YOHAAN 1:16 - Uduk New Teatament and OT Portions

¹⁶ Dhali ’pena ’tu’d piti mo tani ana ’baar bu’thkina ’the mo mmomara ’the is mo be.

YOHAAN 1:16 Iomraidhean Croise

GWAY GI IDAWUU’D 84:7

Uni iikin ki mo jin ’bithu is mo itagi mo jin ’bithu is mo. Arumgimis jin bol tiya e ki ’bor mo tani a’di iminu mish mo eya Sihyuun mo.

MAṮṮA 13:12

Haali/ e a’diyin jin ta’d gi nyanye/ mo tani minu c̱i a’di ki nyanye/ mo be dhali a’di midi ta gi a’di jin ishki’d ka enthus mo. Dhali hili ’peni a’diyin jin dara’d mo tani hili me’d jin tana a’di gi a’di mo tani minu bu’th ’peni a’di mo be.

MAṮṮA 3:11

Aha/ miikina um ki yi’de/ gom mo gi minu rica du is mo, hili a’di jin midi yayu/ i’ko’di aha/ mo tani a’di ca’d ki aha/ mo dhala p̱p̱am piti mo tani aha/ dinaki ha me’d mo mmoḵal uni mo. Hili a’di midi mii um ki Shi/in Dheleladhelel mo dhali ki o’d mo be.

MAṮṮA 3:14

Yohaan a’di ur a’di gwo mo mmo/o gwo mo ki: Aha/ mina mii ta gi mo gi miinuwa mii ki yi’de/ ki /e mo dhali /e p̱u’dkini aha/ kan mo ’taa?

LUUKA 21:15

haali/ aha/ mina c̱i um ’twa/ mo dhali moyuḵ mo a’di jin mina jan ’deŋ kamu/ ’peni uni kun ta ’kup̱ ki um mol roc̱ mo walla ’ce’d uma p̱o/ mo be.

YOHAAN 3:34

Haali/ a’di jin hashkin ma Arumgimis mo tani a’di ṯorki gwo ma Arumgimis mo haali/ a’di diki c̱i a’di Shi/in me’d jin baru to mo.

RUUMIYA 5:17

Waḵki/ gwon dhiŋ gi wathin ’de/ ḵalki wu mo jin seki’d ap̱o/ mo gom wathin ’de/ yan tani bakata beseene/ mmina uni se ap̱o/ mo e moŋ’koki/e mo ki wathin ’de/ yan jin ta’da Yesus Ḵrisṯẖos mo, uni gun bu’thkina ’the jin ishki’d ka enthus mo dhali to jin c̱inu ki me’d ki mo ma ḵar/e mo.

RUUMIYA 5:2

Dhali e a’di si’da/ ana takina ki bway mo eya ’the yansan mo jin doshkina ana nycine/ mo be. Dhali ana ’kunya bwa mo e mo ma ’teŋ kap̱em bana gi monyca ma Arumgimis jin pwaḵkunu ana bwa mo be.

RUUMIYA 5:20

Dhali yan’ko’d gwoŋḵan jin c̱inu mo a’di p̱u’dki’d mo jin mina gwon dhaŋ imar is mo. Dhali hili me’d jin markina miinthus is mo tani a’the ishki’d ki nyanye/ mo be.

RUUMIYA 8:9

Hili um ’koki ’ko e shuman gi buŋgwar is mo. Um ’kon e Shi/in mo be waḵki/ Shi/in ma Arumgimis ka jiŋ gana/ di’d e um mo. Wathi/ jin dara’d gi Shi/in ma Ḵrisṯẖos mo tani a’di diki ta jim piti mo be.

EP̱ASUS 1:23

a’di jin ta buŋgwar is piti mo, gom mon’tu’d piti jin ’tu’dkina a’di a’tu’di ’baar mo be.

EP̱ASUS 3:19

dhali mmomish mo/en ma Ḵrisṯẖos mo, a’di jin bolki mo jin nyiṯẖuwa nyiṯẖ e mo ki um minu ’taki ’tu’d mo ka ris mo ma Arumgimis jin ’tu’da a’di a’tu’d mo be.

KULUSSI 1:19

Haali/ e a’di mo tani arisa ’tu’d kun ta ku ma Arumgimis mo tani ’borkina bwa mo mmota gi moŋ’ko mo be.

KULUSSI 2:3

E a’di mo tani aris moyuḵ kun ishki ḵumma/ mo dhali mo jin nyiṯẖuwa nyiṯẖ mo be.

BUṮERUS ’DE/ 1:11

Uni doṯkina doṯ mo goma ci en’thiŋ kamu/ mo walla mo mo jin ṯorkina Shi/in ma Ḵrisṯẖos jin di’d e uni mo me’d jin ṯorkunu gwo nṯwa/a/ mo gom isa nyor ma Ḵrisṯẖos mo dhali monyca jin midi di ŋ’ko’d mo be.

BUṮERUS ’DE/ 1:2

uni kun kwanykunu mo dhali kun ’kawurkin ma Arumgimis jin ta’da Baba mo dhali kun dhagamkunu mo ki Shi/in mo gom gwo jin hana uni e mo eya Yesus Ḵrisṯẖos mo dhali goma bas piti jin ḵukuski’d mo. Dhalka ’the dhali moŋḵu’th is minu mar is gom um mo.