YOHAAN 1:3 - Uduk New Teatament and OT Portions

³ Aris to ’baar mo ’kokunu mo mmo/uḵ ki a’di mo dhali ton ṯal ’deŋ kamu/ yisa di’da jin uḵu ki dar gi a’di mo.

YOHAAN 1:3 Iomraidhean Croise

ṮAKWIIN 1:1

Ka muŋ’kup̱ mo tani Arumgimis uḵki momis dhali mony’cesh mo.

ṮAKWIIN 1:26

Dhali yan’ko’d Arumgimis ki o gwo mo ki: Dhalki ana uḵa wathi/ en’thi/ mo ki jamas bana mo, mmowa e ki jamas bana mo, dhali dhalki uni ta gi mom’bi’th mo ap̱o/ yi’de/ kun ’kon e bwaŋ ḵumma/ yi’de/ mo, dhali ap̱owa ris ’dii kun p̱en e mis mo, dhali ap̱o/ bip̱ mo, dhali ap̱owa ris mony’ceshi ’baar mo, dhali ap̱owa ris to/e kun parana ’cesh mo, uni kun parkin ap̱o/ mony’cesh mo.

GWAY GI IDAWUU’D 102:25

’Peni kadhamo/ mo tani /e ’thiki moŋḵa’b gi mony’cesh mo, dhali momis a’di ta mii ki me’d pini mo.

GWAY GI IDAWUU’D 33:6

Ki gwo gi Tap̱a mo tani momis uḵkunu mo dhali aris to kun ’koni bwaman uni ki shi/in jin shi/ini’d ’peni ’twam piti mo.

YOHAAN 1:10

A’di diki’d e mony’cesh mo dhali ’kwaniny’cesh uḵkunu ki a’di mo tani hili a’di ’kona ’kwaniny’cesh ki nyiṯẖ mo be.

YOHAAN 1:2

A’di diki’d ’peni ka muŋ’kup̱ nyaḵka Arumgimis mo be.

KURINṮH̱UUS ’DE/ 8:6

hili gom ana mo tani Arumgimis ṯal ’de/ mo a’di jin ta’da Baba mo dhali ’peni a’di mo tani aris to ’baar mo ’kokin mo dhali gom a’di mo tani ana ’kokina mo, dhali Tap̱an ’de/ mo jin ta’da Yesus Ḵrisṯẖos mo dhali e a’di mo tani aris to ’baar mo ’kokin mo dhali e a’di mo tani ana ’kokina mo be.

EP̱ASUS 3:9

dhali mmodhala ris ’kwani ’baar mo mmop̱ar e mo a’di yan jin ṯi’thkunu mo ki jim bag mo mmoba’kkunu a’di ki yil ka ris mo eya Arumgimis jin uḵki’da ris to ’baar mo be.

IBRANIYIIN 11:3

Ki moŋgam gwo is mo tani ana mishkina gwo ’ban mo ki mony’cesh uḵkunu ki gwo ma Arumgimis mo, wakan ki a’di jin p̱arkunu e mo tani uḵkunu ki to kun ’koki piyu/ is ka pije/ mo be.

YOHAAN ’DE/ 5:1

Aris ’kwani ’baar ka ’deṯe/ ’deṯe/ kun gamki gwo is mo ka Yesus ta’da Ḵrisṯẖos mo tani uni ita uc̱i ma Arumgimis mo dhali aris ’kwani ’baar ka ’deṯe/ ’deṯe/ kun enki a’di jin dho’thki’d mo tani enki a’di jin dho’thkunu si’da/ mo be.

GWO JIN ’CEENU MO 3:14

Dhali eya man’doyu gwo ma ḵaniisa gi Pa Lawudikiyya mo tani ’kwari gwo mo ki: Gwo gi a’di ma Amen mo, a’di jin ta isiŋ gana/ mo dhali jin ta’da man/o gwo jin ta jiŋ gana/ mo, jin ta mo ma muŋ’kup̱ me’d jin uḵkin ma Arumgimis aris to mo be, mmo/o gwo mo ki:

GWO JIN ’CEENU MO 4:11

/E a’di ha me’d mo, Tap̱am bam mo dhali Arumgimis bam mo mmobu’th monyca mo dhali montaḵ mo dhali mom’bi’th mo haali/ /e uḵkina ris to ’baar mo dhali ki bwam pini mo tani uni ’kokin mo dhali uni ’konu mmo/uḵ mo be.