ṮIMUṮH̱AWUUS ’DE/ 4:3 - Uduk New Teatament and OT Portions

³ uni gun nonki mash jin mashu mo dhali uni kun shush mii mo mmoga/ tonṯen tiya mo, uni kun uḵ ma Arumgimis mo mmota to gun minu bu’th ki mo jin ’boruwa ’bor bwa i is mo ki uni gwansan kun gamki gwo is mo dhali mish gwoŋ gana/ mo be.

ṮIMUṮH̱AWUUS ’DE/ 4:3 Iomraidhean Croise

ṮAKWIIN 9:3

Aris to kun joc̱kin kun ’kon ki e mo tani uni mini ta tonṯe/ gom um mo, dhali me’d jin c̱ika/ um ton dhii/i’d mmosi mo tani aha/ mina c̱i um aris to ’baar mo.

MAṮṮA 14:19

Dhali yan’ko’d a’di ki ḵana waambuhany ’kwani gwo mo mmo’ko ’pena ’cesh ap̱owa sho mo. Dhali a’di ki bu’th maaŋḵuthu’di mudhe’d mo dhali to yi’de/ nsu/ mo tani a’di ki hil ’kup̱ ki ’ce’d a’di mo dhali a’di ki c̱i maaŋḵuthu’d ki imanciḵ a’di gwo mo dhali imanciḵ a’di gwo ki c̱iki uni ka waambuhany ’kwani mo be.

MAṮṮA 15:11

A’di diki ta to jin yaki ’twa/ wathi/ jin midi shi/ a’di mo hili a’di jin piyi’d ’peni ’twa/ wathi/ mo tani to yansan a’di ishi/ki wathi/ is mo be.

MAṮṮA 15:36

Dhali a’di ki bu’th maaŋḵuthu’di pesu/ mo dhali to yi’de/ mo dhali a’di ki ’bora ’bor bwa i is mo dhali a’di ki ’ce’d uni mo dhali c̱i uni ki imanciḵ a’di gwo mo mmoc̱ika waambuhany ’kwani mo be.

LUUKA 24:30

Dhali ki a’di diki’da tharabeesa nyaḵki uni mo tani a’di bu’thki maaŋḵuthu’d mo dhali ’bora ’bor bwa i is mo dhali ’ce’d a’di mo dhali c̱i a’di ki uni mo be.

YOHAAN 6:23

Bahili jasa ḵur ’peni Pan Thabariyya mo tani p̱u’dkin mo mmo’dish mo is mo e mo jin shwakina uni maaŋḵuthu’d mo ’ko’di Tap̱a ’borki’da Arumgimis bwa i is mo be.

MII GUN MIINU MO 27:35

Dhali ki a’di oki gwo yan kan tan mo tani dhali a’di bu’thki maaŋḵuthu’d mo dhali a’di ’borki’da Arumgimis bwa i is e buŋ’kusi uni ’baar mo. Dhali a’di ’ce’dki a’di mo dhali ṯel a’di ’pen mo mmoshwa mo be.

RUUMIYA 14:17

Haali/ Bampa/ ma Arumgimis diki ta ’pemen gwo gom tonṯe/ mo dhali tomp̱i mo ’te/. Hili gom mo ma ḵar/e mo dhali mo ma ḵu’th is mo dhali moŋ’kuny bwa e Shi/in Dheleladhelel mo be.

RUUMIYA 14:3

Dhalku/ ki dhal a’di jin shwa to ki waḵ a’di jin ga/i to mo. Dhali dhalku/ ki dhal a’di jin ga/i to ki ta ashi/m bwa gom a’di jin shwaki to mo haali/ Arumgimis han a’di mo be.

RUUMIYA 14:6

A’di jin karki’da cim mo tani kar a’di mmotaḵ Tap̱a mo be. A’di si’da/ jin shwaki to mo tani shwa a’di mo mmotaḵ Tap̱a mo be, haali/ a’di ’borki’da Arumgimis bwa i is mo, me’d a’di jin ga/ki to mo tani ga/ki a’di mo mmotaḵ Tap̱a mo dhali mmo’bora Arumgimis bwa i is mo be.

KURINṮH̱UUS ’DE/ 6:13

Tonṯeyi gom bwa mo dhali bwayi gom tonṯe/ mo. Dhali Arumgimis midi ’ce’d jin ṯal ’deŋ kamu/ sho’k mo dhali jaŋ kamu/ mo. Buŋgwar is yisa uḵu gom mii jin miinu miinyc̱al mo. hili gom Tap̱a mo dhali Tap̱a gom buŋgwar is mo be.

KURINṮH̱UUS ’DE/ 7:28

Hili waḵki/ /e ki mash mo tani /e mii miinthus yisa. Dhali waḵki/ nyara/ masha’d mo tani ayim mii miinthus yisa. Hili uni gwansan kun mashkin mo tani uni mina gwo gi mony’cesh ibal is mo mmoṯo’c bwa mo be dhali aha/ ona bwayi mmo’tash a’di ’twa/ ’peni um mo.

KURINṮH̱UUS ’DE/ 8:8

Tonṯe/ midi diki mish ana sus eya Arumgimis mo. Ana minu mii ki shi/ yisa waḵki/ ana ’konaki shwa a’di mo dhali ana minu ’bor mo yisa waḵki/ ana ki shwa a’di mo.

KULUSSI 2:16

Wakan dhalki wathin ṯal ’deŋ kamu/ ki dhal bway mo mmokar gwo waḵ ap̱o/ um mo e gwo jin doṯuwa doṯ mo gom tonṯe/ mo dhali tomp̱i mo walla gom mo ma yuḵ jin yuḵu ka tul ’kup̱ mo walla goma appen this mo walla goma cim ma pesu/ mo.

KULUSSI 3:17

Dhali ma eya ris to gunn kun mina um imii mo tani e gwo gun ona um mo walla mii gun miina um mo tani miiyi aris to ’baar mo ki gway gi Tap̱a Yesus mo mmoc̱i mo jin ’boruwa ’bor bwa i is ka Arumgimis mo, a’di jin ta’da Baba e a’di mo be.

ṮIMUṮH̱AWUUS ’DE/ 2:4

a’di jin dina gwo ibwa mo goma ris ’kwani ’baar mo ki uni minu woṯẖ mo dhali mmop̱u’du/ mo mmonyiṯẖ gwoŋ gana/ mo be.

ṮIMUṮH̱AWUUS ’DE/ 4:4

Haali/ aris to ’baar mo kun uḵ ma Arumgimis mo tani uni ta tom ’boron mo, dhali toŋ kamu/ minu waḵ mo gomata? waḵki/ a’di budhu ki mo jin ’boruwa ’bor bwa i is mo,

ṮIMUṮH̱AWUUS ’DE/ 5:14

Wakan ba/ aha/ ona ki uni gun ta dhuru’c kun wuna ikaṯẖim buni mo tani dhalki uni mashan mo mmodho’th uc̱i mo, mmoji gu’b buni mo, dhali mmo’koki c̱i a’di jin ta ’kup̱ embula kamu/ mo mmosor ana mo.

IBRANIYIIN 13:4

Dhalki mash jin mashu ki mash gana/ mo karu ki montaḵi bwaman umi ’baar mo dhali dhalki mo gi miinu miimash karu ki jiŋ ḵogu mo haali/ Arumgimis midi dwall gwo mo gom uni gun ha’k ’pen ’ceŋ gwaṯẖ mo dhali up̱ kun ta kumana ’ka mo dhali uni gun mii miinyc̱al mo.

IBRANIYIIN 13:9

Dhalku/ ki ta uni kun minu susi per mo ki gwo kun ṯoru kun ’kona e ki she/ ki she/ mo dhali kun molu mo naskina/. Haali/ a’di ’boro’d mo ka du minu ’bi’th is ka ’the mo, yisa ki tonṯe/ mo, a’di jin midi diki ha me’d mo gom uni gun shwaki uni mo.