YOHAAN 1:21 - Uduk New Teatament and OT Portions

²¹ Dhali uni ki doṯ a’di gwo mo ki: Ba /e tana ja sa/? /E tana Iliyya ’taa? A’di ki o gwo mo ki: Aha/ tana a’di yisa. Dhali uni ki o a’di gwo mo ki: I/e tana manc̱i gwo de? Dhali a’di ki thoḵ uni gwo mo ki: Yisa.

YOHAAN 1:21 Iomraidhean Croise

MAṮṮA 11:14

Dhali waḵki/ um ona bwa ki bu’th a’di mo tani a’di ta’da Iliyya jin midi p̱u’du/ mo be.

MAṮṮA 16:14

Dhali uni ki thoḵ a’di gwo mo ki: Kun tiya on ka Yohaan jin ta’da manmiiya mii ki yi’de/ mo. Dhali kun tiya on ki Iliyya mo. Dhali kun tiya on ka Irmiya mo walla jan ’de/ ’peni imanc̱i gwo ma Arumgimis kadhamo/ mo be.

MAṮṮA 21:11

Dhala waambuhany ’kwani o gwo mo ki: Yansan ta’da Manc̱i Gwo jin ta’da Yesus ’peni Pa Naasira gi Pany Jaliil mo be.

LUUKA 1:17

dhali a’di midi ya mbwambori a’di ki shi/in mo dhali gi mom’bi’th ma Iliyya mo, mmoṯuka du gi icom ki uc̱i mo, dhali uni gun ushi gwo ha e mo e moyuḵ gi uni gun miin ka ḵar/e mo, mmothoson ’kwani is mo gom Tap̱a mo, ’kwani kun thosonkunu mo be.

YOHAAN 1:22

Dhali yan’ko’d uni ki o a’di gwo mo ki: Ba ki /e tana jaye? Dhalki aman mina mii tagi gwon thoḵ gom uni gun hashki aman mo. Ata ona /e gwo gom is pini kan mo sa/?

YOHAAN 1:25

Dhali uni doṯki a’di gwo mo ki: Katinta imiikina /e ’kwani ki yi’de/ mo waḵki/ /e diki ta aḴrisṯẖos mo walla Iliyya mo walla amanc̱i gwo mo?

YOHAAN 6:14

Dhali ki ’kwani p̱arki miimer e mo jin miikina a’di mo tani uni o gwo mo ki: Wathi/ yansan ka jiŋ gana/ ta’da manc̱i gwo mo a’di jin midi yayu/ i mony’cesh mo be.

YOHAAN 7:40

Ki uni ciḵki gwo gwansan mo tani ’kwanin tiya o gwo mo ki: Wathi/ yansan ta’da manc̱i gwo ma Arumgimis ka jiŋ gana/ mo be.