ṮAKWIIN 9:12 - Uduk New Teatament and OT Portions

¹² Dhali Arumgimis ki o gwo mo ki: A’di ta jamas mii gi gwom pem jin gamka/ me’d a’dihe/ mo, a’di jin miga/ gam me’d nyaḵki um mo dhali aris to/e kun uḵu mo kun nyaḵ ’ko ki um mo gom yilaŋkamu/ ma nyaḵum yil buni ’baar mo.

ṮAKWIIN 9:12 Iomraidhean Croise

ṮAKWIIN 17:11

Um minu mii i’ciṯẖa/ munyjal yis bum mo e shuman is ma yi’c ma munyjal yis jin ’kuc̱kunu is mo, dhali a’di midi ta jamas mii gi gwo jin gamka/ me’d mo ibwaman aha/ mo dhali /e mo.

Mmo/ii ka Pije/ mo 12:13

Abas a’di i midi ta jamas mmomish gwo ’ban gom moŋ’kom bum mo. Dhali ki aha/ mina p̱ara bas e mo tani aha/ mina pe um ’kup̱a nyolos mo. Dhali mii shi/gaŋ kamu/ yisa midi biṯa p̱o/ um mo mmo’ce’d um sho’k mo me’d jin miga/ ’kosh Bampa/ Masir mo yisa.

Mmo/ii ka Pije/ mo 13:16

A’di midi ta jamas gom /e e me’d pini mo walla e buyem pini mo ki me’da ’bi’thga/ gi TAP̱A a’di i suski aman ka pije/ ’peni Pam Masir mo be.

ṮAKWIIN 9:17

Arumgimis ki owa Nuuh gwo mo ki: A’di ta jamas mii gi gwo jin gamka/ me’d mo, a’di jin miga/ ṯel sho’k ibwaman aha/ mo dhali aris buŋgwar is kun ’kon e mony’cesh mo.

ṮAKWIIN 9:13

Aha/ karkina bwaam pem e bwam ma raḵ mo, dhali a’di midi ta jamas mii gi gwo jin gamka/ me’d ibwaman aha/ dhali mony’cesh mo.