ṮIMUṮH̱AWUUS SU/ 3:3 - Uduk New Teatament and OT Portions

³ dhali uni mini dar gi mo/en jin di’d eya du wathi/ en’thi/ mo, dhali uni mini ta iman/ush gwo gwam mo, dhali uni mini ta imanthutha thu’th ’pen mo, dhali uni mini ta imandar ga du kun ’timu mo gom e kun dhuna uni ki ’thir ’thir mo, dhali uni mini ta imanmii mii kun ḵaŋkama ḵaŋkam mo, dhali uni mini ta imanshi/ miim ’boro’di e mo,

ṮIMUṮH̱AWUUS SU/ 3:3 Iomraidhean Croise

ṮAKWIIN 49:7

Monyjee midi di goma nyor buni mo haali/ a’di c̱ithirac̱ithir mo, dhali anyor buni mo tani a’di si’da/ ita ji maṯ mo. Aha/ mina ḵwa/ uni bwa mo e bwaman ma Yakuub mo dhali c̱eker uni bwa mo e bwaman ma Israyiil mo.

GWAY GI IDAWUU’D 15:4

dhali e jis/em piti mo tani aman/ush gwo gam is mo tani waḵkina a’di mo, hili a’di taḵ uni gwansan kun ḵo/ki Tap̱a mo, dhali a’di jin thulki gwom piti me’da p̱o/ mo ki to jin shi/ki a’di mo tani dhali diki aḵ gwom piti e mo be,

GWAY GI IDAWUU’D 22:6

Hili aha/ tana yiish mo, dhali aha/ tana wathi/ yisa, haali/ aha/ c̱inu gurra/ ki ’kwani mo, dhali jin waḵkunu ki ’kwani mo.

MAṮṮA 10:21

Akama kamu/ midi c̱iya kam piti mmowu mo, dhali ababa gi wathin ’deŋ kamu/ midi c̱i ya/m piti mmowu mo dhali uc̱i mini cu mis ap̱o/ ikum mo dhali uni mini dhu uni mmowu mo be.

MAṮṮA 4:1

Yan’ko’d aYesus a’di urkina Shi/in ka pije/ mo e mombwaasho mo dhali a’di palkina tap̱a ma ruma ’cesh mo be.

LUUKA 10:16

A’diyin jin ciḵki um gwo mo tani a’di ciḵki aha/ gwo mo be dhali a’di jin waḵki um mo tani a’di waḵki aha/ si’da/ mo be. Dhali a’di jin waḵki aha/ mo tani a’di waḵki a’di jin hashki aha/ mo be.

LUUKA 16:14

Dhali ’Kwani P̱arisiyiin uni gun ta iman/ena guurush mo ki uni ciḵkina ris to gwansani ’baar mo tani dhali uni ’theḵki a’di shushi mis mo be.

YOHAAN 6:70

Dhala Yesus ki thoḵ uni gwo mo ki: Dika/ ki kwany umi ’kume’d i’ce’dka su/ mo dhali jan ṯal ’deŋ kamu/ ’peni bwam um mo tani ta tap̱a ma ruma ’cesh mowa?

RUUMIYA 1:29

Uni ’tu’dkunu mo ki piny piny ka ris mii gun ta mii gun ’koki ta miiŋḵar/e mo dhali mii kun ta tonthus mo dhali mii mmota a’thoṯẖum bwa mo dhali mii kun ta kun dup̱a dup̱i e mo be. Dhali uni ’tu’du/ mo ki miin dhap̱an mo dhali mmo’kosha mee mo dhali mmota ibiriŋ gwo mo dhali mmota imanheka he’k e mo dhali mmota iman’do tiya ki e mo. Uni si’da/ tana le’d ka le’d apo/ ’kwanin tiya mo

RUUMIYA 1:31

dhali ta p̱us mo dhali ta uni gun tana aḵum bwa ka aḵum bwa mo dhali ta imandar ga dum pa mo dhali ta imangora bwa ki gor mo.

KURINṮH̱UUS ’DE/ 7:5

Dhalku/ ki ush ka rem ’kup̱ mo, isi ciki/ wari ki gwo jin gamu me’d mo gom ari mo mo, ki um mini mii ga/ is bum mo mmo’tho mo. Dhali hili gam is mmonṯal ’de/ ŋ’ko’d mo isi ciki/ ka Seṯaan midi diki pal um mo mmo/aṯẖa um mo jin ’timuwa du mo.

KURINṮH̱UUS ’DE/ 7:9

Hili waḵki/ uni molona du bu’th mo mmo’tim mo tani uni mini mii mash mo. Haali/ a’di ’boro’d mmomash mo mmodhal mii e i is mo mmodhu e ki ’thir ’thir gom mon’dap̱ e mo be.

TASALUNIIKI ’DE 4:8

Hili a’diyin jin midi ush gwo yansan mo tani a’di ushki gwo gi wathi/ yisa, hili Arumgimis mo, a’di jin c̱iki Shi/in piti jin Dheleladhelel e um mo be.

ṮIMUṮH̱AWUUS ’DE/ 3:11

Wakan si’da/ up̱ mini mii ḵa/aḵa/ mo, mmo’koki thutha thu’th ’pen mo, hili uni mini ta uni kun mini ’tima du mo, mmota uni isiŋ gana/ mo eya ris to ’baar mo be.

TIITHUS 1:8

Hili a’di minu mii ta gu’b piti ŋal mo, dhali a’di midi mii ta aman/en miim ’borga/ mo, dhali ta amanji is piti mo, dhali ta a’di jin kusha buye/ mo, dhali ta a’di jin dheleladhelel mo, dhali ta a’di jin mishi’da du ’tim ki is piti mo.

TIITHUS 2:3

Ḵani up̱ gun tana ṯi/ gwo mo wakan ki uni mini ḵa/aḵa/ mo gom gway miim buni mo, mmo’koki ta imanthutha thu’th ’pen mo walla mmota c̱iŋkina/ ma su mo mmop̱i mo. Uni ḵa ba/ imini mii ṯor gwo mo gom a’di jin ’boro’d mo ba/.

YAKUUB 2:6

Hili um this wathi/ jin hatha’ko’d mii mo. A’di diki ta unim pa kun ’cwar umma? A’di diki ta uni gun dir um e mo jin dwallu gwo mo ’taa?

BUṮERUS SU/ 2:14

Uni takin gi em buni kun ’tu’dkunu ki piny piny ki miinyc̱al mo, a’di jin moli daḵ mo gom miinthus mo. Uni ellkina ell e mo gom ’kwanin tiya kun ’konuki ṯela ḵashiram buni sho’k mo. Uni takin ga dum buni kun yedhu sho’k mo e bwa jin purapur mo. Uni ta uc̱i kun jeekunu mo.

BUṮERUS SU/ 2:19

Uni oki uni gwo is mo gom mo jin mina uni ’ko ki ’kus mo, hili uni ki is buni mo tani ta c̱iŋkina/ kun yolu mo e mo jin p̱u/u mo. Haali/ ma a’diyin jin midi p̱i wathi/ e mo tani a’di ta c̱iŋkinam piti mo be.

BUṮERUS SU/ 3:3

Nṯwa/a/ ka ris to ’baar mo tani um mini mii mish gwo yansan ’ban mo ki uni kun tana maḵ ka maḵ mo mini p̱u’du/ ka tee kuŋ ’ko’d mo ka maḵ buni mo mmobaṯẖ en’dap̱ gana/ kun dhuna uni e ki ’thir ’thir mo

YAHUUSA 1:16

Uni gwansan ita imanmiiya gumgum mo, dhali waḵa waḵ mo mmobaṯẖ mon’dap̱ em buniŋ gana/ mo, dhali mmoc̱e ’twa/ mo mmodhu ’ba/ ki ca mo mmomaŋ ’kwani ka maḵ mo mmogam nyunycina/ gi shi/ miim ’boro’d mo.

YAHUUSA 1:18

Uni o um gwo mo ki: Ki mo jiŋ ’ko’d mo tani uni gun miin ka maḵ mo tani mini baṯẖ mon’dap̱ em buniŋ gana/ mo kun usha uni a/ush mo be.

GWO JIN ’CEENU MO 13:15

Dhali a’di dhalkunu bway mo mmoc̱i shi/ir ki jamas gi to/e jin uḵu mo, wakan ki jamas to/e jin uḵu mo midi ’taki mish isi ’twa/ wali, dhali mmoraḵ uni gwansan kun ’koki luŋ jamas to/e jin uḵu mo ki uni minu ’kosh mo be.

GWO JIN ’CEENU MO 13:17

wakan ki wathin ṯal ’deŋ kamu/ midi mol yol mo walla yol to mo isi ciki/ a’di midi mii ta gi jamas mo, a’di jin ta gway gi to/e mo walla mondeŋ gi gway piti e mo be.

GWO JIN ’CEENU MO 16:6

Haali/ ’kwani gac̱kina bas gi unim pini kun dhunu ki she/ ki dhelel dhelel mo dhali imanc̱i gwo mo, dhali /e c̱iki uni abas mmop̱i mo. A’di ta tom buni jin ’dap̱a ’dap̱ mo be.

GWO JIN ’CEENU MO 17:6

Dhali aha/ p̱arkina ’bom e mo mmo’koshkin ma bas gi uni kun dhunu ki she/ ki dhelel dhelel mo dhali abas gi uni kun ’ciṯẖu/ ’kup̱ mo goma Yesus mo be. Ki aha/ hilkina yim mo tani aha/ merkina ki dhan mer jin shiyi’d mo.