YOHAAN 1:34 - Uduk New Teatament and OT Portions

³⁴ Dhali aha/ mishkina mo mo dhali ta aman/o gwo ki a’di yansan ita Ya/ ma Arumgimis mo be.

YOHAAN 1:34 Iomraidhean Croise

GWAY GI IDAWUU’D 2:7

Aha/ mina ṯor gwoŋḵan gi Tap̱a mo: A’di ta gwo jin ona a’di aha/ mo ki: /E ta Ya/m pem mo, shwane/ aha/ dho’thkina /e mo.

MAṮṮA 11:27

Aris to ’baar mo c̱ikunu aha/ mo ka Ababam pem mo dhali jan ’deŋ kamu/ yisa di’da jin mishki Ya/ mo hili isi ciki/ Ababa mo, dhali jan ’deŋ kamu/ yisa di’da jin mishki’da Ababa mo hili isi ciki/ a’di jin ta Ya/ mo dhali ma a’din ’de/ yin jin mina Ya/ ikwany mo tani mina a’di iṯor eya tente/ mo be.

MAṮṮA 16:16

Simaan Buṯerus thoḵ a’di gwo mo ki: /E tana Ḵrisṯẖos mo, Ya/ ma Arumgimis jin di’d ki e mo be.

MAṮṮA 17:5

Ki a’di di’d mmo/o gwo mo tani hili araḵ jin kushu mo mo ’kamki uni is mo dhali ’twa/ ’pena raḵ yan mo tani o gwo mo ki: Yansan ta Ya/m pem jin enka/ mo, a’di jin ’borka/ bwa i is mo. Ciḵi a’di gwo mo ma.

MAṮṮA 26:63

Hila Yesus c̱a’bki’d ki shwam mo. Dhala gasiis jin ca’d ki o a’di gwo mo ki: Aha/ ḵana /e gwo ka Arumgimis jin di ki e mo. Ba ṯor am gwo mo ma, waḵki/ /e tana Ḵrisṯẖos mo, a’di jin ta Ya/ ma Arumgimis mo.

MAṮṮA 27:40

dhali mmo/o gwo mo ki: /E jin mini ’taki ’kosh gu’b gi mondheleladhelel mo dhali nyaŋ a’di ka cim kwara mo tani woṯẖi is pini mo. Waḵki/ /e ta Ya/ ma Arumgimis mo, ba thulu ka ’cesh ’peni ap̱o/ cwany’ciṯẖan dhul mo.

MAṮṮA 27:43

A’di gamki’da Arumgimis gwo is mo. Dhalka Arumgimis ’cuḵ a’di mo shwane/ waḵki/ a’di ona bwa ki a’di mo, haali/ a’di o gwo mo ki a’di ta Ya/ ma Arumgimis mo be.

MAṮṮA 27:54

Dhali ka mancil ma askar iss ’kwanim pa mmudhe’d dhali uni gwansan kun nyaḵ ’ko ki a’di mo tani uni rashkina Yesus tim mo mmop̱ar mony’cesh e mo mmoyiḵin is mo dhali to gwansan kun bu’thki embul mo mo tani uni ’tu’dkunu mo ki moŋḵo/ is mo dhali o gwo mo ki: Ka jiŋ gana/ yansan ta Ya/ ma Arumgimis mo be.

MAṮṮA 3:17

Dhali hili, ’twa/ ’peni momis o gwo mo ki: Yansan ta Ya/m pem jin enka/ mo dhali e a’di mo tani aha/ ’bora bwa mo be.

MAṮṮA 4:3

Dhali amanpal a’di p̱u’dki’d mo dhali o a’di gwo mo ki: Waḵki/ /e ta Ya/ ma Arumgimis mo tani ḵani wosh gwansan gwo mo ma mmowar ki tonṯe/ mo.

MAṮṮA 4:6

dhali a’di ki o a’di gwo mo ki: Waḵki/ /e ta Ya/ ma Arumgimis mo tani biṯi is pini ka ’cesh mo ma haali/ a’di ’kwarkunu mo ki: A’di midi c̱i iman’doyu gwom piti mo mmoji /e mo, dhali, E me’d buni mo tani uni mini ’de’k /e mo, isi ciki/ ki /e mina sho’k pini diki ṯorosha p̱o/ wosh mo be.

MAṮṮA 8:29

Dhali hili uni cuun kagahara mo ki: /E mini miiya tinta e am mo ayy Ya/ ma Arumgimis? /E p̱u’dkin mo mmahan mmodhu am ki isa nyor nṯwa/a/ ki mo diki p̱u’d mo naskina/ ’taa?

MARKUS 1:1

Monṯel ’pen gi gwom ’borga/ ma Yesus Ḵrisṯẖos jin ta Ya/ ma Arumgimis mo be.

MARKUS 1:11

Dhali ’twa/ ciḵkunu ’peni momis mo ki: /E ta Ya/m pem jin enka/ mo, dhali aha/ ’bora bwa ki ’bor ki /e mo.

LUUKA 1:35

Dhali aman’doyu gwo thoḵki’da yim gwo mo ki: Shi/in Dheleladhelel midi yayu/ apo/ /e mo, dhali mom’bi’th gi a’di jin Cayaa/ e ki Ca mo midi ’kam /e ka la mo be. Wakan a’ci jin minu dho’th mo tani a’di minu yuḵ ki jiŋ ḵogu mo, a’di jin ta Ya/ ma Arumgimis mo be.

LUUKA 3:22

dhali Shi/in Dheleladhelel thulki’di a’di mo mmobu’th jamas gi buŋgwar mo mmowa e ki gurko/ mo, dhali ’twa/ yayi’d ’peni momis mo mmo/o gwo mo ki: /e ta Ya/m pem jin enka/ mo. Ki /e mo tani aha/ ’bora bwa mo be.

YOHAAN 1:18

Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 1:49

Dhala Naṯẖana/iil ki thoḵ a’di gwo mo ki: Rabbi, /e ta Ya/ ma Arumgimis mo. /E tana Maliḵ gi ’Kwani ma Israyiil mo be.

YOHAAN 10:30

Aha/ dhala Baba, aman ṯala ’de/ mo be.

YOHAAN 10:36

a/um ki o gwo mo ki a’di jin karkina Com ki she/ ki jin ḵogu mo dhali hashu e mony’cesh mo ki: /E walki gwo sor mo, haali/ aha/ ona gwo mo ki: Aha/ tana Ya/ ma Arumgimis mo.

YOHAAN 11:27

Ayim ki thoḵ a’di gwo mo ki: Nye, Tap̱a. Aha/ gama gwo is ki /e tana Ḵrisṯẖos mo jin ta Ya/ ma Arumgimis mo, a’di jin midi yayu/ e mony’cesh yansan mo be.

YOHAAN 19:7

’Kwani Yahuuda/ ki thoḵ a’di gwo mo ki: Aman tana gi gwoŋḵan jin c̱ikunu mo dhali ki gwoŋḵan jin c̱ikunu mo tani a’di ḵa ba/ imidi wu moyi, haali/ a’di kar is piti mmota Ya/ ma Arumgimis mo be.

YOHAAN 20:28

Ṯuuma thoḵ a’di gwo mo ki: Tap̱am pem dhali Arumgimis pem.

YOHAAN 20:31

Hili mii gwansan uni ’kwarkunu mo ki um mini gam gwo is ka Yesus ta’da Ḵrisṯẖos mo, a’di jin ta Ya/ ma Arumgimis mo, dhali ki um mini ṯikir gwo gam is mo dhali ṯikir moŋ’koki/e gam mo e gway piti mo be.

YOHAAN 6:69

Dhali aman gamkina gwo is mo dhali shorkina is mo dhali mish mo mo ki /e ta jan ṯal ’de/ jin ḵogu mo ’peni Arumgimis mo be.

RUUMIYA 1:4

Dhali a’di ṯoru eya tente/ ki a’di ta Ya/ ma Arumgimis mo ki mom’bi’th mo ki gwo gi Shi/in jin ḵogu mo mmopinu a’di mo ’peni mowu mo be.

KURINṮH̱UUS SU/ 1:19

Haali/ Ya/ ma Arumgimis mo jin ta’da Yesus Ḵrisṯẖos mo tani a’di jin c̱ikina aman gwo e bwam um mo tani dhali iSilwaanus dhala Ṯimuṯẖawuus mo dhali aha/ mo tani yisa ta gwo ma Nye mo dhala Yisa mo, hili eya Yesus mo tani isa yempa/ mo tani a’di ta gwo ma Nye mo be.

IBRANIYIIN 7:3

A’di di’d ki dar gi com mo, walla kum si’da/ mo, walla dar gi gwo jin beledhu gom emen piti mo, dhali a’di si’da/ dara’d gi mo ’pena tee ga muŋ’kup̱ mo walla ’pemen gi mondiki/em piti mo, hili a’di wana e ki Ya/ ma Arumgimis mo mmoṯikirkina a’di di mo mmota agasiis ki sule/ sule/ mo be.

YOHAAN ’DE/ 2:23

A’din ’deŋ kamu/ jin waṯki Ya/ mo tani a’di diki ta ga Ababa mo. A’di jin piki gwo gom Ya/ mo tani a’di ta’d ga Ababa mo si’da/.

YOHAAN ’DE/ 3:8

A’di jin di’d mo mmomii miinthus mo tani a’di ta ji gi tap̱a ma ruma ’cesh mo, haali/ tap̱a ma ruma ’cesh a’di miiki miinthus ’peni ka muŋ’kup̱ mo. A’di ta ’kup̱ gwo jin ṯoru Ya/ ma Arumgimis eya tente/ mo mmo’ce’d mii gi tap̱a ma ruma ’cesh sho’k mo be.

YOHAAN ’DE/ 4:9

Dhali e mii yan kan mo tani mo/en ma Arumgimis a’di ṯorkunu eya tente/ e bwam ana mo, ka Arumgimis hashki Ya/m pitin ’de/ mo e mony’cesh mo, wakan ki ana mina ’ko e a’di mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

YOHAAN SU/ 1:9

Macin ’de/ jin ya’di ṯwa/a/ mo dhali diki c̱a’b e gwo ma Ḵrisṯẖos mo tani a’di diki ta ga Arumgimis mo. A’di jin c̱a’bki’d e gwo ma Ḵrisṯẖos mo tani a’di ta’d ga Baba mo dhali Ya/ mo be.

GWO JIN ’CEENU MO 2:18

Dhali eya man’doyu gwo ma ḵaniisa gi Pan Ṯẖiyatira mo tani ’kwari gwo mo ki: Gwo jin ta ji gi Ya/ ma Arumgimis mo, a’di jin ta gi e jin shwa’d ka le’dan o’d ki bar bar mo dhali a’di jin wana ’basho’k ka koroḵ mo.