YOHAAN 1:14 - Uduk New Teatament and OT Portions

¹⁴ Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 1:14 Iomraidhean Croise

GWAY GI IDAWUU’D 2:7

Aha/ mina ṯor gwoŋḵan gi Tap̱a mo: A’di ta gwo jin ona a’di aha/ mo ki: /E ta Ya/m pem mo, shwane/ aha/ dho’thkina /e mo.

GWAY GI IDAWUU’D 45:2

/E ta a’di jin onu bwa ki nyanye/ ki iya/ gi ’kwani mo. A’the a’di wolkunuwa p̱owa le’d pini mo. Wakan Arumgimis ’borki /e mii ki sule/ sule/ mo.

GWAY GI IDAWUU’D 85:9

Ka jiŋ gana/ bway mowoṯẖ piti a’di diki’d e me’d mo gom uni gwansan kun ḵo/ki a’di mo ki monyca midi di e bampam bana mo.

MAṮṮA 1:16

Dhala Yakuub ta’da baba ma Yuusup̱ jin ta’da kaṯẖ ma Mariyam mo, Mariyam jin dho’thki’da Yesus mo, a’di jin yuḵkunu gway ka Ḵrisṯẖos mo be.

LUUKA 2:11

Haali/ ka tee yansan mo tani Amanwoṯẖ jin ta Tap̱a Ḵrisṯẖos a’di dho’thkunu mo gom um e Pan Dawuu’d mo be.

LUUKA 2:7

Dhali ayim dho’thki’da bwa nyaram piti jin ta ya/ mo. Dhali a’di ki ’tam a’di is ki burrinye/ dhali ’thi a’di eya kaḵ bip̱ mo haali/ mo p̱iyi’d gom uni e gu’b yilkina/ mo be.

LUUKA 9:32

Buṯerus dhali uni gwansan kun nyaḵki ’ko ki a’di mo tani uni ’ce’da e is mo hili uni ’kokin mo mmorash e mer mo dhali uni p̱arki monycam piti e mo dhali ’kwani su/ gwansan kun doshkin mo nyaḵki a’di mo be.

YOHAAN 1:1

Ka muŋ’kup̱ tani Gwo diki’d dhali Gwo di’d eya Arumgimis mo dhali Gwo ta’da Arumgimis mo be.

YOHAAN 11:40

Yesus ki owa yim gwo mo ki: Dika/ ki ṯor /e gwo mo waḵki/ /e mini ’taki gam gwo is mo tani /e mini ’taki p̱ar monyca ma Arumgimis e mowa?

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 14:9

Yesus ki o a’di gwo mo ki: Aha/ dina i /e ki rash rash kan mo dhali dina /e ki mish aha/ naskina/ P̱ilibbus? A’di jin p̱arki aha/ e mo tani p̱arki’da Baba e mo. Ba kata ona /e ki: Ṯor am Ababa i e mo?

YOHAAN 17:22

Dhali monyca yin jin c̱ikina /e aha/ mo tani aha/ c̱ikina uni a’di mo ki uni mini ṯal ’de/ mo isi me’d ana mmoṯala ana ’de/ mo be.

YOHAAN 17:24

Ababa, aha/ ona bwa si’dayi ki uni gwansan kun c̱ikina /e aha/ mo mini nyaḵ ’ko ki aha/ mo e mo yin jin miga/ di mo, mmop̱ar monycam pem e mo, a’di jin c̱ikina /e aha/ mo ki mo/en pini gom aha/ mo nṯwa/a/ ki mony’cesh yan dinuki ḵa’b mo be.

YOHAAN 18:37

Bilaaṯus ki thoḵ a’di gwo mo ki: Ba /e be itana maliḵ mo ’te/ ise be. Yesus ki thoḵ gwo mo ki: /E be i/on ki aha/ tana amaliḵ mo be. Haali/ gom ’kup̱ mii yan mo tani aha/ dho’thkunu mo dhali gom ’kup̱ mii yan mo tani aha/ p̱u’dkina e ’kwaniny’cesh mo mmoṯor gwo ki gwoŋ gana/ mo. Aris ’kwani ’baar mo ka ’deṯe/ ’deṯe/ uni gun ta ’kwani gi gwoŋ gana/ mo tani uni ciḵki ’twam pem mo be.

YOHAAN 2:11

Mii yansan a’di ta miimer jin ṯwa/a/ jin miikin ma Yesus e Paŋ Kaana gi Pany Jaliil mo dhali a’di ki ṯor monycam piti eya tente/ mo, dhali imanciḵ a’di gwo gamki gwo is e a’di mo be.

YOHAAN 3:16

Haali/ Arumgimis enki ’kwaniny’cesh kagahara tani a’di c̱ikina a’di Ya/m piti jin di’d ṯal ’de/ mo, ki a’diyin jin midi gam a’di gwo is mo tani midi ’taki diki this e mo hili midi ta gi mondiki/e ki sule/ sule/ ya ye ’ba/ mo.

YOHAAN 3:18

A’diyin jin gam a’di gwo is mo tani yisa waḵuwa, hili a’diyin jin diki gam gwo is mo tani a’di waḵkunu hila/ mo be haali/ a’di diki gam gway gi Ya/ ma Arumgimis jin di’d ṯal ’de/ is mo.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

YOHAAN 8:32

Dhali um mini mish gwoŋ gana/ mo. Dhali gwoŋ gana/ midi dhu um ki ’kus mo be.

MII GUN MIINU MO 13:33

ka Arumgimis ’baarki mii yansan e ana gom uc̱im bana mmo’de’kkina a’di aYesus mo be. Me’d jin ’kwarkunu mo si’da/ ka Masmuuri su/ mo ki: /E ta Ya/m pem mo. Ka cim yansan jin karka/ /e mmodi e aha/ mmotaya/ Ya/um mo.

RUUMIYA 8:3

Haali/ Arumgimis ’baarki a’di jin mola gwoŋḵan jin c̱inu mii mo haali/ a’di ’ka’da’d mo e buŋgwar is mo mmohashkina a’di Ya/m pitiŋ gana/ mo e jamas gi buŋgwar is gi miinthus jin shi/ashi/ mo dhali gom miinthus si’da/ tani a’di waḵki miinthus e buŋgwar is mo be.

RUUMIYA 9:5

E uni a’di icil ma idhana baba mo dhali ’pena yi’c buni isi ki buŋgwar is mo tani a’di nta’da Ḵrisṯẖos jin diki’da p̱o/ aris to ’baar mo, a’di jin ta’da Arumgimis jin ’boru mii ki sule/ sule/ ya ye ’ba/ nnii mo. Amen.

KURINṮH̱UUS ’DE/ 15:47

Wathi/ jin ta jin ṯwa/a/ mo tani a’di ta jany ’cesh mo, wathi/ jin cila bu’d mo. Dhali wathi/ jin ta jiŋ ’ko’d mo tani a’di ’peni momis mo be.

KURINṮH̱UUS SU/ 12:9

Hili a’di ki o aha/ gwo mo ki: A’them pem a’di ’koshi jwa mo gom /e mo haali/ mom’bi’th pem a’di nyo/u mo ki nyo/ gana/ e mo is jin ’ka’da’ka’d mo. Aha/ mina bwa ’kuny ki nyanye/ kagahara ’baar mo mmokar ’ba/ ki ca mo e mom pem kun ’ka’dka/ is mo ki mom’bi’th ma Ḵrisṯẖos midi c̱a’ba p̱o/ aha/ mo be.

GALATHIYYA 4:4

Hili ka tee p̱u’dki’d mo mmothimkunu a’di mo tani Arumgimis hashki Ya/m piti mo, a’di jin dhodhu ’pena ’bom mo dhali a’di jin dho’thkunu mo e bwaŋ’kwariny gwoŋḵan jin c̱inu mo be, mmowan uni gwansan ’ba/ mo, uni kun ’kokin mo e bwaŋ’kwariny gwoŋḵan jin c̱inu mo,

EP̱ASUS 3:8

E aha/ mo tani ba aha/ itana a’di jin p̱isap̱is mo eya ris uni kun dhunu ki she/ mo tani a’the yansan c̱ikunu aha/ mo mmoc̱i gwo e ’kwani kun ’koki ta ’Kwani Yahuuda/ mo, mo jin tan ma Ḵrisṯẖos pa ki pa mo jin molu deŋ e mo

KULUSSI 1:19

Haali/ e a’di mo tani arisa ’tu’d kun ta ku ma Arumgimis mo tani ’borkina bwa mo mmota gi moŋ’ko mo be.

KULUSSI 2:3

E a’di mo tani aris moyuḵ kun ishki ḵumma/ mo dhali mo jin nyiṯẖuwa nyiṯẖ mo be.

KULUSSI 2:9

Haali/ e a’di mo tani mon’tu’d ka ’bimpil mo jin ta ji ma Arumgimis mo mmotana a’di Arumgimis mo tani c̱a’bki’d e buŋgwar is piti mo.

ṮIMUṮH̱AWUUS ’DE/ 3:16

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

IBRANIYIIN 1:3

A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

IBRANIYIIN 1:5

Haali/ eya man’doyu gwo jana sa/ i/on ma Arumgimis gwo mo me’d ’de/ mo ki: /E ta Ya/m pem mo, shwane/ aha/ dho’thkina /e mo? walla doḵ/e, Aha/ mina ta a’di com mo, dhali a’di midi ta aha/ ya/um mo?

IBRANIYIIN 10:5

Haali/ a’di gi wakan mo tani, ka Ḵrisṯẖos p̱u’dki’d e mony’cesh yan mo tani a’di ki o gwo mo ki: To kun ’ciṯẖu/ ’kus mo mmomiiya bas mo dhali to gun c̱inu mo tani /e dina bwa ki o ki a’di mo, hili buŋgwar is mo tani /e thosonki a’di gom aha/ mo be.

IBRANIYIIN 2:11

Haali/ a’di jin dhagamki’da dhagam mo dhali uni gwansan kun dhagamkunu mo tani uni takin gi mo ma ṯel ’pen jin ta’da ’kaŋ’kup̱ mo. A’di ḵa ba/ idina is ki ’the a’di mo mmoyuḵ uni ki iwaḵ piti mo,

IBRANIYIIN 5:5

Wakan si’da/ aḴrisṯẖos diki kar is pitiŋ gana/ ki ca mo mmominu kar a’di ka gasiis jin ca’d mo, hili a’di karkunu ’pen ka pije/ mo ki a’di jin oki gwo e a’di mo ki: /E ta Ya/m pem mo. Shwane/ aha/ dhotha /e mo.

YOHAAN ’DE/ 4:14

Dhali ana mishkina mo mo dhali ta iman/o gwo mo goma Baba mo mmohashkina a’di Ya/m piti mo mmota Amanwoṯẖ gom ’kwaniny’cesh mo be.

YOHAAN ’DE/ 4:9

Dhali e mii yan kan mo tani mo/en ma Arumgimis a’di ṯorkunu eya tente/ e bwam ana mo, ka Arumgimis hashki Ya/m pitin ’de/ mo e mony’cesh mo, wakan ki ana mina ’ko e a’di mo be.

YOHAAN SU/ 1:7

Haali/ ’kwani ka ris kun he’kkina he’k e mo tani iikin ka pije/ mo e mony’cesh mo, ’kwani kun ’koki pi gwo mo gom mo jin yayin ma Yesus Ḵrisṯẖos ki buŋgwar is mo. A’din ’de/ gi wakan mo tani ita’da he’k e mo dhala Ḵrisṯẖos jin diki ta jiŋ gana/ mo.

GWO JIN ’CEENU MO 19:13

A’di hi’thkunu is ki burrinyen turga/ mo jin ’thup̱kunu is ka bas mo dhali gway gi a’di jin yuḵkunu a’di mo tani a’di ita Gwo ma Arumgimis mo be.

GWO JIN ’CEENU MO 21:3

Dhali aha/ ciḵkina dhan ’twa/ ’pena ḵursi ma maliḵ mo mmo/o gwo mo ki: Hili mo mo ma, monyc̱a’b ma Arumgimis diki’d nyaḵki ’kwani mo. A’di midi nyaḵ c̱a’b ki uni mo dhali uni mini ta ’kwanim piti mo, dhali Arumgimis ki is piti, a’di midi nyaḵ di e uni mo dhali a’di midi ta uni Arumgimis buni mo.