YOHAAN 1:15 - Uduk New Teatament and OT Portions

¹⁵ (Yohaan a’di ṯorki gwo gom a’di mo dhali cuu gwo mo ki: Wathi/ yansan a’di ta jin ṯorka/ um gwo mo ki: A’di jin midi p̱u’du/ i’ko’di aha/ mo tani a’di icaki’d ki aha/ mo haali/ a’di diki’di ṯwa/a/ ki aha/ mo be.)

YOHAAN 1:15 Iomraidhean Croise

MAṮṮA 3:11

Aha/ miikina um ki yi’de/ gom mo gi minu rica du is mo, hili a’di jin midi yayu/ i’ko’di aha/ mo tani a’di ca’d ki aha/ mo dhala p̱p̱am piti mo tani aha/ dinaki ha me’d mo mmoḵal uni mo. Hili a’di midi mii um ki Shi/in Dheleladhelel mo dhali ki o’d mo be.

MARKUS 1:7

Dhali a’di c̱iki gwo mo mmo/o gwo mo ki: Ŋ’ko’di aha/ mo tani jamu/ midi p̱u’du/ mo jin ca’d ki aha/ mo. Dhali wac̱kana p̱p̱am piti mo tani aha/ dinaki ha me’d mo mmoluŋ ki ji luŋ mo dhali ’cuḵ uni mo be.

LUUKA 3:16

Yohaan thoḵki uni ’baar mo gwo mo ki: Aha/ miikina um ki yi’de/ mo tani hili a’di jin ca’d ki aha/ ki caŋ gana/ mo midi yayu/ mo be. Dhali wac̱kana p̱p̱am piti mo tani aha/ dinaki ha me’d mo mmo’cuḵ uni mo. A’di midi mii um ki Shi/in Dheleladhelel mo dhali ki o’d mo be.

YOHAAN 1:27

Isi a’diyini jin midi yayu/ i’ko’di aha/ mo, dhali wac̱kana p̱p̱am piti mo tani aha/ dinaki ha me’d mo mmo’cuḵ uni mo be.

YOHAAN 17:5

Dhali shwane/ Ababa, kari /e aha/ ki ca e buŋ’kus pini mo ma, a’di jin ta monyca jin nyaḵka/ ki /e nṯwa/a/ ki mony’cesh yansan dinuki uḵ mo be.

YOHAAN 8:58

Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Nṯwa/a/ ka Ibrahiim diki di mo tani aha/ dikina mo be.

KULUSSI 1:17

A’di diki’di ṯwa/a/ ka ris to ’baar mo, dhali e a’di mo tani aris to ’baar mo tulkunu ’twa/ ’kup̱ mo e a’di mo mmonṯal ’de/ mo be.

IBRANIYIIN 13:8

Yesus Ḵrisṯẖos ta a’di ma tili/ mo dhali ji gi shwane/ mo dhali gom ki sule/ sule/ mo, a’di jin diki war mo.

GWO JIN ’CEENU MO 1:11

mmo/o gwo mo ki: ’Kwari ma a’di jin p̱arkina /e e mo eya warka/ mo dhali hashki a’di ka ḵaniisa gun ’koni pesu/ mo e Pan Ep̱asus mo dhali e Pan Simirna mo dhali e Pam Bargaamus mo dhali e Pan Ṯẖiyatira mo dhali e Pan Sardis mo dhali e Pam P̱iladalp̱iya mo dhali e Pa Lawudikiyya mo.

GWO JIN ’CEENU MO 2:8

Dhali eya man’doyu gwo ma ḵaniisa gi Pan Simirna mo tani ’kwari gwo mo ki: Gwo gwansan ta ku gi a’di jin ṯwa/a/ mo dhali jiŋ ’ko’d mo gom a’di jin wuki’d mo dhali a’di jin p̱u’dki’d mo mmodi ki e mo, mmo/o gwo mo ki: