu/ yisa ta a’di pa gom ḵa’bala.

YOHAAN 10:2

Hili a’diyin jin cic̱ki’d ki ’twaŋkal mo tani a’di ta’da manhil ḵa’bal jin hili ḵa’bal mo be.

YOHAAN 10:3

Dhali amanc̱or ’twaŋkal mo tani ḵa’dki a’di ’twaŋkal mo, dhali ḵa’bal ciḵki ’twam piti mo, dhali a’di ki yuḵ ḵa’bal pitiŋ gana/ ki gway buni mo dhali shu uni bway ka pije/ mo be.

MII GUN MIINU MO 20:29

Aha/ misha ki ’ko’di mo jin miga/ ya mo tani awu kun c̱ithirac̱ithir mo tani mini seyu/ i bwam um mo mmomii mii kun miinu ka serec̱ yisa goma ma’diny yan mo.

ṮIMUṮH̱AWUUS ’DE/ 3:3

dhali a’di midi mii diki ’dish mo ma su is mo, dhali a’di midi mii diki mii mii ki ra’b mo hili a’di mina e mii ’thup̱a’thup̱ mo, dhali a’di midi mii diki wala le’d ki ṯas ṯas mo, dhali a’di midi mii diki ta aman/ena guurush mo si’da/.

ṮIMUṮH̱AWUUS ’DE/ 3:8

Wakan si’da/ ’kwani kun dhunu mo mmohil to ma ḵaniisa i e mo tani uni mini mii ḵa/aḵa/ mo, mmo’koki ta gi ’twa/ jin onu gwo isu/ mo, dhali mmo’koki jima su i ’twa/ mo, dhali mmo’koki pur bwa mo goma guurush mo.

ṮIMUṮH̱AWUUS SU/ 4:10

Haala Dimas, a’di jin enki mony’cesh yan jin di’d shwane/ mo tani, a’di dhalki aha/ ’pen mo dhali yaki’d mo e Pan Tasaluniiki mo, dhala Kiriskis a’di yaki’d mo e Paŋ Galathiyya mo dhala Tiithus e Pan Dalmathiyya mo.

TIITHUS 1:7

Haali/ jwaha/ wathi/, me’d wathi/ jin ta’da mandhu to goma Arumgimis mo ba/, a’di midi mii dar gi mii ’ba/ mo, dhali a’di midi mii diki ’theḵ ’ba/ imis mo, walla ta amanwar ki jahanne/ mo, walla ta a’di jin min ma su ’kosh mo, walla ta amanbujura bujur mo, walla ta amanpur bwa ki pur mo gom nyunycina/ mo.

BUṮERUS ’DE/ 5:2

C̱iyi ama’diny ma Arumgimis tonṯe/ mo, a’di jin ḵanu um gwo mo mmomii mo, yisa ki mii jin minu ṯu’c uma, hili ki bwa jin onu mo, yisa gom mii jin minu gama du is ki mon’the is mo, hili ki ’ba/ jin ganankunu mo,

BUṮERUS SU/ 2:3

Dhali e bwam buni kun purapur mo tani uni mini nyuny um mo mmota nyunycina/ ki gwonthus buni mo. ’Peni kadhamo/ miiwaḵ buni jin toru gwo ’twa/a ’cesh mo tani diki ta nyoŋ’kor mo dhali mony’ce’d sho’k buni si’da/ mo tani diki ish e mo be.