YOHAAN 1:42 - Uduk New Teatament and OT Portions

⁴² A’di suski’da kam piti eya Yesus mo dhala Yesus p̱arki a’di e mo dhali o a’di gwo mo ki: Hayyiye /e tana Simaan jin ta ya/ ma Yohaan mo. /E minu yuḵ gway ka Sap̱a mo (a’di jin ta ’pemen gwo ka Buṯerus mo).

YOHAAN 1:42 Iomraidhean Croise

MAṮṮA 10:2

Dhali gway gi uni kun ’koni ’kume’d i’ce’dka su/ mo kun dhunu ki she/ mo tani wa cikise/ mo be: jin ṯwa/a/ ta’da Simaan, a’di jin yuḵu gway ka Buṯerus mo dhala Andaraawus jin ta’da kam piti mo, dhala Yakuub jin ta ya/ ma Sabadi mo dhala Yohaan jin ta’da kam piti mo be.

MARKUS 3:16

Simaan, a’di jin yuḵkunu gway ka Buṯerus mo,

LUUKA 5:8

Hili ka Simaan Buṯerus p̱arki a’di e mo tani a’di biṯki’d e ’kup̱a’dup̱un ma Yesus mo mmo/o gwo mo ki: Yaku/ mo ’peni aha/ mo ma haali/ aha/ tana wathi/ gi miinthus mo, ayy Tap̱a.

LUUKA 6:14

Simaan jin yuḵa a’di gway ka Buṯerus mo, dhala Andaraawus jin ta’da kam piti mo, dhala Yakuub mo dhala Yohaan mo dhala P̱ilibbus mo dhala Barṯulamaawus mo

YOHAAN 13:18

Aha/ dinaki ṯor gwo gom umi ’baar mo. Aha/ misha uni gun kwanyka/ mo, a’di jin mina Gwo ma Arumgimis jin ’kwarkunu mo ki a’di minu thim moyi ki: A’di jin shwaki maam pem a’di ’de’kki ’penaṯiŋkilan sho’k piti ap̱o/ aha/ mo.

YOHAAN 21:2

Simaan Buṯerus dhala Ṯuuma a’di jin yuḵkunu ka A’ci jin dhodhu isu/ mo dhala Naṯẖana/iil gi Paŋ Kaana e Pany Jaliil mo, dhali iya/ ma Sabadi isu/ mo dhali imanciḵ a’di gwon tiya isu/ mo, uni ’kon mmonṯal ’de/ mo be.

YOHAAN 4:16

Yesus ki owa yim gwo mo ki: Yaku/ mo ma. Yuḵa kaṯẖim pini mo dhali yayu/ imahan mo.

KURINṮH̱UUS ’DE/ 1:12

’Pemen gwom pem jin oka/ mo a’dihe/ be, ki um ka ’deṯe/ ’deṯe/ o gwo mo ki: Aha/ tana ji ma Buulus mo, dhali, Aha/ tana ji ma Abulluus mo, dhali, Aha/ tana ji ma Sap̱a mo, dhali, Aha/ tana ji ma Ḵrisṯẖos mo.

KURINṮH̱UUS ’DE/ 15:5

Dhali a’di piki’da Sap̱a i is mo dhali yan’ko’d e uni gun tana ’kume’d i’ce’dka su/ mo be.

KURINṮH̱UUS ’DE/ 3:22

waḵki/ ta ji ma Buulus mo walla ji ma Abulluus mo walla Sap̱a mo walla mony’cesh mo walla mondiki/e mo walla mowu mo walla mo kun ’kon shwane/ mo walla mo kun mini ’ko yilaŋ kamu/ mo tani aris to gwansani ’baar mo tani uni ta kum bum mo be.

KURINṮH̱UUS ’DE/ 9:5

’Konuki dhal am bway mo mmota gi up̱ mo me’d jin tana unin tiya gun dhunu ki she/ mo dhali ikam gi Tap̱a mo dhala Sap̱a mowa?

GALATHIYYA 1:18

Dhali yan’ko’d ’ko’di yili kwara mo tani aha/ yakina ka gagamis e Pa Urushaliim mo mmobuṯa Sap̱a mo dhali nyaḵ c̱a’b ki a’di ka cim ma ḵarpa’c mo be.

GALATHIYYA 2:11

Hili ka Sap̱a p̱u’dki’d mo e Pa Anthaakiya mo tani aha/ ceshkina a’di mo ka ḵarambuye/ mo ki jis/em piti mo haali/ a’di doshki’d mo mmowaḵkunu a’di mo be.

GALATHIYYA 2:9

Dhali ki uni nyiṯẖkina ’the jin c̱ikunu aha/ mo tani aYakuub dhala Sap̱a dhala Yohaan uni gun onu ki uni tana atiŋkiliŋ mo tani c̱iki aha/ bway mo dhala Barnaaba mo abim poros gi mmonyaḵ to mii mo, ki aman mina ’taki ii mo e ’kwani kun ’koki ta ’Kwani Yahuuda/ mo, dhali uni e ’kwani kun ’ciṯẖuwa munyjal yis mo be.