ṮAKWIIN 5:2 - Uduk New Teatament and OT Portions

² Wathiŋ gwaṯẖ dhali wathim ’bomi a’di ki uḵ uni mo dhali a’di ki ’bor uni mii mo dhali a’di ki yuḵ uni gway ki ’kwani en’thi/ mo me’d jin uḵkina a’di uni mo.

ṮAKWIIN 5:2 Iomraidhean Croise

ṮAKWIIN 1:27

Wakan Arumgimis uḵki wathi/ en’thi/ mo ki jamas pitiŋ gana/ mo, ki jamas ma Arumgimis gana/ mo tani a’di i/uḵkina a’di a’di mo. A’di jin ta wathiŋ gwaṯẖ mo dhali a’di jin ta wathim ’bomi mo, uni i/uḵkina a’di mo.

ṮAKWIIN 1:28

Dhali Arumgimis ki ’bor uni mii mo, dhali Arumgimis ki o uni gwo mo ki: Dhodhi maman mo, dhali mari is mo, dhali ’tu’di mony’cesh mo, dhali dili a’di abora ’cesh mo, dhali tayi gi mom’bi’th ap̱o/ to yi’de/ gi ḵumma/ yi’de/ mo dhali ap̱owa ris ’dii kun p̱en e mis mo, dhali ap̱owa ris to kun ’kon ki e kun ḵalki ya ap̱o/ mony’cesh mo.

ṮAKWIIN 2:15

Dhali Tap̱a Arumgimis ki bu’th wathimpa en’thi/ mo mmokar a’di e bwaagoŋ ma Idin mmoḵorki a’di mo dhali mmokar a’di mo.

ṮAKWIIN 2:23

Dhali yan’ko’d wathiŋ gwaṯẖ ki o gwo mo ki: Hayyiye ayaase ita’da simam pema dhali buŋgwar is ki shuman is pema. Ayim minu yuḵ gway ka A’bom mo, haali/ ayim a’di bu’thkunu ’peni Wathiŋ Gwaṯẖ mo.

ṮAKWIIN 5:3

Ka Aadam c̱a’bki’d ki e ki yili iss ’kwanimpa ipe’de/ i’ce’dka ’kume’d mo tani a’di warki’d ka baba gom ya/m piti jin wakina e ki a’di mo, mmobu’thkina a’di isi jamas piti mo, dhali yuḵ a’di gway ka Shiiṯ mo.

MAṮṮA 19:4

A’di ki thoḵ gwo mo ki: ’Kona um ki deŋ gwo e mo ki a’di jin uḵki uni ’peni ka muŋ’kup̱ mo uḵki uni mo mmota wathiŋ gwaṯẖ mo dhali wathim ’bomi mo ’taa?

MARKUS 10:6

Hili ’peni ka muŋ’kup̱ jin uḵu to mo tani Arumgimis ki uḵ wathiŋ gwaṯẖ mo dhali wathim ’bomi mo be.

MII GUN MIINU MO 17:26

Dhali ’peni jan ṯal ’de/ mo tani a’di uḵki’da ris kal gi ’kwaniny’ceshi ’baar ki ’beles mo mmo’ko eya ris bwam/e gi mony’cesh mo mmo’kawurkina a’di yil mom buni kun dhunu mo dhali ki mom bwaŋgwayu/ gi moŋ’kom buni si’da/ mo,