ṮIMUṮH̱AWUUS SU/ 3:12 - Uduk New Teatament and OT Portions

¹² Ka jiŋ gana/ aris uni gwansan kun ’kona gwo ibwa mo mmo’ko isi ’ko ma gayiin mo e moŋ’koki/e mo eya Ḵrisṯẖos jin ta’da Yesus mo tani uni minu ṯo’c bwa mo be,

ṮIMUṮH̱AWUUS SU/ 3:12 Iomraidhean Croise

BUṮERUS ’DE/ 3:14

Hili isi kani waḵki/ um ’kosha is ka nyor mo gom gway gi mii ma ḵar/e mo tani um minu ’bor mii mo be. Dhalku/ uni ki ḵo/ mo walla dhalka du ki mur mo,

MII GUN MIINU MO 14:22

mmoṯel bwa gi imanciḵ gwo sho’k mo mmomalas uni ki gwo mo ki uni mini ’ko ki sule/ e moŋgam gwo is mo dhali ki monṯo’c bwa kun mini mii ta aris mo tani ana mina se Bampa/ ma Arumgimis mo be.

MAṮṮA 16:24

Yan’ko’d Yesus ki ṯor imanciḵ a’di gwo gwo mo ki: Waḵki/ wathiŋ kamu/ midi yayu/ ibaṯẖ aha/ nsho’k mo tani dhalki a’di non is piti mo ma dhali ’de’k cwany’ciṯẖan dhul piti mo dhali baṯẖ aha/ nsho’k mo.

YOHAAN 16:2

Uni mini ur um ka pije/ ’peni gu’b gi montul is mo. Ka jiŋ gana/, mo midi p̱u’du/ mo ki a’diyin jin midi ’kosh um mo tani midi ṯosh ki a’di mii to mmoluŋa a’diya luŋ goma Arumgimis mo.

YOHAAN 16:33

Aha/ okina gwo yansan e um mo ki e aha/ mo tani um mini ta gi moŋḵu’th is mo. E mony’cesh yan mo tani um mini gam monṯo’c bwa mo, hili roc̱i shoka ’cesh ’te/ ma, haali/ aha/ p̱ikina mony’cesh yansan e ki mii mo be.

MARKUS 10:30

a’di jin midi diki bu’th to ki me’d iss ’kwanimpa ka mudhe’d mo shwane/ mo ki mo yansan mo, gu’b mina a’di gam mo dhali ikam piti mo dhali i’bwaham piti mo dhali ikum mo dhali uc̱i mo dhali mo mo nyaḵki to kun mini ṯo’c a’di ’kus mo, dhali ki she yil yan jin midi p̱u’du/ mo tani a’di midi gam mondiki/e ki sule/ sule/ ya ye ’ba/ mo be.

TIITHUS 2:12

mmoye’th ana sho’k mo mmowaḵ gwo mo jin ushuwa Arumgimis luŋ mo dhali mii gun dhunu e ki ’thir ’thir mo e mony’cesh yan mo dhali mmo’ko mmoḵu’th is ki ’cese/ ’cese/ mo dhali mmota gi buyeŋ kush gana/ mo dhali mmomii mii ma gayiin mo e mony’cesh mo be,

BUṮERUS SU/ 3:11

Haali/ me’d jin mina ris to gwansani ’baar mo wa mo wakan mo tani um mini ta ’kwani kun mini wakata ḵa ba/ mo mmomii mii kun ḵogu mo dhali mii mii ma gayiin mo

KURINṮH̱UUS ’DE/ 15:19

Waḵki/ e moŋ’koki/e yan jasi kan mo tani ana gun ’kona eya Ḵrisṯẖos mo tana gi mo ma ’teŋ kap̱e/ mo tani ana ’baar mo tana ’kwani gun boṯa ki shi/ gana/ mo mmobol ’kwanin tiya ’baar mo e mo be.

GWO JIN ’CEENU MO 12:4

Dhali thin piti ’cwarki ’ban ma cul jin ’kon ma p̱o/i kwara mo ’peni momis mo dhali ras uni ka ’cesh mo. Dhali tasha/ doshki’di bwambor ma ’bom mo a’di jin ’disha ’twa/ mo mmodhodha ’ci mo ki a’di midi ’taki losa ’ci ma yim mo ka yim midi ’taki dho’th a’di mo.

GWO JIN ’CEENU MO 7:14

Aha/ ki o a’di gwo mo ki: Gana, /e a’di imishki uni mo be. Dhali a’di ki oyaa/ gwo mo ki: Uni gwansani, ita uni gun piyin mo ’pena dhan monṯo’c bwa mo. Uni lamki burrinyen tur buni mo dhali mii uni ki bany bany ka bas gi Ari Ḵa’bal mo.

TIITHUS 1:1

ABuulus jin ta c̱iŋkina/ ma Arumgimis mo dhali a’di jin karu ki she/ mo goma Yesus Ḵrisṯẖos mo mmop̱al moŋgam gwo is ma Arumgimis mo gom uni kun kwanykunu mo dhali gom monyiṯẖ buni jin nyiṯẖkina uni gwoŋ gana/ mo, a’di jin ṯekunu mo ki mii ma gayiin mo,

ṮIMUṮH̱AWUUS ’DE/ 6:3

Waḵki/ wathin ṯal ’deŋ kamu/ midi ṯor gwoŋ kamu/ jin di ki she/ mo dhali diki gam gwo me’d mo ki gwom ’borga/ gi Tap̱a Yesus Ḵrisṯẖos bana mo tani dhali gwo jin ṯoru jin gamu me’d mo ki mii ma gayiin mo tani

ṮIMUṮH̱AWUUS ’DE/ 3:16

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

ṮIMUṮH̱AWUUS ’DE/ 2:2

gom imaliḵ mo dhali gom ’kwani ’baar mo kun ’ko ’kom ’penkap̱an mo, ki ana mina ’kowa lam bana ki shwam mo dhali ki moŋḵu’th is mo dhali ki mii ma gayiin mo dhali ki ana minu tul ’twa/ ’kup̱ mo ki momaŋ mo ka ris ’twaŋkal kuku/ mo be.

KURINṮH̱UUS SU/ 1:12

Haali/ ’bam bam kun dhunu aman ki ca mo tani ta cikise/ mo be jin ta gwo jin c̱inu mo gom ’twa/ ma dum bam mo ki aman boṯkina ki mii e mony’cesh mo dhali ki nyanye/ mo tani aman miikina a’di ’kup̱ ki um mo ki mii jin ḵogu mo dhali ki mii ma gayiin mo dhali ki mii jin daru gi washila/ mo, yisa ki moyuḵ gi mony’cesh yan mo, hili ka ’the ma Arumgimis mo be.

YOHAAN 17:14

Aha/ c̱ikina uni gwom pini mo dhali ’kwaniny’cesh shi/ki uni i e mo haali/ uni ’koki ta ku gi mony’cesh mo, isi me’dyin dika/ ki ta ji gi mony’cesh mo be.

MAṮṮA 23:34

Wakan aha/ hashkina um imanc̱i gwo ma Arumgimis kadhamo/ mo dhali ’kwani kun yuḵayuḵ mo dhali ’kwani kun ta iman’kwar to mo. Dhali kun tiya mina umi ’kosh mo dhali ’kosh ki cwany’ciṯẖan dhul mo dhali kun tiya mina umi dor mo e gu’b gi montul is bum mo dhali ṯo’c ’kus e bampa/ ki she/ ki she/ mo.

KURINṮH̱UUS SU/ 4:9

aman ’koshkunu mo tani hili aman ’konuki dhal ’pen mo, aman dorkunu ḵal ’ko’da ’cesh mo tani hili aman yisa ’ce’dkunu sho’k mowa.