YOHAAN 1:13 - Uduk New Teatament and OT Portions

¹³ Uni gun dhodhu ’pena bas yisa, walla ’peni bwa gi buŋgwar is yisa, walla ’peni bwa wathi/ yisa, hili ’peni Arumgimis mo be.

YOHAAN 1:13 Iomraidhean Croise

ṮAKWIIN 25:22

Dhali uc̱i su/ gwansan uni gurunyki is e bwa ma yim mo, dhali ayim ki o gwo mo ki: Waḵki/ a’di wakan mo tani, ata si’da/ idika/ ki e mo? Gom gwo gi wakan mo tani ayim yaki’d mo dhali ’theḵ gwo yan e Tap̱a Arumgimis mo.

ṮAKWIIN 25:28

Is/hak enki’da Iisu mo haali/ a’di ’kaki shum piti kun parkina a’di mo. Hila Rip̱ka enki’da Yakuub mo be.

ṮAKWIIN 27:33

Yan’ko’d a/Is/hak a’di dekina is ki bir bir ki ’bi’th mo, dhali o gwo mo ki: Kaja sa/ yaki’d mo mmopar mo dhali ’koshi tombwaasho mo dhali ḵali aha/ shum mo, dhali aha/ ’kakina a’di ’baar mo nṯwa/a/ ki /e diki p̱u’du/ mo dhali aha/ ’borkina a’di mii mo? Nye a’di minu mii ’bor mii mo.

ṮAKWIIN 27:4

Dhali thosoni shum jin ’kunya’kuny gom aha/ mo, a’di jin enka/ mo dhali ḵali a’di ki aha/ ki aha/ mina shwa a’di mo dhali ’bor /e mii nṯwa/a/ ki aha/ dinaki wu mo be.

GWAY GI IDAWUU’D 110:3

’Kwanim pini mini c̱i is buni ’baḵany mo ka tee jin mina /e susa waambuhany pini ap̱o/ ’kuwosh kun turatur kun ḵogu mo. ’Peni bwa ma dho’th gi mon’thamo/ mo tani dhuru’c pini jin tana /e midi p̱u’du/ i /e me’d jap̱e/ mo be.

MAṮṮA 3:9

dhali dhalku/ ki ṯel gwo ’pen mo mmo/o gwo mo e is bum ki: Ana tana ga Ibrahiim jin ta’da ababam bana mo. Haali/ aha/ ṯora um gwo mo ka Arumgimis mishi war wosh gwansan mmo’de’k uni mmota uc̱i ma Ibrahiim mo be.

YOHAAN 3:3

Yesus ki thoḵ a’di gwo mo ki: Ka jiŋ gana/, ka jiŋ gana/, aha/ ṯora /e gwo mo ki: Isi ciki/ waḵki/ jan ṯal ’deŋ kamu/ dinuki dho’th ki dho’th this ’peni momis mo tani a’di midi mol se Bampa/ ma Arumgimis mo be.

KURINṮH̱UUS ’DE/ 3:6

Aha/ sikina to mo tani, Abulluus a’di wolki to yi’de/ mo, hili Arumgimis a’di c̱iki mo jin ’twaḵa to mo be.

P̱ILIBBI 2:13

Haali/ Arumgimis umki mii mo e um mo dhali ki bwa jin ta bwa mo dhali ki bwa ma ṯu’c jin ta bwam pitiŋ gana/ mo be.

TIITHUS 3:5

a’di taki ana is ki me’d mo, yisa gom miim ’boro’da kamu/ jin miikina ana ki mii ma ḵar/e mowa, hili ki momiimiim pitiŋ gana/ jin ha me’d mo, ki mii jin lamkunu mo ka dho’th jin dhodhu doḵ/e mo dhali ki mii jin tanu this e Shi/in Dheleladhelel mo tani

YAKUUB 1:18

’Peni bwam pitiŋ gana/ mo tani a’di ki dho’th ana mo ki gwoŋ gana/ mo ki ana mina ta maman kun ṯwa/a/ ’peni mo/uḵ piti mo be.

BUṮERUS ’DE/ 1:23

Um dho’thkunu mo doḵ/e ki dho’th this mo, yisa ’peni emen to jin midi p̱u/ mowa, hili ’peni emen to jin midi mol p̱u/ mo, e a’di jin ta gwo ma Arumgimis jin di’d ki e mo dhali jin midi di ki sule/ mo.

BUṮERUS ’DE/ 1:3

Mom’bor mii midi di mo goma Arumgimis mo dhali Ababa gi Tap̱a Yesus Ḵrisṯẖos bana mo. Ka dhan momiimiim piti mo tani ana ’kokunu mo mmodho’th mo doḵ/e e mo ma ’teŋ kap̱e/ jin di ki e mo ki mompi ma Yesus Ḵrisṯẖos ’peni mowu mo,

BUṮERUS ’DE/ 2:2

Me’d usha ŋam ’pereny kun daḵa dhodhu mo tani oyi bwa mo goma ko mo jin ta to gi shi/in jin dheleli’d mo. Ki a’di mo tani um mini ca mo e bway gi mowoṯẖ mo.

YOHAAN ’DE/ 3:9

Wathin ’de/ jin dhodhu ’peni Arumgimis mo tani a’di diki di mo mmomii miinthus mo, haali/ buyempa ma Arumgimis c̱a’bki’d e a’di mo, dhali a’di mol di mo mmomii miinthus mo haali/ a’di dho’thkunu ’peni Arumgimis mo be.

YOHAAN ’DE/ 4:7

Um gun enu mo, dhalki ana ena ka rem ’kup̱ mo ma, haali/ mo/en ta ji ma Arumgimis mo dhali a’di jin ene’da en mo tani dho’thkunu ’peni Arumgimis mo dhali a’di mishki’da Arumgimis mo be.

YOHAAN ’DE/ 5:1

Aris ’kwani ’baar ka ’deṯe/ ’deṯe/ kun gamki gwo is mo ka Yesus ta’da Ḵrisṯẖos mo tani uni ita uc̱i ma Arumgimis mo dhali aris ’kwani ’baar ka ’deṯe/ ’deṯe/ kun enki a’di jin dho’thki’d mo tani enki a’di jin dho’thkunu si’da/ mo be.

YOHAAN ’DE/ 5:18

Ana misha mo mo ki a’din ’de/ jin dhodhu ’peni Arumgimis mo tani diki di mo mmomii miinthus mo, hili a’di jin dho’thkunu ’peni Arumgimis mo tani karki a’di mo, dhali a’dinthus ’de/ yin diki ta a’di is ki me’d mo be.

YOHAAN ’DE/ 5:4

Haali/ a’diyin jin dho’thkunu ’peni Arumgimis mo tani p̱iki mony’cesh e ki mii mo. Dhali momp̱i mii e a’dan be jin p̱i mony’cesh e ki mii mo jin ta moŋgam gwo is bana mo be.