ṮIMUṮH̱AWUUS SU/ 3:2 - Uduk New Teatament and OT Portions

² Haali/ ’kwani mini en is buni mo dhali ena guurush mo dhali dhu ’ba/ ki ca mo dhali ’theḵ ’bam buni imis mo, dhali wal gwo sor mo, dhali ush gwo gi icom buni ha e mo dhali ikum mo, dhali uni mini ta iman/usha ’borim bwa c̱i mo, dhali uni mini ta uni gun ’koki dhelel mo,

ṮIMUṮH̱AWUUS SU/ 3:2 Iomraidhean Croise

GWAY GI IDAWUU’D 10:3

Haali/ uni kun ta thus ki thus mo tani dhuki ’ba/ ki ca mo gom to kun gop̱ uni bwam buni mo, dhali wathi/ jin pura bwa ki pur gom nyunykina/ mo tani a’di midi jeeya je mo dhali ruḵ Tap̱a mo.

GWAY GI IDAWUU’D 49:6

Uni gun ta ’kwaniŋ gwaṯẖ kun ’ko ki ’kus gom tom buni kun tana uni mo dhali dhu ’ba/ ki ca gom tom buni kun tana uni kun ishkin ka enthus ki pa jin tana uni mo?

GWAY GI IDAWUU’D 52:1

Atinta kara /e ’ba/ ki ca mo, ayy wathi/ jin c̱a’bki dem dem mo? mmota pibi ap̱o/ ’kwani kun tana gayiin mo. Isa yempa/ /e kar gwo shiyi’d e ilu/ mo mmo’ce’da ’ce’d sho’k mo.

MAṮṮA 15:6

Wakan gom gway gi gwon dhamom bum jin luḵu mo tani um ki p̱uu Gwo ma Arumgimis mo be.

LUUKA 12:15

Dhali a’di ki o uni gwo mo ki: Hili ki ’bore/ mo ma, dhali jiyi aris mo jin ’thoṯẖu/ bwa ki e ki ’bore/ mo, haali/ mondiki/e gi wathi/ a’di diki gamki mo jin isha tom piti jin gama a’di ka enthus mo.

LUUKA 16:14

Dhali ’Kwani P̱arisiyiin uni gun ta iman/ena guurush mo ki uni ciḵkina ris to gwansani ’baar mo tani dhali uni ’theḵki a’di shushi mis mo be.

LUUKA 6:35

Hili eni uni gwansan kun ta ’kup̱ ki um mo ma dhali miiyi ki ’bore/ gom uni mo dhali wani to e mo mmo’koki c̱or toŋ kamu/ mmodoḵu/ um ka nyaŋ’ko’d mo, dhali tom bum kun ish ḵumma/ mini eḵa/ eḵ mo dhali um mini ta iya/ gi a’di jin Cayaa/ e ki Ca mo, haali/ a’di mii’d ki mo/en gom uni gwansan kun dar ga nynyc̱a/ mo dhali kun tana ham ’kus ka ham ’kus mo.

MII GUN MIINU MO 5:36

Haali/ ka cim jin ṯwa/a/ gwansan mo tani Ṯẖudaas doshki’d mo mmoṯor is piti ki a’di ita jaŋ kamu/ jin ca’d mo. ’Kwaniŋ gwasa tiya wana e ki iss ’kwanimpa i/iss ’de/ mo gam is buni me’d ki a’di jin ’koshu jwa mo, dhali uni ’baar mo uni kun mii gwom piti mo tani uni c̱ekerkunu bwa mo dhali toŋ kamu/ yisa gamu ’peni a’diya.

RUUMIYA 11:18

dhalku/ ki kar ’ba/ ki ca eya bi ’te/ mo. Dhali waḵki/ /e kar ’ba/ ki ca mo ’te/ tani kayi gwo e ki /e a’di idiki ṯela birman sho’k mo, hili abirman c̱aan jin ṯelki /e sho’k mo be.

KURINṮH̱UUS SU/ 5:15

Dhali a’di wuki’d mo gom ’kwani ’baar mo ki uni gwansan kun ’kon mo mini doḵ/e ’koki ’ko mo gom buŋgwar is buni mo hili gom a’di mo jin wuki’d mo gom gway buni mo dhali jin ’de’kkunu mo be.

P̱ILIBBI 2:21

Uni ’baar mo hili jasi ’kup̱ki tom buni mo, yisa gom to ma Yesus Ḵrisṯẖos mo.

KULUSSI 3:5

Wakan, ’koshi mii ga ’cesh jwa mo kun ’kon e um mo, kun ta mo gun miinu miinyc̱al mo dhali mo gun ’dap̱u e mo dhali e kun dhunu ki ’thir ’thir mo dhali bwan thus kun pishu is mo dhali mo jin ’thoṯẖu/ bwa mo, a’di jin ta mii jin luŋu tomp̱inycon mo be.

TASALUNIIKI SU/ 2:4

a’di jin ceshki mo ki ŋarr mo dhali kar is piti ki ca mo ap̱owa risa rum kun yuḵu gway kan ka wuny is mo walla to jin luŋu mo, wakan a’di ki bu’th monyc̱a’b piti e gu’b gi mondheleladhelel ma Arumgimis mo mmobah gwo mo ki a’di ki is piti ta’da Arumgimis mo be.

ṮIMUṮH̱AWUUS ’DE/ 1:20

E bwaman uni gwan mo tani ta iHiminayus mo dhala Iskandar mo, uni ’kon mo, uni kun c̱ikika/ ka Seṯaan mo ki uni mini da/ar mii mo mmo’koki wal gwo sor mo be.

ṮIMUṮH̱AWUUS ’DE/ 1:9

A’di midi mii mish gwo yansan ’ban mo, ki gwoŋḵan jin c̱inu mo yisa ’thikunuwa ’cesh mo gom uni kun ta kuŋ ḵar/e mo, hili gom iman/ush gwoŋḵan mii mo dhali iman/ush gwo ha e mo, dhali gom ku gi ushuna ush goma Arumgimis mo dhali imanmii miinthus mo, dhali gom ku gi ’koki dhelel mo dhali gom ku gi ’koki dhu mii kun ḵogu mo dhali gom iman’kosha mee mo ki icom mo dhali iman’kosha mee mo ki ikum mo dhali iman’kosha mee mo ki ’kwani mo,

ṮIMUṮH̱AWUUS ’DE/ 3:3

dhali a’di midi mii diki ’dish mo ma su is mo, dhali a’di midi mii diki mii mii ki ra’b mo hili a’di mina e mii ’thup̱a’thup̱ mo, dhali a’di midi mii diki wala le’d ki ṯas ṯas mo, dhali a’di midi mii diki ta aman/ena guurush mo si’da/.

ṮIMUṮH̱AWUUS ’DE/ 6:10

Haali/ mo jin enuwa guurush mo tani a’di ta’da birman goma ris tonthusi ’baar mo. Gom ’daŋ gwo yan jin ’kosho’d mo tani kun tiya perkin mo ’peni bway gi moŋgam gwo is mo dhali uni su’kkin ma dum buni ki la/a’d la/a’d ka ris mo.

ṮIMUṮH̱AWUUS ’DE/ 6:4

a’di yin seki’d ki ’pura/ ’pura/ mo, ki ’ba/ jin karu ki ca mo. A’di diki mish toŋ kamu/ mo. A’di ta’d gi ’ba’th jin ’kosh a’di mo mmo’kosh ’daŋ gwo mo mmodoṯa/ doṯ mo dhali gom gwo jin sugu ki gwo mo, a’di jin wagaski miin dhap̱an mo, dhali mii kun biruwa bir mo, dhali mii kun thudhuwa thu’th ’pen mo dhali mmoṯosh gwon thus eya du ap̱o/ ’kwanin tiya mo

ṮIMUṮH̱AWUUS SU/ 3:4

dhali uni mini ta iman’ciṯẖ is ki gwo mo, dhali uni mini ta imanbujura bujur mo, dhali uni mini se ki ’pura/ ’pura/ mo mmodhu ’ba/ oki uni imishi mo mo, dhali uni mini ta iman/en ’kom ’peŋkap̱an buni mo mmodhal mo/en ma Arumgimis e i is mo,

YAKUUB 2:8

Waḵki/ um ka jiŋ gana/ thimki gwoŋḵan ma maliḵ mo isi me’d Gwo ma Arumgimis kun ’kwarkunu mo ki: /E mini en amannyaḵ c̱a’b pini me’d is piniŋ gana/ mo tani um miin ki ’bore/ mo be.

YAKUUB 4:16

A’di ta a’di, um dhuki ’bam bum ki gwo jin baha um mo. Aris mo jin dhunu is ki ca mo tani uni ta tonthus mo.

YAKUUB 4:6

Hili a’di c̱iki’da ’the ki nyanye/ mo be. Dhali wakan a’di o gwo mo ki: Arumgimis ceshki mo mo gom uni gun dhu ’ba/ ki ca mo hili a’di ki c̱iya ’the gom uni gun dhu is buni ki gwa’d mo be.

BUṮERUS ’DE/ 5:5

Wakan si’da/ um gun ta dhuru’c mo ’dap̱i um ’twa/ mo e ’kwani kun ta gwanyjaḵa/ mo. Shumi is bum mo, aris umi ’baar mo, ki mo jin dhunu is ki gwa’d ka ḵarambuye/ ka rem ’kup̱ mo, haali/ Arumgimis ceshki mo mo gom uni gun dhu ’ba/ ki ca mo, hili a’di ki c̱iya ’the gom uni gun dhu is buni ki gwa’d mo be.

BUṮERUS SU/ 2:10

dhali isi ki ji mum mo gom uni gwansan kun c̱i is buni ki bwa en’dap̱ mo mmoshi/ is buni ki e gun dhuna uni ki ’thir ’thir mo dhali waḵ mo jin tanu ki moshirr mo. Dhali dar gi monyju/ mo dhali ki bwam buni mo tani uni ’koki ḵo/a ḵo/ is mo mmosor uni kun ta gi monyca mo.

BUṮERUS SU/ 2:12

Hili uni gwansan wana e ki to/e gun ’kon ka miiny mo, kun ta to gun uḵu mo ki buyem buni mo, uni gun dho’thkunu mo mmobu’th mo dhali mmo’kosh mo tani sorkina sor mo e mii kun ’kokina uni mmota p̱us mo tani uni minu ’ce’d sho’k mo nyaḵki uni ki mony’ce’d sho’k jin ṯal ’de/ mo,

BUṮERUS SU/ 2:18

Haali/ ’twam buni kun baha uni mmodhu ’ba/ ki ca mo eya p̱alim buni mo tani uni ellkina ell e ki mii kun ’kanuwa ḵanthi/ mo ki e kun dhunu ki ’thir ’thir ki buŋgwar is mo, mmo/ell ’kwani e mo, uni gun yekin mo ’peni yoḵkam gi uni kun ’kon e mii gun ṯẖudhu mo be.

BUṮERUS SU/ 2:3

Dhali e bwam buni kun purapur mo tani uni mini nyuny um mo mmota nyunycina/ ki gwonthus buni mo. ’Peni kadhamo/ miiwaḵ buni jin toru gwo ’twa/a ’cesh mo tani diki ta nyoŋ’kor mo dhali mony’ce’d sho’k buni si’da/ mo tani diki ish e mo be.

YAHUUSA 1:16

Uni gwansan ita imanmiiya gumgum mo, dhali waḵa waḵ mo mmobaṯẖ mon’dap̱ em buniŋ gana/ mo, dhali mmoc̱e ’twa/ mo mmodhu ’ba/ ki ca mo mmomaŋ ’kwani ka maḵ mo mmogam nyunycina/ gi shi/ miim ’boro’d mo.

GWO JIN ’CEENU MO 13:1

Dhali aha/ p̱arkina to/e e mo jin cuki’d ’peni ḵumma/ yi’de/ mo jin ’kana ce ’kup̱i ’kume’d mo dhali ta gi ’kup̱i pesu/ mo dhali hi’th toŋ’kup̱ ma maliḵ kun ’koni ’kume’d kun ’tamkunuwa p̱o/ cem piti mo dhali gway jin ta gi ’pemen jin walu gwo sor mo karkunu mo ap̱o/ ’kup̱ piti mo.

GWO JIN ’CEENU MO 16:11

dhali jee Arumgimis jin ta ji gi momis mo gom isa nyor buni mo dhali jamam buni mo dhali uni ’koki rica du is ’peni miim buni mo be.

GWO JIN ’CEENU MO 16:21

Dhali adhan kuluny ma wasa/ ṯa’kkin mo. Diṯ buni ka ’deṯe/ ’deṯe/ ḵalki’da raṯul iss ’kwanimpa ka mudhe’d mo kun ṯa’kkina p̱o/ ’kwani ’peni momis mo ntagi ’kwani jeekina Arumgimis mo gom isa nyor kun wo’cki uni is she/ mo goma wasa/ mo, haali/ gom isa nyor jin wo’c uni is she/ kagahara kan mo.

GWO JIN ’CEENU MO 16:9

’Kwani uni shilkunu is ki mom’batha’d jin c̱a’bki wur wur mo dhali uni jeeki gway ma Arumgimis mo, a’di jin ta gi mom’bi’th mo ap̱o/ mom’ba’th gwansan kun wo’cki ’kwani is she/ mo, dhali uni ’koki rica du is mo dhali c̱i a’di monyca mo.