ṮIMUṮH̱AWUUS SU/ 2:3 - Uduk New Teatament and OT Portions

³ Budhi isa nyor pini jin pwaḵu /e mo me’da thuruḵ gana/ ma Ḵrisṯẖos jin ta’da Yesus mo be.

ṮIMUṮH̱AWUUS SU/ 2:3 Iomraidhean Croise

MII GUN MIINU MO 23:31

Wakan si’da/ i/askar me’d jin ḵankunu uni gwo mo tani uni bu’thkina Buulus mo dhali sus a’di ki mo ta mon’thiny mo e Pa Anṯibaṯriis mo.

KURINṮH̱UUS ’DE/ 13:7

Mo/en a’di dininki’da ris to ’baar mo she/ mo, a’di gama’da ris gwo ’baar mo is mo, a’di ta’d ga ’teŋ kap̱e/ gom to ’baar mo, a’di ’dim ’kup̱ gom to ’baar mo.

KURINṮH̱UUS ’DE/ 9:7

Kaja a’di jin midi miiya ṯuca askar ka guurush pitiŋ gana/ mo? Kaja a’di jin midi si amura’th mo mmodiki shwa maman ’peni a’di mo? Kaja a’di jin ta’d gi toŋkal mo jin midi diki uma ko ’peni unin tiya mo?

KURINṮH̱UUS SU/ 1:6

Waḵki/ aman ṯoju bwa mo tani a’di ta mii gom momalas bum mo dhali bway mowoṯẖ mo. Dhali waḵki/ aman malaskunu mo tani a’di si’da/ ta mii gom momalas bum mo jin wana gwo um kani bwa mo ki um ’kuc̱ki bwa mo ki ’kari’th mmo’dim ’kup̱ mo e mo gi isa nyor yan jin nyaḵka’d ki kun ’koshki am mo be.

ṮIMUṮH̱AWUUS ’DE/ 1:18

Gwoŋḵan yansan ḵankika/ /e mo, Ṯimuṯẖawuus, /e jin ta ya/m pem mo, isi ki gwo kun onu is mo kun bagu mo, uni kun ṯorkunu mo gom /e mo, ki /e mmoshi/irrkunu ki uni mo tani mini ’taki asa asa ’borga/ mo

ṮIMUṮH̱AWUUS SU/ 1:1

ABuulus, a’di jin karu ki she/ mo goma Ḵrisṯẖos jin ta’da Yesus mo ki bwa ma Arumgimis mo isi ki gwo jin onu is mo gom mondiki/e jin di’d eya Ḵrisṯẖos jin ta’da Yesus mo be.

ṮIMUṮH̱AWUUS SU/ 1:8

Dhalku/ ki mii ’the is mo mmoc̱i gwo mo gom Tap̱am bana mo, walla gom aha/ mmotaka/ habuus mo, hili budhi isa nyor pini jin pwaḵu /e mo gom gwom ’borga/ mo e mom’bi’th ma Arumgimis mo,

ṮIMUṮH̱AWUUS SU/ 2:10

Wakan aha/ ’dimkina ’kup̱ mo eya ris to ’baar mo gom gway gi uni kun kwanykunu mo, ki uni si’da/ mini ’taki bu’th bway mowoṯẖ yan jin diki’d eya Ḵrisṯẖos jin ta’da Yesus mo jin midi nyaḵ ya ki monyca ki sule/ sule/ ya ye ’ba/ mo.

ṮIMUṮH̱AWUUS SU/ 2:9

a’di jin ta gwom ’borga/ a’di jin ’koshka/ is ka nyor mo dhali rash mo ka maḵḵiya m’bame’d mo me’da manṯẖu’th to mii mo. Hili Gwo ma Arumgimis mo tani a’di yisa ta gwo jin deḵu mowa.

ṮIMUṮH̱AWUUS SU/ 3:11

dhali monṯo’c bwam pem mo, dhali isa nyor pem jin ’koshki aha/ mo, dhali a’di jin p̱u’dki’di aha/ e Pa Anthaakiya mo, dhali e Pa Ikuniyya mo, dhali e Pa Listra mo, dhali monṯo’c bwa wana, kun ’dimka/ ’kup̱ mo. Hili ’peni uni gwansani ’baar mo tani Tap̱a a’di yeki aha/ ’ba/ mo be.

ṮIMUṮH̱AWUUS SU/ 4:5

Dhali gom /e mo tani isa yempa/ ṯeli /e sho’k mo, dhali ’dimi ’kup̱ mo e mo jin ’koshu is ka nyor mo, dhali miiya ṯu’c gi imanṯor gwom ’borga/ mo, dhali thimi miin tom pini mo.

P̱ILIMUUN 1:2

Dhala Abp̱iyya mo jin ta ’bwah bana mo dhala Arḵibbus mo jin ta’da garr bana jin ta’da thuruḵ mo, dhala ḵaniisa e kuŋ gu’b pini mo.

IBRANIYIIN 10:32

Hili yuḵa teen dhamo/ gwansan mo ki ’ko’di um ’kokina e ma du kun ’twaḵki mo mo tani um ’dim ’kup̱ mo e mii jin ’batha’ba’th jin jwakaṯki’d ki mo/isa nyor mo

IBRANIYIIN 11:27

Ki moŋgam gwo is mo tani a’di dhalki Pam Masir ’pen mo, yisa mmoḵo/kina a’di anyor ma maliḵa, haali/ a’di ’dimki ’kup̱ mo mmohilkina a’di a’di jin molu mish mo be.

IBRANIYIIN 6:15

Dhali wakan a/Ibrahiim taki’d gi bwa jin ’kuc̱kina a’di ki ’kari’th mo mmobu’th gwo jin onu is mo.

YAKUUB 1:12

Mom’bor mii gom wathi/ jin ’dimki ’kup̱ mo e mompal mo haali/ ki a’di mishki mompal mo tani a’di midi bu’th toŋ’kup̱ gi mondiki/e mo a’di jin on ma Arumgimis gwo is gom uni gwansan kun eni a’di mo be.