YOHAAN 1:9 - Uduk New Teatament and OT Portions

⁹ Dhali moŋkush gana/ a’di diki’d mmoyayu/ i ’kwaniny’cesh mo be, a’di jin ta moŋkush gana/ mmokusha ris ’kwaniny’ceshi ’baar mo ka ’deṯe/ ’deṯe/ mo be.

YOHAAN 1:9 Iomraidhean Croise

MAṮṮA 6:23

Hili waḵki/ em pini diki c̱a’bki ḵwany ḵwany mo tani buŋgwar is pini ’baar mo ka ’bimpil mo tani minu ’tu’d mo ki mondhurumi’d mo be. Waḵki/ moŋkush jin di’d e /e dhurumi’d mo kan tani dhan mondhurumi’d ’ka’da miiya!

LUUKA 11:36

Yan’ko’d waḵki/ buŋgwar is bum ’tu’du/ mo ki moŋkush mo tani mmodar gi mondhurumi’d e ’bana kamu/ mo tani a’di ’baar ka ’bimpil mo midi ’twaḵ mo mo me’da bi ma lamba/ jin c̱i um moŋkush mo be.

YOHAAN 1:4

E a’di mo tani mondiki/e diki’d mo dhali mondiki/e a’di ta moŋkush gi ’kwani mo be.

YOHAAN 1:7

A’di p̱u’dki’d mo gom gwo mmoṯor mo, mmoṯor gwo mo gom moŋkush mo, ka ris ’kwani ’baar mo mini gam gwo is e a’di mo be.

YOHAAN 12:46

Aha/ p̱u’dkina mo mmota moŋkush ma ’cesh yan mo ki a’diyin jin midi gam gwo is e aha/ mo tani midi diki ṯikir di mo e mondhurumi’d mo be.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 15:1

Aha/ tana cwalman gana/ mo dhali Ababam pem a’di ta’da manḵor mo be.

YOHAAN 6:32

Dhali yan’ko’d Yesus ki o uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: AMusa, yisa a’di ic̱iki um maa yan ’peni momis yisa. Ababam pem a’di c̱iki um maaŋ gana/ yan ’peni momis mo be.

YOHAAN 7:12

Dhala dhana gumgum miikin ma waambuhany ’kwani mo gom a’di mo. Kun tiya o gwo mo ki: A’di ta wathi/ jin ’boro’d mo be. Dhali kun tiya o gwo mo ki: Yisa. A’di suski ’kwani mmodheres mo be.

YOHAAN ’DE/ 1:8

Waḵki/ ana ona gwo ki ana dara gi miinthus mo tani ana heka is banaŋ gana/ e mo dhali gwoŋ gana/ yisa di’d e ana mo.

YOHAAN ’DE/ 2:8

Doḵ/e aha/ ’kwarkina um gwoŋḵan jin ta jin this jin ’kwarkunu mo, a’di jin ta jiŋ gana/ e a’di mo dhali e um mo, haali/ mondhurumi’d peki’d mo dhali moŋkush gana/ a’di ’twaḵki mo mo hila/ mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.