YOHAAN 1:10 - Uduk New Teatament and OT Portions

¹⁰ A’di diki’d e mony’cesh mo dhali ’kwaniny’cesh uḵkunu ki a’di mo tani hili a’di ’kona ’kwaniny’cesh ki nyiṯẖ mo be.

YOHAAN 1:10 Iomraidhean Croise

ṮAKWIIN 16:13

Dhala yim yerki gway gi Tap̱a jin ṯorki a’di gwo mo ki: /E tana Arumgimis jin mishi mo mo, haali/ ayim ki o gwo mo ki: A/aha/ ka jiŋ gana/ mishkina Arumgimis mo dhali aha/ dina ki e mo naskina/ ’ko’di aha/ mishkina a’di mo ’taa?

ṮAKWIIN 17:1

Dhali ka Abraam ’koni yili iss ’kwanimpa imudhe’d aṯẖka ’de/ mo tani Tap̱a piki Abraam i is mo dhali oki a’di gwo mo ki: Aha/ tana Tap̱a Arumgimis jin Eḵa/ e ki Eḵ mo. Yayi ki sho’k ibwambori aha/ mo ma dhali tayi ki dar gi mii i’ba/ mo.

ṮAKWIIN 18:33

Dhali Tap̱a yaki bway piti mo me’d jin thimkina a’di gwo ṯor ka Ibrahiim mo. Dhala Ibrahiim doḵki’d ka nyaŋ’ko’d mo e mom piti mo be.

MAṮṮA 11:27

Aris to ’baar mo c̱ikunu aha/ mo ka Ababam pem mo dhali jan ’deŋ kamu/ yisa di’da jin mishki Ya/ mo hili isi ciki/ Ababa mo, dhali jan ’deŋ kamu/ yisa di’da jin mishki’da Ababa mo hili isi ciki/ a’di jin ta Ya/ mo dhali ma a’din ’de/ yin jin mina Ya/ ikwany mo tani mina a’di iṯor eya tente/ mo be.

YOHAAN 1:11

A’di p̱u’dki’d e kum piti tani dhali ’kwanim piti ’koki bu’th a’di mo be.

YOHAAN 1:18

Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 1:3

Aris to ’baar mo ’kokunu mo mmo/uḵ ki a’di mo dhali ton ṯal ’deŋ kamu/ yisa di’da jin uḵu ki dar gi a’di mo.

YOHAAN 1:5

Dhali moŋkush a’di ’twaḵki mondhurumi’d bwa mo dhali mondhurumi’d diki p̱i a’di e mo be.

YOHAAN 17:25

Ayy Ababa jin ta’da ḵar/e mo, ’kwaniny’cesh ’koki mish /e mo, hili aha/ mishkina /e mo, dhali uni gwansan imishkin ki /e a’di ihashki aha/ mo be.

YOHAAN 5:17

Hila Yesus thoḵ uni gwo mo ki: Ababam pem di’d naskina/ mmomiiya ṯu’c mo. Dhali aha/ si’da/ dina mmomiiya ṯu’c mo.

MII GUN MIINU MO 14:17

Dhali hili a’di diki dhal is piti ki dar gi gwonṯor mo haali/ a’di miiki miim ’boron mo dhali c̱i uma sho’k ’peni momis mo dhali yil mo kun dhotha tonṯe/ mo mmo’tu’da uma du ki tonṯe/ mo dhali moŋ’kuny bwa mo.

KURINṮH̱UUS ’DE/ 1:21

Haali/ me’d jin tana yuḵ ji ma Arumgimis mo tani ’kwaniny’cesh ’koki nyiṯẖa Arumgimis ki yuḵ yan ’te/ mo tani a’di ’borki’da Arumgimis bwa mo mmota uni gwansan is ki me’d mo kun gamki gwo is mo eya p̱ali/ gi gwo jin c̱ikina ana uni mo be.

KURINṮH̱UUS ’DE/ 2:8

Itap̱a kun ’koni mony’cesh yan mo tani mishi gwo ’ban gom a’di yan yisa. Waḵki/ uni mini ’taki mish mo tani uni mini ’taki ’koki ’kosh Tap̱a gi monyca ki cwany’ciṯẖan dhul mo be.

KURINṮH̱UUS ’DE/ 8:6

hili gom ana mo tani Arumgimis ṯal ’de/ mo a’di jin ta’da Baba mo dhali ’peni a’di mo tani aris to ’baar mo ’kokin mo dhali gom a’di mo tani ana ’kokina mo, dhali Tap̱an ’de/ mo jin ta’da Yesus Ḵrisṯẖos mo dhali e a’di mo tani aris to ’baar mo ’kokin mo dhali e a’di mo tani ana ’kokina mo be.

KULUSSI 1:16

Haali/ e a’di mo tani aris to ’baar mo ’kokunu mo mmo/uḵ mo e momis mo dhali e mony’cesh mo, uni gun mishu ki e ga ’cesh mo, dhali uni kun molu p̱ar e ki e ga ’cesh mo, waḵki/ adhana ḵursi ma maliḵ mo walla mo jin tanu tap̱a mo, walla mom’bi’th kun molu gadhir mo walla moshirr mo tani – aris to ’baar mo ’kokunu mo mmo/uḵ mo e a’di mo dhali gom a’di mo be.

IBRANIYIIN 11:3

Ki moŋgam gwo is mo tani ana mishkina gwo ’ban mo ki mony’cesh uḵkunu ki gwo ma Arumgimis mo, wakan ki a’di jin p̱arkunu e mo tani uḵkunu ki to kun ’koki piyu/ is ka pije/ mo be.

YOHAAN ’DE/ 3:1

Hili mo/en ma Baba jin c̱ikunu ana mo ki ana minu yuḵ ki uc̱i ma Arumgimis mo. Dhali wakan ana tana uni mo be. A’di ta ’kup̱ gwo jin ’kona ’kwaniny’cesh ki mish ana mo haali/ uni ’koki mish a’di mo be.