YOHAAN 1:48 - Uduk New Teatament and OT Portions

⁴⁸ Dhala Naṯẖana/iil ki thoḵ a’di gwo mo ki: /E mishi aha/ kata moye? Yesus ki thoḵ a’di gwo mo ki: Nṯwa/a/ ka P̱ilibbus diki yuḵ /e mo ki /e dina lamp̱u/ mo tani aha/ p̱arkina /e e mo be.

YOHAAN 1:48 Iomraidhean Croise

YOHAAN 2:25

haali/ a’di mishki’da ris ’kwani ’baar mo dhali midi mii diki ta gi jan ṯal ’deŋ kamu/ mmoṯor a’di gwo ap̱o/ ’kwani mo haali/ a’di ki is piti mishki to kun ’kon e bwaŋ ’kwani mo be.

MAṮṮA 6:6

Hili ki /e mini ’tho mo tani yayi gu’b pini mo dhali muthi acampur mo dhali ’thoyi Ababam pini mo, a’di jin ’konuki ṯor eya tente/ mo, dhali Ababam pini, a’di jin mishki to gun ’kon ki kup̱ mo tani midi c̱i /e to gun ish ḵumma/ mo be.

KURINṮH̱UUS ’DE/ 14:25

Adum piti jin di’d ki kup̱ mo tani thisu ṯor mo be. Dhali wakan mmobiṯkina a’di bwam/em piti a’cesh mo tani a’di midi luŋa Arumgimis mo dhali ṯor eya tente/ ka Arumgimis ka jiŋ gana/ a’di di’d e bwam um mo be.

KURINṮH̱UUS ’DE/ 4:5

Wakan dhalku/ ki c̱i ’twa/ gwon dwall nṯwa/a/ ka tee mo, nṯwa/a/ ki Tap̱a diki p̱u’d mo, a’di jin midi dhu aris to ’baar mo e moŋkush mo, aris to kun diḵu ’kup̱ shwane/ mo e mondhurumi’d mo. Dhali a’di midi thisa dum pa ṯor mo. Dhali yan’ko’d aris ’kwani ’baar ka ’deṯe/ ’deṯe/ mo mini bu’th ’twa/ maŋ ’peni Arumgimis mo be.

MAṮṮA 10:3

Dhala P̱ilibbus dhala Barṯulamaawus, dhala Ṯuuma dhala Maṯṯa jin ta’da mantera thulp̱a/ mo, dhala Yakuub jin ta ya/ ma Halp̱a mo, dhala Ṯaddaawus mo,

YOHAAN 1:44

Dhala P̱ilibbus a’di ta wathi/ gi Pam Beeṯsayda mo jin ta ’peŋkuman bampa/ ma Andaraawus dhala Buṯerus mo be.

YOHAAN 6:5

Dhali yan’ko’d mmo’deka a’di em piti ki mis mo dhali mmomisha a’diya waambuhany ’kwani mmop̱u’du/ i a’di mo tani Yesus ki owa P̱ilibbus gwo mo ki: ’Peni mana imina ana iyol maa mo jin mina ’kwani gwansan wakan i’taki shwa mo?

YOHAAN 6:7

P̱ilibbus ki thoḵ a’di gwo mo ki: Ariyaal iss ’kwanimpa ipe’de/ midi ’taki diki yol maaŋḵuthu’d mmo’kosh jwa mo gom uni ’baar mo ka ’deṯe/ ’deṯe/ mmo’ceṯẖ bwa ime’d ki gwa’d gwa’d mo.

YOHAAN 12:21

Wakan uni gwansan p̱u’dkina P̱ilibbus mo, a’di jin ta wathi/ ’peni Pam Beeṯsayda e Pany Jaliil mo, dhali uni o a’di gwo mo ki: Tap̱a, aman ona bwayi mmop̱ara Yesus e mo be.

YOHAAN 14:8

P̱ilibbus ki o a’di gwo mo ki: Tap̱a, ṯor am Ababa i e mo ma, dhali aman minu ṯe mo be.