ṮAKWIIN 7:4 - Uduk New Teatament and OT Portions

⁴ Haali/ ka cim pesu/ mo tani aha/ mina hasha sho’k ap̱o/ mony’cesh mo acim ma iss su/ montee mo dhali acim ma iss su/ mon’thiny mo. Dhali aris to/e ’baar mo kun ’kon ki e mo kun uḵka/ mo tani aha/ mina ḵal uni sho’k ka pije/ ’peni bwam/e ga ’cesh mo.

ṮAKWIIN 7:4 Iomraidhean Croise

ṮAKWIIN 2:5

ki to jin sinu e mombunto p̱iyi’d e mony’cesh naskina/ mo dhali to jin miinuwa ’tash ’koki ’ko e bunto mo mmo’ka/a le/ naskina/ mo – haali/ Tap̱a Arumgimis diki dhal uniya sho’k bway mo mmohetha p̱o/ mony’cesh mo, dhali wathimpa en’thi/ p̱iyi’d mmoḵora ’cesh mo.

ṮAKWIIN 6:13

Dhali Arumgimis ki owa Nuuh gwo mo ki: Aha/ ḵara/ dina gwo ibwa mo ba/ mmodaḵa ris buŋgwar is ’kup̱ mo haali/ mony’cesh a’di ’tu’dkunu ki piny piny ki mo ma bujur gi uni mo. Hili mo mo ma, aha/ mina ’ce’d uni sho’k nyaḵki mony’ceshi lu/ mo.

ṮAKWIIN 6:17

Haali/ hili mo mo ma aha/ mina hasha gannu/ yi’de/ ap̱o/ mony’ceshi ’baar mo mmo’ce’da ris buŋgwar is sho’k mo uni gun shi/irin moŋ’koki/e ’peni bwaŋ’kwariny momis mo. Aris to ’baar mo kun ’kon e mony’cesh mo tani mini wu mo.

ṮAKWIIN 6:3

Dhali yan’ko’d Tap̱a ki o gwo mo ki: Shi/in pem midi diki malas ’kwani ki sule/ sule/ mo haali/ a’di ta buŋgwar is mo, hili ateem piti midi ta yili iss ’kwanimpa ipe’de/ mo.

ṮAKWIIN 6:7

Wakan Tap̱a a’di ki o gwo mo ki: Aha/ mina dhi’th ’kwani sho’k mo uni kun uḵka/ ’peni bwam/e ga ’cesh mo, ’kwanimpa en’thi/ dhali tombwaasho dhali to kun parana ’cesh dhali ’dii kun p̱en e mis mo haali/ aha/ diṯa bwa mo ki aha/ i/uḵkina uni mo.

ṮAKWIIN 7:10

Dhali ’ko’da cim pesu/ thimkin mo tani agannu/ yi’de/ p̱u’dki’da p̱o/ mony’cesh mo.

ṮAKWIIN 7:12

Dhala sho’k wolki ’twa/a p̱o/ mony’cesh ka cim iss su/ montee mo dhali ka cim iss su/ mon’thiny mo.

ṮAKWIIN 7:17

Agannu/ yi’de/ a’di ṯikirki’d ka cim iss su/ ap̱o/ mony’cesh mo dhali yi’de/ marki is mo dhali a’di ki ’deka ḵur mo dhali a’di ki cu mo mmobola ’cesh ka p̱o/ mo.

ṮAKWIIN 7:3

dhali ’dii kun ’koni pesu/ ka pesu/ pesu/ mo kun p̱en e mis si’da/ mo, rasan dhali kuman mo, mmodhu uni ki e ki jamas buni ki she/ ki she/ e bwam/e gi mony’ceshi ’baar mo.

ṮAKWIIN 8:10

A’di c̱orki’da cim pesuŋ kamu/ doḵ/e mo dhali a’di ki hash gurko/ ka pije/ ’peni bwam ma ḵur doḵ/e mo.

ṮAKWIIN 8:12

Dhali yan’ko’d a’di c̱orki’da cim pesuŋ kamu/ mo, dhali a’di hash gurko/ mo, dhala yim yaki’d mo dhali diki doḵu/ ka nyaŋ’ko’d i a’di mo.

ṮAKWIIN 8:2

Yi’de/ kun kasha e ’peni mo kun ’kula’kul mo dhala campur gi momis mo tani uni mu’thkunu mo dhala sho’k ’peni momis a’di guki ’twa/ mo,

GWAY GI IDAWUU’D 69:28

Dhalki uni ’koshu gway buni ’pena warka/ gi mondiki/e mo, dhali uni minu ’koki ’kwar gway buni e bwamana warka/ nyaḵki ’kwani kun tana ḵar/e mo.

GWO JIN ’CEENU MO 3:5

A’di jin p̱iki mii e mo tani a’di minu shum isi kan ki burrinyeŋ kush mo, dhali aha/ mina diki ’kosh gway piti mo ’pena warka/ gi mondiki/e mo. Aha/ mina pi gway piti ibwambor ma Babam pem mo dhali ibwambori iman’doyu gwom piti mo.