ṮIMUṮH̱AWUUS SU/ 3:6 - Uduk New Teatament and OT Portions

⁶ Haali/ ibwaman uni gwansan mo tani uni ta uni kun kuli bway buni mo e gu’b gi ’kwanin tiya mo mmobu’th up̱ kun ta ’thalkina/ ki ’thalkina/ mo kun bur ma du mo ki wap̱ wap̱ ki miinthus mo dhali thap̱ miinthus kun ’kona e ki she/ ki she/ mo,

ṮIMUṮH̱AWUUS SU/ 3:6 Iomraidhean Croise

GWAY GI IDAWUU’D 38:4

Haali/ miinthus pem loski aha/ ki ’kup̱i lu/ mo, dhali uni ’thiraa/ diṯ mmoḵal mo be.

MAṮṮA 11:28

Iiyu/ i aha/ mo ma, aris ’kwani ’baar mo kun miina ṯu’c mo dhali kun ’thira ton diṯi’d mo, dhali aha/ mina c̱i um mosi/is mo.

MAṮṮA 23:13

Wayyi e um, ’kwani kun ta iman’kwar to mo dhali ’Kwani P̱arisiyiin mo kun tana he’k e ka he’k e mo. Haali/ um ’dap̱ki bway gi Bampa/ gi Momis ’twa/ mo ap̱o/ ’kwani mo. Haali/ um ki is bum ’koki cic̱ mo walla ’koki dhal uni gwansan bway mo kun mini ’taki cic̱ i a’di mo be.

MAṮṮA 23:14

Wayyi e um, ’kwani kun ta iman’kwar to mo dhali ’Kwani P̱arisiyiin mo kun tana he’k e ka he’k e mo. Haali/ um loski gu’b gi up̱ gun wuna ikaṯẖ mo dhali eya por ma pije/ mo tani um ki mii mon’tho mo ki rash rash mo. Wakan um mini bu’th dhan miiwaḵ gun caaca mo be.

MAṮṮA 4:24

Wakan gwo gom a’di yaki’d ki lala’th ki tur mo e Pan Suriyya mo dhali uni suskina ris ’kwani e a’di kun ’bathan mo, uni gwansan kun doru ki isa nyor mo dhali ki isa nyor kun woci is she/ mo dhali kun bu’th ma rum thus mo dhali aris uni kun wu gamp̱aŋ mo dhali aris uni kun muṯṯa/ is mo dhali a’di ki wac̱ uni mo be.

MARKUS 4:19

Hili uni bala to ga ’cesh is mo dhali ’penkap̱an buni jin el uni e ki el mo dhali bwam buni gun ona uni gom ton tiya mo tani cic̱kina uni nycine/ mo dhali c̱okoṯ gwo mo dhali a’di inyo/i uni mo ki uni moli dho’th mo be.

KURINṮH̱UUS ’DE/ 12:2

Um mishin me’d jin ’kona um ki dar ki ji gi luŋuŋ gana/ mo tani um suskunu this e mo mmoluŋ tomp̱inycon mo kun ’kon ki muṯṯ mo, ma e bway gunn kun joc̱kunu um mo.

ṮIMUṮH̱AWUUS ’DE/ 5:6

Ayim jin momoṯki’da dum piti mo tani a’di di’di mowu mo isi kani me’d jin din ma yim ki e mo.

ṮIMUṮH̱AWUUS ’DE/ 6:9

Hili uni gwansan kun ’kona gwo ibwa mo mmota pa ki pa mo tani uni ṯa’kkin mo e mo jin paluwa pal mo dhali e mo ma gume/ jin bu’thki’da bu’th mo dhali eya ris miim p̱us mo dhali bwa jin onu gwo jin ta jama/ ki jama/ mo mmobul ’kwani ’kup̱ e mo jin daḵu gwo me’d mo dhali mo jin ’ce’duwa ’ce’d sho’k mo.

TIITHUS 1:11

Uni minu mii dhu ki shwam mo, haali/ uni kumkina waḵa tiya ’twa/a ’cesh mo ka ’bimpil mo mmoṯor gwo mo gom to jin mina uni gam ki nyunycinan thus mo, a’di jin dara uni ki bway ḵa ba/ mmoṯor mo.

TIITHUS 3:3

Haali/ ana ki is bana ’thissa/ nṯwa/a/ mooniin tani takina p̱us mo mmo/ush gwo ha e mo dhali ana suskunu per mo dhali ana takina c̱iŋkina/ ka ris mii kun dhukunu e ki ’thir ’thir mo, haali/ ana ’kona ’ce ki ’kol mo, mmo’baara teem bana mo jin dup̱uwa dup̱ i e mo dhali ki miin dhap̱an mo, dhali ana shinu i e ki ’kwani mo dhali ana shina shi/ i e ka rem ’kup̱ mo.

BUṮERUS SU/ 2:18

Haali/ ’twam buni kun baha uni mmodhu ’ba/ ki ca mo eya p̱alim buni mo tani uni ellkina ell e ki mii kun ’kanuwa ḵanthi/ mo ki e kun dhunu ki ’thir ’thir ki buŋgwar is mo, mmo/ell ’kwani e mo, uni gun yekin mo ’peni yoḵkam gi uni kun ’kon e mii gun ṯẖudhu mo be.

BUṮERUS SU/ 3:17

Wakan um gun enu mo mmomisha um a’di nṯwa/a/ mo tani jiyi mo ki e mo isi ciki/ mo ki um minu ’koki ’de’k shoki mis mo ki gwo jin thamu mo ’peni ’kwani kun ush gwoŋḵan mii mo dhali this mom bum gana/ jin ṯela um sho’k e mo.

YAHUUSA 1:16

Uni gwansan ita imanmiiya gumgum mo, dhali waḵa waḵ mo mmobaṯẖ mon’dap̱ em buniŋ gana/ mo, dhali mmoc̱e ’twa/ mo mmodhu ’ba/ ki ca mo mmomaŋ ’kwani ka maḵ mo mmogam nyunycina/ gi shi/ miim ’boro’d mo.

YAHUUSA 1:18

Uni o um gwo mo ki: Ki mo jiŋ ’ko’d mo tani uni gun miin ka maḵ mo tani mini baṯẖ mon’dap̱ em buniŋ gana/ mo kun usha uni a/ush mo be.

YAHUUSA 1:4

Haali/ ’kwanin tiya ’kokin ka ḵwal is mo kun gam bway mo mmose mo, uni gun ’kokin kadhamo/ mo kun ’kawurkunu mo gom miiwaḵ yansan mo be, uni gun ta ’kwani gun ushkina Arumgimis mo, uni gun ṯu’kkina ’the ma Arumgimis bana mo mmota mii gun ’kanuwa ḵanthi/ mo dhali mmowaṯ gway gi Tap̱a jin di’d ’de/ mo, a’di jin ta Tap̱a Yesus bana mo be.