YOHAAN 1:1 - Uduk New Teatament and OT Portions

¹ Ka muŋ’kup̱ tani Gwo diki’d dhali Gwo di’d eya Arumgimis mo dhali Gwo ta’da Arumgimis mo be.

YOHAAN 1:1 Iomraidhean Croise

ṮAKWIIN 1:1

Ka muŋ’kup̱ mo tani Arumgimis uḵki momis dhali mony’cesh mo.

GWAY GI IDAWUU’D 45:6

Ḵursim pini a’di ta ji ma Arumgimis jin di’d ki sule/ sule/ mo. Cwa ma maliḵ pini a’di ta cwa jin ’konuki mii mii ka gwar ’de/ mo.

MAṮṮA 1:23

Hili nyaraŋ gana/ midi bwaa mo dhali dho’th ya/ mo, dhali gway piti minu yuḵ ka Imanu/iil mo (’pemen piti jin o’d ka Arumgimis di’d e ana mo).

LUUKA 24:53

dhali uni ’kokin mo mmorash ’ko mo e gu’b gi mondheleladhelel mo mmo’bora Arumgimis bwa i is mo be.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 1:18

Wathin ṯal ’deŋ kamu/ yisa di’da jin p̱arki’da Arumgimis e ki sule/ sule/ mo be, hili jasi Ya/m pitin ṯal ’de/ a’di jin diki’da bor gi com mo, a’di jin ṯorki a’di eya tente/ mo be.

YOHAAN 1:2

A’di diki’d ’peni ka muŋ’kup̱ nyaḵka Arumgimis mo be.

YOHAAN 16:28

Aha/ pikina ’pena Baba mo dhali aha/ p̱u’dkina i ’kwaniny’cesh mo be. Doḵ/e aha/ mura idhal ’kwaniny’cesh ’pen mo dhali ya Ababa mo be.

YOHAAN 17:5

Dhali shwane/ Ababa, kari /e aha/ ki ca e buŋ’kus pini mo ma, a’di jin ta monyca jin nyaḵka/ ki /e nṯwa/a/ ki mony’cesh yansan dinuki uḵ mo be.

YOHAAN 20:28

Ṯuuma thoḵ a’di gwo mo ki: Tap̱am pem dhali Arumgimis pem.

YOHAAN 8:58

Yesus ki thoḵ uni gwo mo ki: Ka jiŋ gana/, ka jiŋ gana/ aha/ ṯora um gwo mo ki: Nṯwa/a/ ka Ibrahiim diki di mo tani aha/ dikina mo be.

RUUMIYA 9:5

E uni a’di icil ma idhana baba mo dhali ’pena yi’c buni isi ki buŋgwar is mo tani a’di nta’da Ḵrisṯẖos jin diki’da p̱o/ aris to ’baar mo, a’di jin ta’da Arumgimis jin ’boru mii ki sule/ sule/ ya ye ’ba/ nnii mo. Amen.

EP̱ASUS 3:9

dhali mmodhala ris ’kwani ’baar mo mmop̱ar e mo a’di yan jin ṯi’thkunu mo ki jim bag mo mmoba’kkunu a’di ki yil ka ris mo eya Arumgimis jin uḵki’da ris to ’baar mo be.

P̱ILIBBI 2:6

a’di ba/ a’di jin ta jamas ma Arumgimis mo tani a’di diki o ki mo gi nyaḵa nyaḵ ka Arumgimis midi ta to jin minu bu’th ki wup̱ mo.

KULUSSI 1:15

A’di jin bu’thki jamas ma Arumgimis mo, a’di jin molu mish ki e ga ’cesh mo, a’di jin ta’da bwa nyara/ jin ṯwa/a/ ka ris to ’baar mo kun uḵu mo be.

KULUSSI 1:17

A’di diki’di ṯwa/a/ ka ris to ’baar mo, dhali e a’di mo tani aris to ’baar mo tulkunu ’twa/ ’kup̱ mo e a’di mo mmonṯal ’de/ mo be.

ṮIMUṮH̱AWUUS ’DE/ 3:16

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

TIITHUS 2:13

mmoc̱ora c̱or mo gom mo ma ’teŋ kap̱em bana jin ’boru mii mo, a’di jin ta mompi gi monyca ma Arumgimis bana mo jin caaca mo dhali Amanwoṯẖ bana jin ta’da Yesus Ḵrisṯẖos mo be.

IBRANIYIIN 13:8

Yesus Ḵrisṯẖos ta a’di ma tili/ mo dhali ji gi shwane/ mo dhali gom ki sule/ sule/ mo, a’di jin diki war mo.

IBRANIYIIN 7:3

A’di di’d ki dar gi com mo, walla kum si’da/ mo, walla dar gi gwo jin beledhu gom emen piti mo, dhali a’di si’da/ dara’d gi mo ’pena tee ga muŋ’kup̱ mo walla ’pemen gi mondiki/em piti mo, hili a’di wana e ki Ya/ ma Arumgimis mo mmoṯikirkina a’di di mo mmota agasiis ki sule/ sule/ mo be.

BUṮERUS SU/ 1:1

ASimaan jin ta’da Buṯerus mo, a’di jin ta c̱iŋkina/ mo dhali a’di jin karu ki she/ mo goma Yesus Ḵrisṯẖos mo. E uni gwansan kun bu’thki moŋgam gwo is jin nyaḵka’d ki ji yinthom bana mo e mo ma ḵar/e ma Arumgimis bana mo dhali Amanwoṯẖ bana jin ta’da Yesus Ḵrisṯẖos mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.

YOHAAN ’DE/ 5:7

Dhali Shi/in a’di ta’da aman/o gwo mo haali/ Shi/in a’di ta gwoŋ gana/ mo be.

GWO JIN ’CEENU MO 1:11

mmo/o gwo mo ki: ’Kwari ma a’di jin p̱arkina /e e mo eya warka/ mo dhali hashki a’di ka ḵaniisa gun ’koni pesu/ mo e Pan Ep̱asus mo dhali e Pan Simirna mo dhali e Pam Bargaamus mo dhali e Pan Ṯẖiyatira mo dhali e Pan Sardis mo dhali e Pam P̱iladalp̱iya mo dhali e Pa Lawudikiyya mo.

GWO JIN ’CEENU MO 1:17

Ki aha/ p̱arkina a’di e mo tani aha/ biṯkina mo e sho’k piti mo, ma mmowa e ki wathi/ jin wuki’d mo. Hili a’di karki me’da bim poros piti ap̱o/ aha/ mo mmo/o gwo mo ki: Dhalku/ is ki ḵo/ mo. Aha/ tana ja muŋ’kup̱ mo dhali jiŋ ’ko’d mo be,

GWO JIN ’CEENU MO 1:2

a’di jin ta’da manḵal gwo o mo gom gwo ma Arumgimis mo dhali gwonṯor jin ṯora a’di goma Yesus Ḵrisṯẖos mo, isi kani ma eya ris to ’baar mo kun p̱arkina a’di e mo be.

GWO JIN ’CEENU MO 1:8

Aha/ tana ja Muŋ’kup̱ mo dhali jiŋ ’Ko’d mo. A’di ta gwo jin ona Tap̱a Arumgimis mo, a’di jin di’d mo dhali a’di jin diki’d mo dhali a’di jin midi p̱u’du/ mo, a’di jin ta a’di jin Eḵa/ Eḵ mo be.

GWO JIN ’CEENU MO 19:13

A’di hi’thkunu is ki burrinyen turga/ mo jin ’thup̱kunu is ka bas mo dhali gway gi a’di jin yuḵkunu a’di mo tani a’di ita Gwo ma Arumgimis mo be.

GWO JIN ’CEENU MO 2:8

Dhali eya man’doyu gwo ma ḵaniisa gi Pan Simirna mo tani ’kwari gwo mo ki: Gwo gwansan ta ku gi a’di jin ṯwa/a/ mo dhali jiŋ ’ko’d mo gom a’di jin wuki’d mo dhali a’di jin p̱u’dki’d mo mmodi ki e mo, mmo/o gwo mo ki:

GWO JIN ’CEENU MO 21:6

Dhali a’di ki o aha/ gwo mo ki: A’di miikunu mo. Aha/ tana ji ma Muŋ’kup̱ mo dhali jiŋ ’Ko’d mo, aha/ tana ji gi mo jin ṯelkunu ’pen mo dhali mo jin midi di ’kup̱ mo be. E uni kun butha yi’de/ gom miiŋḵar/e mo tani aha/ mina c̱i uni yi’de/ ki dar gi yol mo ’peni yi’de/ jin kashkina e ki kash mo jin ta mondiki/e mo be.

GWO JIN ’CEENU MO 22:13

Aha/ tana ja Muŋ’kup̱ mo dhali jiŋ ’Ko’d mo, aha/ cila mo jin ṯwa/a/ mo dhali mo jiŋ ’ko’d mo, dhali aha/ cilkina mo jin ṯelkunu ’pen mo dhali mo jin di ’kup̱ mo.

GWO JIN ’CEENU MO 3:14

Dhali eya man’doyu gwo ma ḵaniisa gi Pa Lawudikiyya mo tani ’kwari gwo mo ki: Gwo gi a’di ma Amen mo, a’di jin ta isiŋ gana/ mo dhali jin ta’da man/o gwo jin ta jiŋ gana/ mo, jin ta mo ma muŋ’kup̱ me’d jin uḵkin ma Arumgimis aris to mo be, mmo/o gwo mo ki: