ṮAKWIIN 4:2 - Uduk New Teatament and OT Portions

² Dhali doḵ/e ayim dho’thki’da kam piti jin yuḵu gway ka Habiil mo. Dhala Habiil ta’da manhil ḵa’bal mo dhala Kayiin ta’da manḵora ’cesh mo.

ṮAKWIIN 4:2 Iomraidhean Croise

ṮAKWIIN 3:23

Dhali gom gwo gi wakan mo tani Tap̱a Arumgimis ki kar a’di ’pen ka pije/ ’peni bwaagoŋ ma Idin mo, mmoya ḵora ’cesh ki me’d piti mo ’peni mo jin bu’thkunu a’di ’peni cine/ mo.

ṮAKWIIN 37:13

Dhala Israyiil oki’da Yuusup̱ gwo mo ki: Ikam pini ’koki ura ma’diny ḵa’bal mo mmoc̱iya shon dhii/i’d mmo’dish Pan Shakiim is mo ’taa? Yayu/ mo, aha/ mina hash /e i uni mo. Dhali a’di thoḵki a’di gwo mo ki: Aha/ dina imahan mo be.

ṮAKWIIN 4:1

Dhala Aadam mishki’da Hawwa jin ta ash mo, dhali ayim bwaaki’d mo dhali dhodha Kayiin mo mmo/o gwo mo ki: Aha/ gamkina a’ciŋgwaṯẖ ki mowoṯẖ gi Tap̱a mo.

ṮAKWIIN 4:3

Dhali ki eŋ kamu/ mo tani Kayiin a’di ki ’doyi maman to kun sinu eya ’cesh mo mmoc̱i ki Tap̱a mo,

ṮAKWIIN 47:3

P̱irawn oki ikam piti gwo mo ki: Miin tom bum ta’da tinta mo? Dhali uni thoḵkina P̱irawn gwo mo ki: C̱iŋkinam pini uni ita imanhil ḵa’bal mo me’d ibabam bam mo.

ṮAKWIIN 9:20

Nuuh a’di ta wathin ṯal ’de/ jin ṯwa/a/ jin ḵorki’da ’cesh mo. A’di siki’da mura’th mo.

GWAY GI IDAWUU’D 127:3

Hili mo mo ma, iya/ gi ’kwani uni ta mal ’peni Tap̱a mo, maman ’peni bwa ma dho’th mo tani a’di i/ishki ḵumma/ mo.

Mmo/ii ka Pije/ mo 3:1

Dhala Musa ta’da amanhila ma’diny ḵa’bal ma mar piti ka Rau/iil mo jin ta’da gasiis gi Pa Midyaan mo. Dhala Musa urki’da ma’diny ḵa’bal piti dhali ’ciṯẖ bway mombwaasho mo dhali p̱u’di Wosh Sinaa/ jin ta wosh jin ḵogu mo be.

LUUKA 11:50

ka bas gi imanc̱i gwo ma Arumgimisi ’baar mo kadhamo/ mo jin wolkunu mo ’peni mo gi ḵa’bu mony’cesh mo tani minu doṯ to mo ’pena nyaḵum yil gi ’kwani gwansan mo be,

LUUKA 11:51

’pena bas ma Habiil mo ntaga bas ma Sakariyya mo tani a’di jin ’ce’dkunu sho’k mo e bwaman ma gwaṯa/ jin karu mo mmomiiya bas mo dhali e gu’b gi mondheleladhelel ma Arumgimis mo. Nye, aha/ ṯorkina um gwo mo ki a’di minu doṯ mo ’peni ’kwani ma nyaḵum yil gwansan mo be.

YOHAAN 8:44

Um ’pena babam bum jin ta tap̱a ma ruma ’cesh mo dhali bwam bum o’d ki mii me’d bwa ma babam bum mo. A’di ta’da man’kosha mee mo ’peni ka muŋ’kup̱ mo dhali a’di dar gi toŋ kamu/ mmomii gom gwoŋ gana/ mo haali/ gwoŋ ganaŋ kamu/ yisa di’da e a’di mo. Ki a’di ki ṯor gwo ka ṯor mo tani a’di ki o gwo mo me’d isi jin di’di a’diyi haali/ a’di ta’da ṯor mo dhali com jin cil ma ṯor mo.

YOHAAN ’DE/ 3:10

Gom mii yan kan mo tani a’di iminu mish mo mo eya tente/ mo gom uni gun ta uc̱i ma Arumgimis mo be dhali gom uni gun ta uc̱i gi Tap̱a ma ruma ’cesh mo: A’diyin jin diki di mo mmomii miim ’boro’d mo tani a’di ’peni Arumgimis yisa walla a’di jin diki ena kam piti mo.

YOHAAN ’DE/ 3:12

dhali yisa mmowa e ka Kayiin mo a’di jin ta a’di ’peni a’dinthus ’de/ yin mo dhali ’kosha kam piti jwa mo. Dhali kata ’koshkina a’di a’di mo? Haali/ miim pitiŋ gana/ mo tani ta jin thus mo dhali mii ma kam piti ta jaŋ ḵar/e mo be.

YOHAAN ’DE/ 3:15

Macin ’de/ yin jin shi/ki’da kam piti i e mo tani ta’da man’kosha mee mo be dhali um mishin ki wathi/ jin ’koshki’da mee mo tani diki ta gi mondiki/e ki sule/ ya ye ’ba/ mo jin c̱a’bki’d e a’di mo.