YOHAAN 1:44 - Uduk New Teatament and OT Portions

⁴⁴ Dhala P̱ilibbus a’di ta wathi/ gi Pam Beeṯsayda mo jin ta ’peŋkuman bampa/ ma Andaraawus dhala Buṯerus mo be.

YOHAAN 1:44 Iomraidhean Croise

MAṮṮA 10:3

Dhala P̱ilibbus dhala Barṯulamaawus, dhala Ṯuuma dhala Maṯṯa jin ta’da mantera thulp̱a/ mo, dhala Yakuub jin ta ya/ ma Halp̱a mo, dhala Ṯaddaawus mo,

MAṮṮA 11:21

Wayyi e um, ’Kwani gi Pa Kurasiin mo. Dhali wayyi e um, ’Kwani gi Pam Beeṯsayda mo. Haali/ waḵki/ adhan miiny caaga/ kun miikunu mo e um mo tani minu ’taki mii mo e Pan Sur mo dhali e Pan Saydaa/ mo tani uni mini ’taki rica du is mo kadhamo/ mo nnii mmohi’th burrinyen shawaal mo dhali ’kosh ’piny mo be.

MARKUS 3:18

Dhala Andaraawus mo dhala P̱ilibbus mo dhala Barṯulamaawus mo dhala Maṯṯa mo dhala Ṯuuma mo dhala Yakuub jin ta ya/ ma Halp̱a mo dhala Ṯaddaawus mo dhala Simaan gi Paŋ Kaana mo,

MARKUS 6:45

Ki jahanne/ a’di ki ṯor imanciḵ a’di gwo gwo mo mmose bwam ma ḵur mo mmo/ii iṯwa/a/ ki a’di mo e ’bana gap̱a kamu/ mo e Pam Beeṯsayda mo ki a’di midi ’cuḵka waambuhany ’kwani montul is mo be.

MARKUS 8:22

Dhali uni p̱u’dkini Pam Beeṯsayda mo. Dhali ’kwanin tiya suski wathi/ i a’di mo, a’di jin ta’da ja’da/ mo dhali ŋap̱ a’di mo mmota a’di is ki me’d mo be.

LUUKA 10:13

Wayyi e um gi Paŋ Kurasiin mo, wayyi e um gi Pam Beeṯsayda mo, haali/ waḵka dhan miim ’bi’thga/ kun miikunu mo e um mo tani minu ’taki mii mo e Pan Sur mo dhali Pan Saydaa/ mo tani uni mini ’taki rica du is kadhamo/ mo mmo’ko e burrinyen shawaal mo dhali bwam ’piny mo.

LUUKA 6:14

Simaan jin yuḵa a’di gway ka Buṯerus mo, dhala Andaraawus jin ta’da kam piti mo, dhala Yakuub mo dhala Yohaan mo dhala P̱ilibbus mo dhala Barṯulamaawus mo

LUUKA 9:10

Dhali e mondoḵ jin doḵkina imandhunu ki she/ mo tani uni ṯorki a’di to kun miikina uni mo be. Dhali a’di ki sus uni mo dhali uni ki ii mo uni ’cena mo e ’peŋkuman bampa/ jin yuḵu ka Beeṯsayda mo be.

YOHAAN 1:43

Dhali ka cim jiŋ ’ko’d mo tani Yesus p̱u’da/ bwa ka pije/ mo mmoya Pany Jaliil mo. Dhali a’di gamki’da P̱ilibbus mo dhali o a’di gwo mo ki: Baṯẖi aha/ nsho’k mo ma.

YOHAAN 1:45

Dhala P̱ilibbus a’di gamki’da Naṯẖana/iil mo dhali o a’di gwo mo ki: Aman gamkina wathi/ yin jin okin ma Musa mo e gwoŋḵan jin c̱inu mo dhali imanc̱i gwo ma Arumgimis kadhamo/ mo, uni si’da/ ’kwarki gwo mo goma Yesus gi Pa Naasira mo, a’di jin ta Ya/ ma Yuusup̱ mo.

YOHAAN 1:46

Dhala Naṯẖana/iil ki thoḵ a’di gwo mo ki: A/mina tom ’boro’da kamu/ piyu/ mo ’peni Pa Naasira mowa? P̱ilibbus ki thoḵ a’di gwo mo ki: Yayu/ mo ma dhali p̱ar e mo.

YOHAAN 1:48

Dhala Naṯẖana/iil ki thoḵ a’di gwo mo ki: /E mishi aha/ kata moye? Yesus ki thoḵ a’di gwo mo ki: Nṯwa/a/ ka P̱ilibbus diki yuḵ /e mo ki /e dina lamp̱u/ mo tani aha/ p̱arkina /e e mo be.

YOHAAN 12:21

Wakan uni gwansan p̱u’dkina P̱ilibbus mo, a’di jin ta wathi/ ’peni Pam Beeṯsayda e Pany Jaliil mo, dhali uni o a’di gwo mo ki: Tap̱a, aman ona bwayi mmop̱ara Yesus e mo be.

YOHAAN 12:22

Dhala P̱ilibbus yaki’d mo dhali ṯorka Andaraawus gwo mo. Dhala Andaraawus yaki’d mo nyaḵka P̱ilibbus mo dhali uni ṯorkina Yesus gwo mo be.

YOHAAN 6:5

Dhali yan’ko’d mmo’deka a’di em piti ki mis mo dhali mmomisha a’diya waambuhany ’kwani mmop̱u’du/ i a’di mo tani Yesus ki owa P̱ilibbus gwo mo ki: ’Peni mana imina ana iyol maa mo jin mina ’kwani gwansan wakan i’taki shwa mo?

YOHAAN 6:7

P̱ilibbus ki thoḵ a’di gwo mo ki: Ariyaal iss ’kwanimpa ipe’de/ midi ’taki diki yol maaŋḵuthu’d mmo’kosh jwa mo gom uni ’baar mo ka ’deṯe/ ’deṯe/ mmo’ceṯẖ bwa ime’d ki gwa’d gwa’d mo.

MII GUN MIINU MO 1:13

Ki uni sekin mo tani uni iikin ’kup̱ ki mis e gu’b jin nyaŋu ka maḵamp̱o/ ap̱owa kamu/ mo, jin ’kona uni nycine/ mo, Buṯerus dhala Yohaan dhala Yakuub dhala Andaraawus dhala P̱ilibbus dhala Ṯuuma dhala Barṯulamaawus dhala Maṯṯa dhala Yakuub ya/ ma Halp̱a dhala Simaan El Ghayuur dhala Yahuusa ya/ ma Yakuub mo.