ṮAKWIIN 5:3 - Uduk New Teatament and OT Portions

³ Ka Aadam c̱a’bki’d ki e ki yili iss ’kwanimpa ipe’de/ i’ce’dka ’kume’d mo tani a’di warki’d ka baba gom ya/m piti jin wakina e ki a’di mo, mmobu’thkina a’di isi jamas piti mo, dhali yuḵ a’di gway ka Shiiṯ mo.

ṮAKWIIN 5:3 Iomraidhean Croise

ṮAKWIIN 4:25

Dhala Aadam mishki’da ’bom piti doḵ/e mo, dhali ayim dho’thki’da ’ci jin ta ya/ mo dhali yuḵ a’di gway ka Shiiṯ mo, haala yim o gwo mo ki: Arumgimis karki aha/ ’pen ka pije/ mmodhodha ’ciŋ kamu/ mmodhalka Habiil e i is mo, haala Kayiin ’koshki a’di jwa mo.

ṮAKWIIN 5:2

Wathiŋ gwaṯẖ dhali wathim ’bomi a’di ki uḵ uni mo dhali a’di ki ’bor uni mii mo dhali a’di ki yuḵ uni gway ki ’kwani en’thi/ mo me’d jin uḵkina a’di uni mo.

ṮAKWIIN 5:4

Atee kun din ma Aadam ’ko’di a’di taki’da baba goma Shiiṯ mo tani a’di ’kokina yili iss ’kwanimpa i/iss su/ mo, dhali a’di ta’dki iya/a tiya mo dhali i’bwa/a tiya mo.

GWAY GI IDAWUU’D 51:5

Hili mo mo ma, aha/ ḵalunu ka pije/ e miinthus mo, dhali e miinthus mo tani ata’dam pem bwaaki aha/ mo be.

LUUKA 1:35

Dhali aman’doyu gwo thoḵki’da yim gwo mo ki: Shi/in Dheleladhelel midi yayu/ apo/ /e mo, dhali mom’bi’th gi a’di jin Cayaa/ e ki Ca mo midi ’kam /e ka la mo be. Wakan a’ci jin minu dho’th mo tani a’di minu yuḵ ki jiŋ ḵogu mo, a’di jin ta Ya/ ma Arumgimis mo be.

LUUKA 3:36

dhali jin ta ya/ ma Giinaan mo dhali jin ta ya/ ma Arp̱akshaad mo dhali jin ta ya/ ma Saam mo dhali jin ta ya/ ma Nuuh mo dhali jin ta ya/ ma Laamak mo,

YOHAAN 3:6

C̱aan jin dhodhu ’peni buŋgwar is mo tani ta buŋgwar is mo dhali c̱aan jin dhodhu ’peni Shi/in mo tani a’di ta shi/in mo be.

RUUMIYA 5:12

Dhali me’d jin p̱u’dkina miinthus eya ’cesh ki wathim pan ’de/ mo tani dhali wu mo gom miinthus mo tani dhali wakan mo tani miinthus peperki’d eya ris ’kwani ’baar mo haala ris ’kwani ’baar mo miiki miinthus mo be.

KURINṮH̱UUS ’DE/ 15:39

Haali/ aris shuman is yisa nyaḵkana, hili buŋgwar is ṯal ’de/ gom ’kwani en’thi/ mo, dhali buŋgwara kamu/ goma ris tonycuḵ mo, dhali buŋgwara kamu/ goma ris tonyjeshe/ mo dhali buŋgwara kamu/ goma ris to yi’de/ mo.

KURINṮH̱UUS ’DE/ 15:49

Me’d jin ḵalkina ana jamas gi wathi/ gi bu’da ’cesh mo tani ana si’da/ mina ḵal jamas gi wathi/ jin ta ji gi momis mo be.

EP̱ASUS 2:3

Ibwaman uni gwansan mo tani ana ’baar mo ’kokina mo nṯwa/a/ mo e em bana mo kun dhuna ana ki ’thir ’thir mo gom buŋgwar is bana mo, mmobaṯẖ bwa en’dap̱ mo gom buŋgwar is mo dhali bwa mo, dhali wakan ana ’kokina mo ki buyem pa mmota uc̱i ma nyor mo me’d ’kwanin tiya kun ta ’kwani en’thi/ mo be.