ṮIMUṮH̱AWUUS ’DE/ 2:3 - Uduk New Teatament and OT Portions

³ Mii yansan a’di ’boro’d mo dhali a’di mishkunu bu’th mo e jis/e ma Arumgimis jin ta’da Manwoṯẖ bana mo,

ṮIMUṮH̱AWUUS ’DE/ 2:3 Iomraidhean Croise

LUUKA 1:47

dhali shi/in pem ’kunykina bwa mo eya Arumgimis jin ta’da Amanwoṯẖ pem mo,

RUUMIYA 14:18

A’di jin miiki to wakan goma Ḵrisṯẖos mo tani mish ma Arumgimis bu’th mo dhali ta a’diŋ gana/ jin maŋa ’kwani mo be.

P̱ILIBBI 1:11

Mmo’tu’d mo ki maman gi mo ma ḵar/e jin p̱u’du’d ’pena Yesus Ḵrisṯẖos mo mmota monyca mo dhali momaŋ ma Arumgimis mo be.

P̱ILIBBI 4:18

Hili aha/ bu’thkina to ’baar mo ki nyanye/ mo. Aha/ ’tu’dkunu mo mmobu’thkika/ to mo ’pena Abap̱rudiṯus mo, to gun p̱u’dkin mo ’peni um jin ta’da shim jin c̱inu jin ḵuyi mo ki ḵuy jin ta mo jin miikunuwa bas mo jin mishu bu’th mo mmo’bora Arumgimis bwa i is mo be.

KULUSSI 1:10

mmosusa sus e bway mii kun mini ha me’d gom Tap̱a mo, mmo’tu’d mo ki mii kun mini ’bor a’di bwa i is mo mmoḵal mamana dho’th mo goma ris miim ’borga/ mo dhali mmomara mar is mo ki monyiṯẖa/ Arumgimis mo be.

TASALUNIIKI ’DE 4:1

Ḵwalany ’te/ ba/ iwaḵa, aman yuḵkina um mo dhali malas um mo e Tap̱a Yesus mo ki um me’d jin da/arkina um gwo mo ’peni aman mo gom gwo jin mina um ḵa ’ko mo ba/ dhali ’bora Arumgimis bwa mo jasi me’d mii jin miikina um mo tani miiyi wakan ki nyanye/ mo dhali ki nyanye/ mo.

ṮIMUṮH̱AWUUS ’DE/ 1:1

ABuulus a’di jin karu ki she/ mo goma Ḵrisṯẖos jin ta’da Yesus mo ki gwoŋḵan ma Arumgimis mo jin ta’da Manwoṯẖ bana mo dhala Ḵrisṯẖos jin ta’da Yesus jin ta mo ma ’teŋ kap̱em bana mo be.

ṮIMUṮH̱AWUUS ’DE/ 4:10

Haali/ gom ’pemen yansan mo tani ana ’kona mo mmomiiya ṯu’c kun ’batha’ba’th mo dhali mmopicira picir mo haali/ ana takina ga ’teŋ kap̱em bana mo jin karkunuwa p̱o/ ma Arumgimis jin di ki e mo, a’di jin ta’da Amanwoṯẖ gom ’kwani ’baar mo, dhali ki ji mum mo gom uni gwansan kun gamki gwo is mo be.

ṮIMUṮH̱AWUUS ’DE/ 5:4

Waḵka ’boma kamu/ jin wun ma kaṯẖ mo ta’d gi uc̱i mo walla uc̱i gi uc̱im piti mo tani dhalki uni nṯwa/a/ da/ar gwo mo gom ji gi luŋum buni mo gom mii jin minu mii mii mo goma waḵ buniŋ gana/ mo mmoc̱i ton tiya ka nyaŋ’ko’d mo gom ita’dam buni mo dhali icom mo. Haali/ mii yansan a’di mishu bu’th mo e jis/e ma Arumgimis mo.

ṮIMUṮH̱AWUUS SU/ 1:9

a’di jin woṯẖki ana mo dhali yuḵ ana mo ka yuḵ jin ḵogu mo, yisa gom miim bana jin ha me’d mo, hili ki miim piti kun ha me’d mo e ’kup̱ miim pitiŋ gana/ yan mo dhali a’the jin c̱ikina a’di ana mo tani eya Ḵrisṯẖos jin ta’da Yesus mo ki yil ka risi ṯwa/a/ mo,

IBRANIYIIN 13:16

Dhalku/ ki mii mii ma p̱inykin is mo mmomii mii kun ’boron mo dhali mmopwaḵ to bwa mo a’di jin tana um mo, haali/ ki to gi wakan kun ’ciṯẖuwa basa ’cesh mo tani a’di ’borki’da Arumgimis bwa mo be.

BUṮERUS ’DE/ 2:20

Haali/ to jin gama um a’di ta’da taye, waḵki/ um ki ṯẖu’th to mii mo dhali gam mondor mo gom a’di mo tani dhali um mini bu’th a’di ki bwa jin ’kuc̱u ki ’kari’th mowa? Hili waḵki/ um ki mii miim ’boron mo dhali ’kosh is ka nyor mo gom a’di mo tani um bu’thki a’di ki bwa jin ’kuc̱u ki ’kari’th mo dhali um tan gi mo jin ṯes ma Arumgimis um mo be.

BUṮERUS ’DE/ 2:5

Dhali me’d wosh kun ’ko ki e mo tani tayi um ki is bum kun minu nyaŋ mo mmota gu’b gi to gi shi/in mo, mmota uni gun mii mii ma gasiis kun ḵogu mo, mmoc̱i to kun ’ciṯẖu/ ’kus mo kun ta gi shi/in mo kun mishu bu’th ka Arumgimis eya Yesus Ḵrisṯẖos mo be.