ṮIMUṮH̱AWUUS SU/ 3:8 - Uduk New Teatament and OT Portions

⁸ Me’da Yanniis dhala Yambiriis, uni ceshkina Musa mo mo, wakan si’da/ ’kwani gwansan uni ceshki mo mo gom gwoŋ gana/ mo, uni kun ta ’kwani kun p̱u/kin mo e bwam buni mo dhali kun ta gi moŋgam gwo is kun waḵu mo.

ṮIMUṮH̱AWUUS SU/ 3:8 Iomraidhean Croise

Mmo/ii ka Pije/ mo 7:11

Dhali yan’ko’d si’da/ P̱irawn yuḵki ’kwanim piti kun yuḵayuḵ mo dhali aris ŋarim piti mo. Dhali uni si’da/ miiki to jin nyaḵan mo ki miilaṯṯ buni mo.

Mmo/ii ka Pije/ mo 7:22

Hili ŋari gi Pam Masir mo tani uni si’da/ mii to jin nyaḵan ki miilaṯ buni mo. Wakan adu ma P̱irawn wa ki wosh jin ’bitha’bi’th mo. Dhali a’di diki ha uni gwo e mo me’d gwo jin okina TAP̱A mo be.

Mmo/ii ka Pije/ mo 8:18

Dhali ŋari si’da/ palki mii mo mmo’taki raḵa shokom mmoseyu/ ka pije/ ki miilaṯ buni mo jin gama uni adu is tani, hili uni p̱ikunu e mo. Ashokom ishki’d e ’kwani mo dhali to e mo be.

Mmo/ii ka Pije/ mo 8:7

Hili ŋari si’da/ miiki miilaṯ buni gun gama uni adu is mo kun nyaḵkan ki mii gi iMusa mo. Dhali uni si’da/ raḵana arisa ’dwa/ mmoseyu/ ka pije/ mo e Bampa/ Masir mo be.

MII GUN MIINU MO 15:24

Haali/ ka jiŋ gana/ aman ciḵkina gwo ki unin tiya kun iikin ka pije/ ’peni bwam am mo tani uni ṯo’c um ’kus ki gwo mo mmo’kosh uma dum bum is mo uni kun ’kona aman ki ye’th sho’k ki gwo mo be.

RUUMIYA 1:28

Dhali haali/ Arumgimis usha uni mmonyiṯẖ mo tani Arumgimis si’da/ c̱iki uni bway mo mmota gi bwa kun mini ta aye/iŋ gwo mo dhali ki mii kun shi/ashi/ mo be.

RUUMIYA 16:18

Haali/ ’kwani kun ta thus kan mo tani ’koki mii to gom Tap̱am bana ka Ḵrisṯẖos mo hili uni mii to gom bwam buniŋ gana/ mo. Dhali ki gwom ’borga/ mo dhali ki gwo maŋ mo tani uni he’kki tiya adu e kun aṯẖa/aṯẖ mo.

EP̱ASUS 4:14

Wakan ki ana mina ’taki ’koki ’ko mo mmota uc̱i naskina/ mo ki ana minu ’koki ’dash mo dhali wuṯul mo dhali ḵal mo ka ris ’tham gi gwon thus ki eŋ ’kwani kun korakor mo ka maḵ buni kun takina uni mo eya he’k e jin he’kkina uni ka gany mo.

ṮIMUṮH̱AWUUS ’DE/ 1:19

mmoṯel moŋgam gwo is sho’k mo dhali ’twa/ ma duŋ gana/ mo. Mmo/ush gwo ’peni ’twa/ ma du mo tani ’kwanin tiya pwaṯẖki moŋgam gwo is buni mo.

ṮIMUṮH̱AWUUS ’DE/ 4:2

e gwo ma p̱or ma pije/ mo kun tanuwa ṯor ka ṯor mo ki ’kwani gwansan mo kun sula ’twa/ ma dum buni mo,

ṮIMUṮH̱AWUUS ’DE/ 6:5

dhali mii gi gwo kun sugu e bwaman ’kwani mo ’peni bwam buni kun bulabul mo dhali kun dheru bwa mo ’peni gwoŋ gana/ mo, mmoṯoshkina uni ki mii ma gayiin jin luŋuwa luŋ mo ta ’pemen mmogam mii adu is mo.

ṮIMUṮH̱AWUUS SU/ 4:15

Jiyi a’di ki e mo, /e ki is pini mo, haali/ a’di ’bitha’bi’th mo mmocesh mo mo gom gwom bam jin ṯora aman mo be.

TIITHUS 1:10

Haali/ ’kwani tana ris kagahara mo ushki gwo ha e mo, uni kun ta iman/o gwo kun ’ko bwa ’te/ mo dhali kun ta imanheka he’k e mo, isi ki ji mum mo gom uni gwansan kun ’ciṯẖkunuwa munyjal yis mo.

TIITHUS 1:16

Uni ṯorki gwo ki ’twa/ ki uni mishkina Arumgimis mo tani uni waṯki a’di gway ki miim buni mo be. Uni waḵkunu ki waḵ jin shi/ashi/ mo gom bul buni mo dhali uni ta iman/ush gwo ha e mo dhali uni ha me’d gom ari tom ’boro’da kamuwa?

BUṮERUS SU/ 2:14

Uni takin gi em buni kun ’tu’dkunu ki piny piny ki miinyc̱al mo, a’di jin moli daḵ mo gom miinthus mo. Uni ellkina ell e mo gom ’kwanin tiya kun ’konuki ṯela ḵashiram buni sho’k mo. Uni takin ga dum buni kun yedhu sho’k mo e bwa jin purapur mo. Uni ta uc̱i kun jeekunu mo.

YOHAAN ’DE/ 2:18

Uc̱iya, a’di ta mo jiŋ ’ko’d mo dhali me’d jin ciḵa um gwo ka ḵrisṯẖosthus p̱u’dki’d mo tani wakan shwane/ arisa ḵrisṯẖos kun ’koki ta kuŋ gana/ p̱u’dkin mo. Dhali gom gwo gi wakan mo tani ana ki mish mo mo ki a’di ta’da cim jiŋ ’ko’d mo be.

YOHAAN ’DE/ 4:1

Um gun enu mo tani dhalku/ ki gam gwo is eya ris shi/in mo hili nyo/i aris shi/in mo mmop̱ar e waḵki/ uni ta ku ma Arumgimis mo, haali/ imanc̱i gwonthus uni iikin ka pije/ e mony’cesh mo.

GWO JIN ’CEENU MO 2:20

Hili aha/ tana gi to yaase ap̱o/ /e mo ki /e dhalkina ’bom jin ta’da Isabal mmodi e /e mo, ayim jin yuḵki is piti ka manc̱i gwo mo dhali a’di ṯorki gwo mo dhali mmosus c̱iŋkinam pem mmoper mo mmoboṯki mii jin miinu miinyc̱al mo dhali mmoshwa to jin ’ciṯẖu/ ’kus mo mmothe tomp̱inycon mo.

GWO JIN ’CEENU MO 2:6

Naskina/ toŋ kamu/ jin tana /e a’dihe/. /E shi/ki mii jin miina ’Kwani Nugulawiyiin i e mo, mii jin shi/kika/ i e si’da/ mo.