YOHAAN 10:10 - Uduk New Teatament and OT Portions

¹⁰ ’Kwanin ’di/ uni p̱u’dkin mo mmoḵwal to jasi ’te/ mo dhali mmo’kosha ’kosh mo dhali mmo’ce’da ’ce’d sho’k mo. Aha/ p̱u’dkina mo ki uni mini ta gi moŋ’koki/e mo dhali mmota gi a’di ki nyanye/ mo be.

YOHAAN 10:10 Iomraidhean Croise

MAṮṮA 18:10

Hil ki ’bore/ ki um mini ’koki waḵ jan ṯal ’deŋ kamu/ ’peni uni gwansan kun gwa’dan mo haali/ aha/ ṯora /e gwo mo ki e momis mo tani iman’doyu gwom buni isa yempa/ uni hilki bwam/e ma Ababam pem jin di’d e momis mo be.

MAṮṮA 18:11

Haali/ Ya/ gi ’Kwani p̱u’dki’d mo mmowoṯẖ uni gun thiskunu e mo be.

MAṮṮA 20:28

Wakansan me’d Ya/ gi ’Kwani p̱u’dki’d mo ki a’di minu ’koki mii to mo tani hili ki a’di midi mii to gom ’kwani mo dhali mmoc̱i mondiki/em piti mo mmota amangwam gom ’kwani ka ris mo be.

MAṮṮA 21:13

A’di ki o uni gwo mo ki: A’di ’kwarkunu mo ki: Gu’b pem minu yuḵ ki gu’b gi mon’tho mo. Hili um ki mii a’di me’d gu’b gi ’kwanin ’di/ mo be.

MAṮṮA 23:13

Wayyi e um, ’kwani kun ta iman’kwar to mo dhali ’Kwani P̱arisiyiin mo kun tana he’k e ka he’k e mo. Haali/ um ’dap̱ki bway gi Bampa/ gi Momis ’twa/ mo ap̱o/ ’kwani mo. Haali/ um ki is bum ’koki cic̱ mo walla ’koki dhal uni gwansan bway mo kun mini ’taki cic̱ i a’di mo be.

MARKUS 11:17

Dhali a’di ṯorki gwo mo dhali o uni gwo mo ki: A’di diki ta gwo jin ’kwarkunu mo ’taa? ki: Gu’b pem minu yuḵ ki gu’b jin minu ’tho goma ris kal gi ’kwaniny’ceshi ’baar mo? Hili um ki mii a’di me’d gu’b gi ’kwani kun ta imandil to mo be.

LUUKA 19:10

Haali/ Ya/ gi ’Kwani p̱u’dki’d mo mmoŋap̱a ŋap̱ mo dhali mmowoṯẖa woṯẖ mo gom uni gun thiskunu e mo be.

YOHAAN 10:1

Ka jiŋ gana/, ka jiŋ gana/ aha/ ona um ki a’diyin jin diki se ki ’twaŋkala goŋ ḵa’bal mo, hili ise ki bwaya kamu/ mo tani a’di ta wathin ’di/ mo dhali jin ta’da mandil to mo be.

YOHAAN 10:11

Aha/ tana manhil ḵa’bal jin ’boro’d mo. Amanhil ḵa’bal jin ’boro’d ki kar mondiki/em piti a’cesh gom ḵa’bal mo be.

YOHAAN 12:47

Waḵki/ wathin ṯal ’deŋ kamu/ ciḵ gwo jin oka/ mo dhali diki dhu uni mo tani aha/ dinaki dwall a’di gwo mo, haali/ aha/ dinaki p̱u’du/ mo mmodwall ’kwaniny’cesh gwo mo, hili mmowoṯẖ ’kwaniny’cesh mo be.

YOHAAN 12:6

Gwo yansan ona a’di, yisa mmotan ma du a’di pa yisa gom ’kwani kun hatha’ko’d mo, hili haali/ a’di ta’da ’di/ mo, dhali mmotana a’di ka jisilaan ma guurush mo tani a’di ki pil mo ki ’pen mo mmo’do uni mo.

YOHAAN 3:17

Haali/ Arumgimis hashki Ya/m piti i mony’cesh yansan yisa mmowaḵ ’kwaniny’cesh mo, hili ki ’kwaniny’cesh minu woṯẖ ki a’di mo be.

YOHAAN 5:40

Dhali um ’kokin mo mmo/ush ki ’tash mo mmo/iiyu/ i aha/ mo ki um mini ta gi moŋ’koki/e mo.

YOHAAN 6:33

Haali/ maa ma Arumgimis a’di ta a’di jin p̱u’dki’da ’cesh ’peni momis mo dhali c̱i mondiki/e e ’kwaniny’cesh mo.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

RUUMIYA 2:21

dhali /e si’da/ jin wakan si’da/ mo tani /e jin ṯori ci gwo mo tani mina /e diki ṯor is pini gwo mo ’taa? Dhali ki /e din mo mmoṯor gwo ap̱o/ mo gi ḵwalu to mo tani /e si’da/ ḵwalki to mo ’taa?

ṮIMUṮH̱AWUUS ’DE/ 1:15

Gwo yan jin onu mo ta gwoŋ gana/ mo dhali a’di ha me’d ki haŋ gana/ mo mmobu’th a’di ’baar mo ka Ḵrisṯẖos jin ta’da Yesus p̱u’dki’d mo e mony’cesh yan mo mmowoṯẖ uni kun miiki miinthus mo. Dhali aha/ tana ’kaŋ’kup̱ jin ta’da manmii miinthus mo.

IBRANIYIIN 6:17

Wakan ka Arumgimis dina gwo ibwa mo mmoṯor mo jin p̱ina a’di gwo jip̱i e ki nyanye/ mo gom uni gun mini ḵal mal gi gwo jin onu is mo tani a’di diki aḵ buyempam pitiŋ gana/ e mo gom ’kup̱ bwaŋ ganam piti mo tani a’di hurki ’pen bway bwaman mo ki gwo jin thulkina a’di me’da p̱o/ mo be.

IBRANIYIIN 7:25

Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

BUṮERUS SU/ 1:11

Wakan, mo jin tanu pa ki pa mo minu c̱i um mo, a’di jin ta mo jin cic̱u mo e bampa/ gi Tap̱am bana mo dhali Amanwoṯẖ bana mo jin ta’da Yesus Ḵrisṯẖos mo, jin midi di ki sule/ sule/ ya ye ’ba/ mo be.