ṮAKWIIN 4:10 - Uduk New Teatament and OT Portions

¹⁰ Dhali Tap̱a ki o gwo mo ki: Atinta miikina /e? ’Twa/ ma bas ma kam pini a’di gwoki’d ’twa/ i aha/ ’pena ’cesh mo.

ṮAKWIIN 4:10 Iomraidhean Croise

ṮAKWIIN 18:20

Yan’ko’d Tap̱a oki gwo mo ki: Haali/ cuuwa/ jin ’theru ap̱o/ Pan Saduum mo dhali Paŋ Gamuura mo maru is mo dhali miinthus buni caaca kagahara mo tani

ṮAKWIIN 3:13

Dhali yan’ko’d Tap̱a Arumgimis ki owa ’bom gwo mo ki: Katinta sa/ jin miikina /e mo? Dhali a’bom ki thoḵ gwo mo ki: Tasha/ a’di imu’thki aha/ e mo dhali aha/ shwakina a’di mo.

ṮAKWIIN 9:5

Goma bas bum jin ’kona um ki e mo tani aha/ ka jiŋ gana/ aha/ mina ’theḵ gwo mo mmokara kar mo. ’Pena ris tombwaasho mo aha/ mina ’theḵ gwo mo dhali ’peni ’kwani mo. Dhali ’peni aris ’kwani kun ta ikam mo tani aha/ mina ’theḵ gwo gom mondiki/e gi wathi/ mo.

GWAY GI IDAWUU’D 50:21

To gwansan miikina um mo dhali aha/ c̱a’ba ki shwamm mo. Dhali /e ṯoshkin ki aha/ nyaḵa is ki /e mo. Dhali hili shwane/ aha/ ḵucurkina /e mo, dhali kar gwoŋḵan ibwambori /e mo.

GWAY GI IDAWUU’D 72:14

’Peni mo jin sirijuwa siri’c ki sho’k mo dhali abujur jin bujuru mo tani a’di wanki moŋ’koki/em buni ’ba/ mo, dhala bas buni ta yinthoŋ gana/ e jis/em piti mo.

GWAY GI IDAWUU’D 9:12

Haali/ a’di jin ri’cki’da bas mo tani a’di diki this uni e mo dhali a’di diki this ko e mo, ko gi a’di jin wo’ckunu is she/ mo.

GWAY GI IDAWUU’D 9:13

Miiyi mii ma ’the gom aha/ mo ma, ayy Tap̱a. Hili mo mo ma to jin ’koshi aha/ is ka nyor mo tani a’di ta to ’peni uni gwansan kun shi/ki aha/ i e mo, Ayy /e jin ’de’kki aha/ mo ’peni ’twaŋkal gi mowu mo,

Mmo/ii ka Pije/ mo 3:7

Dhali yan’ko’d TAP̱A ki o a’di gwo mo ki: Aha/ misha isa nyor jin wo’cki ’kwanim pem mo uni kun ’kokin mo e Pam Masir mo. Dhali aha/ ciḵkina kom buni mo gom mii gi imanjiya ṯu’c buni kun ta ’Kwani Masir mo. Dhali aha/ misha moŋ’kosh is ka nyor buni mo be.

MII GUN MIINU MO 5:3

Hila Buṯerus ki o a’di gwo mo ki: Hananiyya, ata ’tu’d ma Seṯaan eya dum pini mmotham gwo o ki Shi/in Dheleladhelel mo dhali boc̱ ’bana kamu/ ’pen ’pena guurush jin yolu/ mo mo sa/?

MII GUN MIINU MO 5:9

Hila Buṯerus oki’da yim gwo mo ki: Ata gama um gwo me’d mmonṯal ’de/ mmopal Shi/in gi Tap̱a kan mo? Hili ma, sho’k gi uni gun kankina kaṯẖin mo tani uni ’koni shan’tamo/ mo dhali uni mini ḵal /e ka pije/ gara/ mo be.

IBRANIYIIN 11:4

Ki moŋgam gwo is mo tani aHabiil a’di miiki’da Arumgimisa bas mo jin mishu bu’th mo mmobol ji ma Kayiin e mo ki mii jin bu’thkina a’di mo jin nyo/uwa nyo/ mo me’d wathiŋ ḵar/e mo. Haali/ Arumgimis ḵalki gwo o mo gom tom piti jin c̱ina a’di ki me’d mo jin bu’thkunu mo. A’di wuki’d mo, hili ki moŋgam gwo is piti mo tani a’di di’d ki e mo naskina/ mmo/o gwo mo be.

IBRANIYIIN 12:24

dhali eya Yesus mo, a’di jin doshki’da galany mo gom gwo jin ta jin this jin gamu me’d mo, dhali e mo jin ḵukuskunuwa bas mo jin onu gwo ki o ma aane/ mo ka bas yan bol ji ma Habiil e mo be.

YAKUUB 5:4

Hili to gi gama uni gun miina ṯu’c mo, uni gun ’ciṯẖi/ to mo e bwam buntom bum mo kun baga um ka wun mo tani gwokin kagahara mo. Dhali ko jin gwona iman’ciṯẖ to mo tani a’di jidhirki’d mo e bwany’ce gi Tap̱a Arumgimis gi momis mo be.