YOHAAN 1:11 - Uduk New Teatament and OT Portions

¹¹ A’di p̱u’dki’d e kum piti tani dhali ’kwanim piti ’koki bu’th a’di mo be.

YOHAAN 1:11 Iomraidhean Croise

MAṮṮA 15:24

Dhali a’di ki thoḵ gwo mo ki: Aha/ hashkunu mo jasi gom ḵa’bal gi gu’b ma Israyiil kun thiskunu e mo uni ’cena mo be.

LUUKA 19:14

Hili ’kwani gi bampam piti shi/i a’di i e mo dhali hashki a’di ’kwani kun hashu mo mmobaṯẖ a’di isho’k mo mmo/o gwo mo ki: Am ’tena bwa jin mina wathi/ yansan ta tap̱a ap̱o/ am mo be.

YOHAAN 1:10

A’di diki’d e mony’cesh mo dhali ’kwaniny’cesh uḵkunu ki a’di mo tani hili a’di ’kona ’kwaniny’cesh ki nyiṯẖ mo be.

YOHAAN 1:12

Hili aris uni ’baar mo kun bu’thki a’di kun gam gway piti is mo tani a’di c̱iki uni mom’bi’th mo mmowar ki uc̱i ma Arumgimis mo be.

YOHAAN 19:27

Dhali yan’ko’d a’di ki owa manciḵ a’di gwo gwo mo ki: Hili kwan mo ma. Dhali ’peni mo c̱aan mo tani amanciḵ a’di gwo suski’da yim bway gu’b pitiŋ gana/ mo be.

YOHAAN 3:32

A’di ṯorki gwo gom a’di jin p̱arkina a’di e mo dhali gwo jin ciḵkina a’di mo, dhali wathiŋ kamu/ yisa di’da naskina/ jin bu’thki gwo jin ṯora a’di mo be.

MII GUN MIINU MO 13:26

Ikam pema um kun ta uc̱i ma Ibrahiim kun iiyin ’pena tora ’de/ mo dhali um gwan ibwaman um kun ḵo/kina Arumgimis mo tani gwo gom mowoṯẖ yan hashkunu mo gom ana mo be.

MII GUN MIINU MO 13:46

Dhala Buulus dhala Barnaaba o gwo eya tente/ mmo’koki ju/ mo dhali o gwo mo ki: A’di minu mii mii mo ki gwo ma Arumgimis minu mii o i/um nṯwa/a/ mo be. Haali/ um bel a’di ’peni um mo dhali um ’cunycurki is bum mmo/o ki um ’koki ’bor mmota gi moŋ’koki/e ki sule/ ya ye ’ba/ mo tani hili ma, aman ṯuka mo ki ’kwani kun ’koki ta ’Kwani Yahuuda/ mo.

MII GUN MIINU MO 21:6

Dhali aman iikina ap̱oŋ ḵur yi’de/ jin bela ’tham mo hili uni doḵki bway pa ka nyaŋ’ko’d mo be.

RUUMIYA 15:8

Haali/ aha/ ṯora um gwo ka Ḵrisṯẖos warki’d ki c̱iŋkina/ e mo jin ’ciṯẖuwa munyjal yis mo mmoṯora Arumgimis gwoŋ gana/ mo mmothim gwo jin onu is yan jin c̱ikunu idhan ibaba mo be.

RUUMIYA 9:1

Aha/ ona gwoŋ gana/ eya Ḵrisṯẖos mo. Aha/ dinaki ta ṯor mo. ’Twa/ ma dum pem ḵalki aha/ gwo o e Shi/in Dheleladhelel mo

RUUMIYA 9:5

E uni a’di icil ma idhana baba mo dhali ’pena yi’c buni isi ki buŋgwar is mo tani a’di nta’da Ḵrisṯẖos jin diki’da p̱o/ aris to ’baar mo, a’di jin ta’da Arumgimis jin ’boru mii ki sule/ sule/ ya ye ’ba/ nnii mo. Amen.

GALATHIYYA 4:4

Hili ka tee p̱u’dki’d mo mmothimkunu a’di mo tani Arumgimis hashki Ya/m piti mo, a’di jin dhodhu ’pena ’bom mo dhali a’di jin dho’thkunu mo e bwaŋ’kwariny gwoŋḵan jin c̱inu mo be, mmowan uni gwansan ’ba/ mo, uni kun ’kokin mo e bwaŋ’kwariny gwoŋḵan jin c̱inu mo,