ṮAKWIIN 39:2 - Uduk New Teatament and OT Portions

² Dhali Tap̱a nyaḵki di ka Yuusup̱ mo dhali a’di warki’d ki wathi/ jin hana mii me’d mo dhali a’di diki’d e gu’b gi tap̱am piti jin ta Wathi/ Masir mo.

ṮAKWIIN 39:2 Iomraidhean Croise

GWAY GI IDAWUU’D 91:15

Ki a’di midi yuḵ aha/ mo tani aha/ mina yuḵ a’di ’twa/ mo, aha/ mina nyaḵ di ki a’di e mo jin ṯoju a’di bwa mo. Aha/ mina ’cwam a’di mo dhali taḵ a’di mo.

ṮAKWIIN 26:28

Uni ki thoḵ a’di gwo mo ki: Aman misha eya tenteŋ gana/ ki Tap̱a di’d nyaḵki /e mo, a’di i/ona aman gwo jin waki cise/ mo ki: Dhalki mo jin minu mii thul gwo me’da p̱o/ midi mii di mo e bwaman am dhali /e mo, dhali dhalki ana gama gwo jin gamu me’d mo nyaḵki /e mo.

ṮAKWIIN 21:22

Dhali a’di warki’d ki mo jin peki’d mo ka tee c̱aan mo ka Abimaalik dhala P̱ikul jin ta tap̱a gi ’kwani ma mee mo oki’da Ibrahiim gwo mo ki: Arumgimis nyaḵ di e /e eya ris to kun miikina /e mo be.

ṮAKWIIN 26:24

Dhali Tap̱a piki a’di i is mon’thiny mo dhali o gwo mo ki: Aha/ tana Arumgimis ma Ibrahiim jin ta’da babam pini mo, dhalku/ is ki ḵo/ mo haali/ aha/ mina nyaḵ di ki /e mo dhali ’bor /e mii mo dhali mar emen pini is mo gom gway gi c̱iŋkinam pem ka Ibrahiim mo be.

GWAY GI IDAWUU’D 1:3

A’di wana e ki cwa jin c̱u’thkunu e shemen yi’de/ jin guski’d mo, a’di jin gwono’dki maman ki yil piti mo, dhali ’cemen piti diki ḵu’th mo. Eya ris to ’baar kun miina a’di mo tani a’di rusa/ rus mo.

ṮAKWIIN 28:15

Hili mo mo ma, aha/ mina di nyaḵki /e mo dhali kar /e mo eya ris mo gunn kun mina /e iya mo dhali susi /e ka nyaŋ’ko’d e bampa/ yansan mo. Haali/ aha/ yisa mina dhal /e ’pen yisa ntagi aha/ mina thim gwom pem jin okika/ /e mo be.

GWAY GI IDAWUU’D 46:11

Tap̱a gi momis mo tani a’di nyaḵki di ki ana mo. Arumgimis ma Yakuub a’di ta jim bana jin hura ana jwa icine/ mo. Doshi ma dhali ’cunycuri yan mo.

GWAY GI IDAWUU’D 46:7

Tap̱a gi momis mo tani a’di nyaḵki di ki ana mo. Arumgimis ma Yakuub a’di ta jim bana jin hura ana jwa icine/ mo. Doshi ma dhali ’cunycuri yan mo.

ṮIMUṮH̱AWUUS ’DE/ 6:1

Dhalka ris uni ’baar mo kun ’kon mo e bwaŋ’kwariny dhaŋḵa’b ’bam buni kun tana uni c̱iŋkina/ kun yolu mo mmodhu uni kun ta tap̱am buni ki uni gun ha me’d mo eya ris montaḵ mo, wakan ki gway ma Arumgimis mo dhali gwo jin ṯoru mo minu ’koki wal gwo sora p̱o/ mo be.

MAṮṮA 1:23

Hili nyaraŋ gana/ midi bwaa mo dhali dho’th ya/ mo, dhali gway piti minu yuḵ ka Imanu/iil mo (’pemen piti jin o’d ka Arumgimis di’d e ana mo).

MII GUN MIINU MO 8:31

Dhali a’di ki o gwo mo ki: Miga/ mish ’peni mana ki dar gi wathi/ mmothuḵ aha/ gwo isi ciki/ mo. Dhali a’di yuḵki’da P̱ilibbus mo mmoseyu/ a/arabiya mo dhali nyaḵ c̱a’b ki a’di mo.

ṮAKWIIN 21:20

Dhali Arumgimis nyaḵ di ka ’ci mo dhali a’di caki’d mo dhali a’di c̱a’bki’d e mombwaasho mo dhali warki’d ki wathi/ jin yuḵayuḵ mo mmoshiina aththa mo.

ṮAKWIIN 39:3

Dhali tap̱am piti mishki mo mo ki Tap̱a nyaḵki di ki a’di mo dhali ki Tap̱a raḵki’da ris mii jin mina a’di ha me’d mmorusa/ rus mo.

ṮAKWIIN 39:23

Dhali amanhila sijin mo tani a’di c̱ina hirdhe/ yisa ki mii gunn kun miin ma Yuusup̱ mo mmohila hil mo haali/ Tap̱a nyaḵki di ki a’di mo dhali eya ris to gunn kun miina a’di mo tani Tap̱a dhuki uni mmorusa/ rus mo be.