ṮAKWIIN 45:3 - Uduk New Teatament and OT Portions

³ Dhali aYuusup̱ oki ikam gwo mo ki: Aha/ tana Yuusup̱ mo. A/ababam pem di’d ki e naskina/ mowa? Hili ikam piti mol a’di gwo thoḵ mo haali/ uni ḵo/ki is kagahara ibuŋ’kus piti mo be.

ṮAKWIIN 45:3 Iomraidhean Croise

ṮAKWIIN 37:20

Iiyu/ mo shwane/ dhalki ana ’kosha a’di jwa mo dhali biṯ a’di mo e jis ’deŋ kamu/ mo dhali yan’ko’d ana mina o gwo mo ki: A’di ’kosha toŋgwap̱i/ jin shwan ma nyor jwa mo dhali ana mina p̱ar mo e mo ’pemen jan piti yan midi wakata mo?

ṮAKWIIN 42:21

Dhali yan’ko’d uni oki gwo ka rem’kup̱ mo ki: Ka jiŋ gana/ ana ’kona mii i’ba/ isi gwo goma kam bana mo me’d jin mishkina ana mii ma ḵashiram piti jin diki’d e mo ma c̱is mo ki a’di suski ana gwo sho’k mo dhali ana ’konaki ciḵ gwom piti mo. Gom gwo gi wakan mo tani a’di biṯa mii ma c̱is ap̱o/ ana mo be.

ṮAKWIIN 42:22

Dhali aRa/ubiin thoḵki uni gwo mo ki: Dika/ ki o um gwo mo ki: Dhalku/ miinthus ki mii ap̱o/ ari dhuru’c wathi/ mowa? Hili um ’koki ciḵ gwo mo. Wakan shwane/ mo jin ri/u ari/ gom abas piti mo tani a’di ip̱u’dki’d mo be.

ṮAKWIIN 43:27

Dhali a’di ’theḵki gwondoṯ mo gom moŋ’kom buni dhali o gwo mo ki: A/ababam bum di’d ki ’bore/ mo ’te/ tana? wathin dhan jin ṯorkina um aha/ gwo mowa? A/a’di di’d ki ’bore/ mowa?

MARKUS 6:50

haali/ uni ’baar mo p̱arki a’di e mo dhali uni ’kokina isi modee mo. Hili ki jahanne/ a’di ṯorki uni gwo mo dhali o gwo mo ki: Budhi adu mo ma. Aha/ a’dan be. Dhalku/ is ki ḵo/ mo ma.

LUUKA 5:8

Hili ka Simaan Buṯerus p̱arki a’di e mo tani a’di biṯki’d e ’kup̱a’dup̱un ma Yesus mo mmo/o gwo mo ki: Yaku/ mo ’peni aha/ mo ma haali/ aha/ tana wathi/ gi miinthus mo, ayy Tap̱a.

MII GUN MIINU MO 7:13

Dhali ki me’d jin ’kon ma p̱o/i su/ mo tani a Yuusup̱ ṯorki is piti eya tente/ e ikam mo dhali ’kwani ma Yuusup̱ ṯoru eya tente/ aP̱irawn mo.

MII GUN MIINU MO 9:5

Dhali a’di o gwo mo ki: /E tana ja Tap̱a mo? Dhali a’di o gwo mo ki: Aha/ tana Yesus jin ṯoca /e ’kus mo.

GWO JIN ’CEENU MO 1:7

Hili mo mo ma. A’di midi p̱u’du/ mo e bwaaraḵ mo dhali aris eŋ ’kwani ’baar ka ’deṯe/ ’deṯe/ mini p̱ar a’di e mo, dhali aris ’kwani ’baar ka ’deṯe/ ’deṯe/ kun su’k a’di mo tani, dhali arisa waḵ gi ’kwaniny’cesh mini wol ko mo gom gway piti mo. Isi kan si’dayi. Amen.