ṮAKWIIN 48:4 - Uduk New Teatament and OT Portions

⁴ Dhali a’di o aha/ gwo mo ki: Hili mo mo ma, aha/ mina kar /e mo mmodho’th maman kagahara mo dhali aha/ mina mar /e amar is mo dhali aha/ mina kar /e mo mmota adhana ŋul’kup̱ ’kwani mo dhali aha/ mina c̱i bampa/ yan ki emen pini mo i’ko’di /e mo mmota mom buni jin mina uni ibu’th ki sule/ sule/ mo.

ṮAKWIIN 48:4 Iomraidhean Croise

ṮAKWIIN 12:2

Dhali aha/ mina kar /e mmota dhan kal caaca mo, dhali aha/ mina ’bor /e mii mo dhali kar gway pini ki ca mo, wakan ki /e mini ’bora ’bor mii mo be.

ṮAKWIIN 17:13

A’di jin dho’thkunu mo e gu’b pini mo dhali a’di jin yolkunu mo ka guurush pini mo tani a’di iminu mii i’ciṯẖa/ munyjal yis mo be. Wakan gwom pem jin gamka/ me’d mo tani a’di midi di e shuman is pini mo gwo jin gamu me’d mo jin midi di ki sule/ sule/ mo be.

ṮAKWIIN 17:6

Aha/ mina kar /e jin mina /e dho’th maman mmoḵala dho’th ka enthus mo dhali ’peni /e mo tani miga/ dhu kal gi ’kwaniny’cesh mo dhali imaliḵ mini p̱u’du/ mo ’peni /e mo be.

ṮAKWIIN 17:8

Dhali e /e mo dhali e emen pini kun mini pi ’peni /e mo ’ko’di /e mo tani aha/ mina c̱i um mony’cesh gi mo/ii ki iiŋ ’kus bum mo dhali aris mony’cesh gi Paŋ Kanaan mo mmota mom bum jin mina um ibu’th ki sule/ sule/ mo dhali aha/ mina ta Arumgimis buni mo be.

ṮAKWIIN 22:17

Gom mom’bor mii tani aha/ mina mar ’bor /e mii mo dhali gom mo jin maruwa mar is mo tani aha/ mara emen pini is mo mmowa e ka cul gi momis mo dhali mmowa e ka si’b kun ’koni bwaman ma gap̱ mo. Dhali emen pini mini dila ris to ’pena goŋ gi ’kwani gun ta ’kup̱ pini mo,

ṮAKWIIN 26:4

Aha/ mina mar emen pini is mo me’da cul gi momis mo dhali aha/ mina c̱i emen pini aris bampa/ yani ’baar mo. Dhali gom gway gi emen pini mo tani aris kal gi mony’cesh mini ’bor is buni mii ki uni mo be.

ṮAKWIIN 28:3

Arumgimis jin Eḵa/ Eḵ mo ’borki /e mii mo dhali kar /e mmodho’th mo dhali mar /e amar is mo ki /e mini ta dhana buhany ’kwani mo be.

ṮAKWIIN 32:12

Hili /e oki gwo mo ki: Aha/ mina mii /e ki ’bore/ mo dhali dhu emen pini mmowa e ka si’b gi bwam ma al yi’de/ mo a’di jin minu mol deŋ e mo goma buhany piti mo.

ṮAKWIIN 35:11

Dhali Arumgimis ki o a’di gwo mo ki: Aha/ tana Arumgimis jin Eḵa/ Eḵ mo. Ḵali /e mamana dho’th mo dhali mari /e amar is mo. Kal ’kwaniny’cesh dhali arisa ṯa/ gi kal ’kwaniny’cesh mini piyu/ ’peni /e mo dhali imaliḵ ka ris mini du’du/ ’peni /e mo.

ṮAKWIIN 46:3

Dhali yan’ko’d a’di oki gwo mo ki: Aha/ tana Arumgimis mo a’di jin ta’da Arumgimis ma babam pini mo. Dhalku/ is ki ḵo/ mo mmoya ka luŋgu’b bway Pa Masir mo haali/ aha/ mina di imun mo dhali kar /e mmota adhan kal caaca mo.

ṮAKWIIN 47:27

Wakana Israyiil a’di ic̱a’bki’d mo e Pa Masir mo e mony’cesh gi Pan Jaasaan mo dhali uni gamki miiya du is e a’di mo, dhali dho’thki maman mo dhali mara/ amar is ki nyanye/ mo.

GWAY GI IDAWUU’D 127:3

Hili mo mo ma, iya/ gi ’kwani uni ta mal ’peni Tap̱a mo, maman ’peni bwa ma dho’th mo tani a’di i/ishki ḵumma/ mo.

Mmo/ii ka Pije/ mo 1:11

Gom ’kup̱ gwo yan tani uni dhuki itap̱a ap̱o/ uni mo mmoṯa/ uni is jwa ka ṯu’c kun diṯadiṯ mo. Dhali uni nyaŋkina P̱irawn ’peŋkuman bampa/ ki jasi mondhu tom piti mo kun yuḵu gway ka Piṯuum dhala Ramasiis mo be.

Mmo/ii ka Pije/ mo 1:7

Hili emen ma Israyiil uni dho’thkin ka ris mo dhali markunu is kagahara mo. Dhali uni eḵkin mo ki nyanye/ dhali ’bi’thkina is ki ’bi’th mo. Gom kan mo tani Pam Masir ’tu’dkunu ki uni mo.