YOHAAN 1:18 - Uduk New Teatament and OT Portions

¹⁸ Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 1:18 Iomraidhean Croise

ṮAKWIIN 16:13

Dhala yim yerki gway gi Tap̱a jin ṯorki a’di gwo mo ki: /E tana Arumgimis jin mishi mo mo, haali/ ayim ki o gwo mo ki: A/aha/ ka jiŋ gana/ mishkina Arumgimis mo dhali aha/ dina ki e mo naskina/ ’ko’di aha/ mishkina a’di mo ’taa?

ṮAKWIIN 18:33

Dhali Tap̱a yaki bway piti mo me’d jin thimkina a’di gwo ṯor ka Ibrahiim mo. Dhala Ibrahiim doḵki’d ka nyaŋ’ko’d mo e mom piti mo be.

MAṮṮA 11:27

Aris to ’baar mo c̱ikunu aha/ mo ka Ababam pem mo dhali jan ’deŋ kamu/ yisa di’da jin mishki Ya/ mo hili isi ciki/ Ababa mo, dhali jan ’deŋ kamu/ yisa di’da jin mishki’da Ababa mo hili isi ciki/ a’di jin ta Ya/ mo dhali ma a’din ’de/ yin jin mina Ya/ ikwany mo tani mina a’di iṯor eya tente/ mo be.

LUUKA 10:22

Aris to ’baar mo c̱ikunu aha/ mo ka Ababam pem mo, dhali wathiŋ kamu/ yisa mishi mo mo ki Ya/ a’di ta’da aja mo, hili isi ciki/ Ababa mo be, walla Ababa a’di ta’da aja mo, hili isi ciki/ Ya/ mo dhali ma a’din ’de/ yin jin mina Ya/ ikwany mo tani mina a’di iṯor a’di i e mo be.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 12:41

Ishaya oki gwo yansan haali/ a’di mishki monycam piti mo dhali o gwo gom a’di mo be.

YOHAAN 13:23

Jan ṯal ’de/ ’peni imanciḵ a’di gwo mo a’di jin enkin ma Yesus mo mmo/ishkina a’di ki ’dishe/ eya bor ma Yesus mo be.

YOHAAN 14:9

Yesus ki o a’di gwo mo ki: Aha/ dina i /e ki rash rash kan mo dhali dina /e ki mish aha/ naskina/ P̱ilibbus? A’di jin p̱arki aha/ e mo tani p̱arki’da Baba e mo. Ba kata ona /e ki: Ṯor am Ababa i e mo?

YOHAAN 17:26

Aha/ ṯorkina uni gway pini i e mo dhali aha/ mina kar a’di eya tente/ mo, ki mo/en c̱aan jin enkina /e aha/ mo tani midi di e uni mo dhali aha/ e uni mo be.

YOHAAN 17:6

Aha/ ṯorkina gway pini eya tente/ e ’kwaniny’cesh mo, uni gun c̱ikina /e aha/ ’peni ’kwaniny’cesh mo. Uni ta kum pini mo dhali /e c̱iki uni aha/ mo dhali uni dhuki gwom pini mo be.

YOHAAN 3:11

Ka jiŋ gana/, ka jiŋ gana/, aha/ ṯora /e gwo mo ki: Haali/ aman ṯora gwo gi to jin misha aman mo dhali ṯor gwo gi to jin p̱ara aman e mo. Hili um ’koki bu’th gwo jin ṯora aman mo be.

YOHAAN 6:46

Wathin ṯal ’deŋ kamu/ yisa di’da jin p̱arki’da Baba e mo, hili isi ciki/ jasi a’di jin ta ji ’peni Arumgimis mo, a’di mishki’da Baba mo be.

KURINṮH̱UUS SU/ 4:4

E ’kup̱ miim buni yan mo tani arum gi mony’cesh yan jin luŋa uni mo tani dha’bki uni adum buni e mo uni gun daran gi gwo jin gamu is mo, mmonon uni ’peni mmop̱ar moŋkush gi gwom ’borga/ e mo jin ta monyca ma Ḵrisṯẖos mo, a’di jin nyaḵki’da nyaḵ ka Arumgimis mo be.

KULUSSI 1:15

A’di jin bu’thki jamas ma Arumgimis mo, a’di jin molu mish ki e ga ’cesh mo, a’di jin ta’da bwa nyara/ jin ṯwa/a/ ka ris to ’baar mo kun uḵu mo be.

ṮIMUṮH̱AWUUS ’DE/ 1:17

Eya Maliḵ jin di’d ki she/ yil mo, jin midi mol wu mo, dhali jin molu mish ki e ga ’cesh mo, a’di jin ta’da Arumgimis mo jin di’d ’deŋ gana/ mo, a’di minu taḵ mo dhali kar ki ca mo goma sule/ mo dhali ki sule/ ya ye ’ba/ mo. Amen.

ṮIMUṮH̱AWUUS ’DE/ 6:16

a’di jin ta a’di ki is piti a’di ’de/ mo jin dar gi mo jin wunu mo dhali jin c̱a’bki’d mo e moŋkush jin molu ii ’kup̱ki cine/ mo, jin dina wathiŋ kamu/ ṯal ’de/ ki p̱ar e mo ki sule/ sule/ mo walla jin mola wathiŋ kamu/ p̱ar e ki sule/ mo be. E a’di mo tani montaḵ midi di mo dhali mo jin tanu tap̱a midi di ki sule/ sule/ ya ye ’ba/ moonnii. Amen.

YOHAAN ’DE/ 4:12

Wathimpan ’deŋ kamu/ yisa p̱arki’da Arumgimis e mo yisa. Waḵki/ ana ena ka rem ’kup̱ mo tani Arumgimis c̱a’bki’d e ana mo dhali mo/en piti thimkunu e ana mo be.

YOHAAN ’DE/ 4:20

Waḵka ciŋ kamu/ jin midi o gwo mo ki: Aha/ ena Arumgimis mo, dhali shi/a kam piti i e mo tani a’di ta’da ṯor mo, haali/ a’di jin diki ena kam piti mo tani a’di jin p̱arkina a’di e mo tani a’di mol ena Arumgimis mo ki a’di jin dina a’di ki p̱ar e mo be.

YOHAAN ’DE/ 4:9

Dhali e mii yan kan mo tani mo/en ma Arumgimis a’di ṯorkunu eya tente/ e bwam ana mo, ka Arumgimis hashki Ya/m pitin ’de/ mo e mony’cesh mo, wakan ki ana mina ’ko e a’di mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.